Hugur og hönd - 01.06.2004, Blaðsíða 17

Ævintýrafugl.
snör handtök til að bjarga lífi sinna góðu
fugla, því ekki er það aðeins mannfólkið
sem hefur hrifist af þeim, heldur hefur
kötturinn freistast til að hremma þá.
Margrét sem er fædd og uppalin í mið-
bæ Reykjavíkur hafði þegar í bernsku
unun af því að vinna í höndunum. Eftir
að hafa starfað í mörg ár í Fossvogsskóla
og aðstoðað þar við kennslu í meira en
20 ár, fæst hún nú við handverkið allar
stundir sem gefast. Fjölmörg námskeið á
sviði handverks og lista hafa nýst henni
vel. Þannig lærði hún að gera pappírinn
sem hún nýtir í mörg verka sinna. Við
fuglagerðina sameinar hún áhugann á
handverkinu og dálæti sitt á iuglum en
hún hefur safnað fuglum úr ýmsum
áttum og mismunandi efnivið. Hennar
eigin fuglar bera það með sér að hún
hefur íylgst náið með fyrirmyndunum
og þekkir hreyfingar þeirra og háttalag
og laðar þessi einkenni fram með ná-
kvæmum og fínlegum vinnubrögðum.
Seint kemur það upp í hugann að
þessa fagurlega unnu fugla hefur Mar-
grét skapað úr efni, sem oftast ratar beint
í ruslakörfuna hjá fólki.
Heiður Vigfúsdóttir
Ljósmyndir: Binni
HUGUR 0G HÖND 2004 17