Umhverfið - 12.06.1984, Blaðsíða 3

1 2. júní 1984
UMHVERFIÐ
3
Samfélagið má lengi bæta
Hvernig starfar Kiwanis?
Við Kíwanismenn verðum oft varir
við að nokkurs ókunnugleika gætir
meðal samborgara okkar um markmið
og starfsemi Kíwanishreifingarinnar.
Ef til vill geta þessar línur bætt hér
nokkuð úr. Kíwanis er alþjóðleg hreif-
ing þjónustuklúbba. Engin leynd hvílir
yfir störfum okkar. íslenska Kíwanis-
umdæmið starfar í 40 klúbbum vítt og
breitt um landið og í Færeyjum, með
um 1250 félögum.
Kíwanishreifinginn lætur sér ekkert
óviðkomandi á sviði líknar- , menning-
ar-, umhverfis- og hverskonar velferð-
armála samfélagsins. Öllum þessum
málaflokkum sinna Kíwanismenn eftir
því sem efni og aðstæður leyfa, með
hina gullnu reglu að leiðarljósi. ,,Eins
og þú vilt að aðrir menn geri þér, það
skalt þú, og þeim gera”. Á þessum
göfuga boðskap eru markmið Kíwanis-
manna byggð. Þau eru sett fram í sex
liðum undir kjörorðinu. ,,Við byggj-
um”.
1. Að hafa fremur í hávegum
manngildi og andleg verðmæti en
efnisleg gæði.
2. Að hvetja menn til að beita hinni
gullnu reglu í öllum mannlegum
samskiptum.
3. Að stuðla að vandaðri samskipt-
um manna á milli, jafnt í starfi sem í
leik.
4. Að örfa samfélagið til meiri
þekkingar, dugnaðar og hjálpsemi,
með leiðbeiningum og góðu fordæmi.
5. Að veita mönnum aðstöðu til
þess, með því að ganga í Kíwanis-
klúbb, að vinna fórnfúst starf til að
bæta samfélagið og stofna jafnframt til
góðra kynna og varanlegra vináttu við
aðra Kíwanismenn.
6. Að vinna saman að því að mynda
og viðhalda því heilbrygði almennings-
áliti og þeim háleitu hugsjónum sem
gera kleift að auka með mönnum
réttsýni, réttlæti, föðurlandsást og
náungakærleika.
Þetta eru háleitar hugsjónir, en
hvernig gengur nú að uppfylla þessi
markmið, vilja eflaust margir spyrja.
Það geraKíwanismenn á ýmsan hátt,
allt eftir aðstæðum og staðháttum í því
umhverfi sem klúbburinn er sprottinn
úr, og áhugamálum félagana. Kíwan-
isklúbbur starfar fyrir opnum tjöldum,
hann á að leitast við að kynna
samborgurunum starfsemi sína, hon-
um er ekkert óviðkomandi sem leitt
gæti til betra mannlífs.
1 Kíwanisklúbbum eru að jafnaði um
það bil 30 félagar, þeir taka allir virkan
þátt í starfi klúbbsins á einhvern hátt.
Skipt er um stjórn og starfsnefndir
árlega, þannig að allir fá að starfa að
þeim málum sem hugur þeirra stendur
til. Það má segja að klúbbstarfið sé
þríþætt, í fyrsta lagi þjónustustarf sem
er aðaltilgangur með stofnun Kíwanis-
klúbba, í öðru lagi klúbbfundir sem eru
reglulega svo sem tvisvar í mánuði,
yfir vetrartíman, en reglubundið starf
liggur að mestu niðri á sumrin, þar
hittast félagarnir og tengjast varanleg-
um vináttuböndum og hlíða á fyrir-
lestra um margvísleg málefni um leið
og þeir njóta sameiginlegra veitinga.
Og í þriðjalagi kynning og samstarf við
aðra Kíwanisklúbba og fjölskyldur
Kíwanismanna í starfi og leik.
Fátt er ánægjulegra en að vinna að
velferðarmálum í hópi góðra og sam-
hentra félaga. Ég tel það gæfu hvers
byggðarlags að eiga starfsaman þjón-
ustuklúbb.
Á svæði Suðurlands starfa nú fjórir
Kíwanisklúbbar, í Vestmannaeyjum,
Þorlákshöfn, Selfossi og á Hvolsvelli,
þessir klúbbar hafa allir áunnið sér
fastann og rótgróinn sess í samfélagi
sinnar heimabyggðar, og í samstarfi
við aðra Kíwanisfélaga hérlendis og
erlendis.
Má hér nefna K-dag sem hreifinginn
heldur þriðja hvert ár, þar sem allir
Kíwanismenn og fjölskyldur þeirra á
landinu vinna samtímis að sama
málefni með glæsilegum árangri.
Kjörorð þriggja síðustu K-daga var:
„Gleymið ekki geðsjúkum”. f Kíwan-
isstarfi eiga allir samleið, jafnt ungir
menn sem eldri svo fremri sem
markmið og stefna Kíwanis falli að
lífsskoðunum þeirra.
Ég vona að þessar línur varpi örlitlu
ljósi á það, hvað Kíwanishreifmgin er
og í hvaða anda hún starfar og ef til vill
mættu þær vekja forvitni þeirra sem
gjarnan vildu kynnast nánar þessum
félagsskap, þeim vil ég benda á að
spyrja einhvern Kíwanisfélaga.
Okkur er ljúft að kynna starf okkar,
svo er alltaf þörf fyrir fleiri Kíwanis-
menn annað hvort til starfa í þeim
klúbbum sem fyrir eru eða með
stofnun nýrra. Samfélagið má lengi
bæta.
Með Kíwaniskveðju
Hákon Halldórsson
Svæðisstjóri
Hellubúar
Takið nú rösklega til eftir veturinn. Hreinsið og
snyrtið vel lóðir ykkar og landsvæði. Fjarlægið allt
rusl. Ljúkið þessu fyrir 15. júní.
Sveitarstjóri.
r
Ahaldaleigan
Miðengi 23, Selfossi, sími 1694.
Opið virka daga frá 8 til 12.30 og 16 til 21.
Opið alla laugardaga.
Leigjum út eftirtalin verkfæri:
Víbratora (ísteypu), múrhamra, snittvélar, hjólsagir, bor-
vélar, rafsuðuvél, steypuhrærivé/ar, Master hitablásara,
stóran múrfleyg, flísaskera, keðjusög, þvottatæki, Hilti-
byssur, loftpressu, heftibyssur, hefla, jarðtætara (í mat-
jurtagarða), juðara, slípirokka.
Rafstöð og rafsuða væntanleg fljótlega.
Reynið viðskiptin.
Þorleifur Einarsson:
Mannvirkjagerð og jarðrask
Á síðustu árum hefur skilningur
aukist á því að draga úr umhverfis-
spjöllum við mannvirkjagerð og efnis-
töku. En þrátt fyrir það er þó víða
pottur brotinn. Auðvitað verður ekki
komist hjá ýmis konar raski í samb-
andi við mannvirkjagerð, en með
aðgæslu og eftirliti er hægt að draga
úr eða koma í veg fyrir óþörf landspjöll
og lagfæra óhjákvæmilegt jarðrask,
sem mannvirkjagerð og efnistöku er
samfara.
Við mannvirkjagerð á íslandi verð-
um við að hafa í huga, að sumt af því
jarðraski sem gert er af misjafnlega
mikilli þörf er oft erfitt að bæta. Við
verðum að hafa það í huga, að íslensk
náttúra er viðkvæmari en náttúra í
flestum nálægum löndum og jarðrask
er venjulega miklu meira áberandi
hérlendis en í skógiklæddum löndum
þar sem veðrátta er mildari. Sárin
verða því oft óbætanleg og örin
áberandi. Viðgerð og aðhlynning
lands, sem skemmst hefur eða raskast,
er því oft mjög kostnaðarsöm og
stundum getur tjónið orðið óbætan-
legt.
Efnisnám það sem rætt hefur verið
um hér að framan er vitaskuld vegna
mannvirkjagerðar af ýmsu tagi.
í vegagerð hefur jarðýtan verið eitt
helsta verkfærið allt frá stríðslokum.
Fyllingarefnum var ýtt frá hliðunum og
burðar- og slitlag síðan sett ofan á
sléttan ruðninginn.Á síðustu árum
hefur orðið mikil breyting á þessu í
okkar landshluta, þar sem bundið
slitlag þekur sífellt lengri vegarkafla.
Við þessa breytingu í vegagerð hefur
hlutur jarðýtunnar minnkað, enda hafa
kröfur um gæði efnis til vegagerðar
aukist. Þetta kallar á breytt vinnu-
brögð við hönnun vega, betra efni í
vegi og vandaðri frágang. Víða eru
vinnubrögð til fyrirmyndar, enda góð
samvinna milli Vegagerðarinnar og
náttúruverndaraðila.
Efnisnám bæjar- og sveitarfélaga
hef ég ekki kynnt mér, en oft mun efni
keypt hjá verktökum og sama máli
gegnir um jarðefni til bygginga á
vegum félaga og einstaklinga.
Vegir og leiðslur ýmiskonar geta sett
svip á landið og því mikilvægt að þessi
mannvirki séu gerð þannig að þau falli
vel í landslag. Á þessu hefur á árum
áður orðið misbrestur. Nú orðið getur
hins vegar orðið erfitt að koma slíkum
mannvirkjum fyrir sökum þéttbýlis,
svo sem háspennulínum.
Mörg hinna verri afglapa í sambandi
við skipulag mannvirkjagerðar og
efnisnáms hafa ekki orðið vegna
ásetnings, heldur miklu fremur vegna
skorts á skilningi, sem bæta hefði mátt
úr ef fræðslustarfsemi um umhverfis-
mál hefði verið meiri.
Breytingar til hins betra hafa orðið
töluverðar hjá mörgum aðilum í samb-
andi við undirbúning, frágang og
snyrtingu lands að verki loknu. Af-
staða til skipulags efnisnáms þarf að
breytast, enda blasa ljót og óþörf sár
alltof víða við.
í raun þarf að koma berta skipulagi á
efnisnám og mannvirkjagerð. Nauð-
svnlegt er að bæjar- og sveitarstjórnir
og starfsmenn þeirra og annara opin-
berra stofnana geri sér ljóst mikilvægi
umhverfismála og þá ábyrgð sem á
þeim hvíli að val heppnist um skipulag
byggðar, vega- og leiðslumannvirkja
og þá líka efnisnám í sambandi við
framkvæmdir. Það má ekki koma fyrir
að kastað sé höndum til slíkra verka.
Skortur á vitneskju og þekkingu er
ekki lengur afsökun fyrir mistökum.
Sveitastjórnir og aðrir opinberir aðilar
verða að gera sér ljóst að við þetta
ástand verður ekki lengur unað.
Umhverfið er snar þáttur í lífi okkar.
við skulum fara að með gát og
fyrirhyggju í öllum okkar framkvæmd-
um í náttúrunnar ríki, því margt af því
sem verður fyrir raski verður tæplega
bætt á ný svo vel fari...
i raust og vönduð hús