Hugur og hönd - 01.06.2004, Blaðsíða 39
Kleinutreflar
Treflarfrá Kristínu Bjarnadóttur og Eddu Hrönn Gunnarsdóttur, prjónaðir 2004.
Uppskriftin er af hvíta treflinum. Ljósmynd: Binni.
Á bak við yndi okkar af prjónaskap liggja
margvíslegar ástæður. Flestir njóta þess
mest að hafa fullunnið plagg í höndun-
um og síðan að færa sjálfa sig eða ástvini
sína í flíkina. Sumir prjóna eingöngu sér
til dægrastyttingar eða hafa af því tekjur.
En hjá mörgum liggur líka að baki þörf-
in til að skapa.
Við hvunndagshetjurnar í amstri dags-
ins höfum ekki alltaf svigrúm til að sinna
þessari sköpunarþörf. Dagarnir og vik-
urnar þjóta hjá án þess að peysan fína í
danska blaðinu eða alklæðnaðurinn sem
við ætluðum að prjóna á litla barnið sem
fæddist í íjölskyldunni fyrir tveim mán-
uðum, verði til. Og við fussum og svei-
um yfir því að koma engu í verk. Svo er
líka orðið svo dýrt að prjóna svo að erfitt
er að réttlæta garnkaupin með því að það
hafi sárlega vantað þessa flík og sængur-
gjöfm fengist líklega ódýrari í Kringl-
unni.
En sköpunarþörfmni er oft hægt að
fullnægja með litlum hlutum en
skemmtilegum. Á einum af mörgum
stórskemmtilegum ritnefndarfundum
kom upp umræða um gömlu barnatrefl-
ana sem öll smábörn áttu hér áður. Þessa
litlu, þar sem öðrum enda trefilsins var
stungið inn í hólk á hinum enda trefils-
ins til að festa hann um lítinn háls. Allar
þekktu auðvitað trefilinn. Höfðu gengið
með þá sjálfar og gert nokkra á sín eigin
börn. Og auðvitað á glænýjar ömmu-
stelpur.
Meðfylgjandi er einföld uppskrift af
einum slíkum trefli sem heyrst hefur að
sumir kalli „kleinutrefil“. Auðvelt er að
breyta uppskriftinni, hafa perluprjón í
stað garðaprjóns eða hekla fallegan kant
á trefilinn og auðvitað stækka hann á
stærri notendur.
Efni: Smart ullargarn, ein 50 g dokka
sl = slétt prjón
Prjónar: 2 stk. sokkaprjónar nr. Vh
gprj = garðaprjón
aukaprjónn eða næla
prj = prjóna
Lengd trefils: 51 cm
L = lykkja
Prjónfesta: 10 cm jafngilda 24 1 gprj
umf = umferð
Fitjið upp 2 1, og prj gprj fram og aftur.
Utaukning: auka skal út um 1 L í
byrjun hverrar umf þar til 18 L eru á
prjóninum. Miðja: þegar 8 L eru á
prjóninum skal byrja að prj. sl. í
miðjunni þannig: aukið út um 1 L, prj
gprj 3 1, prj sl 2 L, prj gprj 3 L og aukið
út um 1 L. Nú eru 12 L á prjóninum.
Prj með sama hætti þar til eru 4 L gprj,
10 sl L og 4 L gprj eða 18 L og 11 umf í
viðbót.
Hólkur: setjið 2. hverja L á aukaprjón,
9 L. Prj þær snúið stroff, 15 umf. (Snúið
stroff: prj aftan í hverja L, þannig verður
teygjanleikinn í stroffinu meiri.)
Setjið þessar 9 L á aukaprjón og
prjónið hinar 9 L á sama hátt 15 umf.
Prj svo til skiptis af sitt hvorum prjón-
inum saman á einn, 18 L.
Þessar 18 L eru prj með gprj þar til
æskilegri lengd er náð, hér eru það 64
garðar.
Hinn endinn er prj á sama hátt nema
í öfugri röð þannig:
Prj hólkinn eins og áður er lýst. Nú
eru aftur 18 L á prjóninum.
Prj 4 L gprj, 10 L sl, 4 L gprj, 12 umf.
Fellið svo af 1 L í byrjun hverrar umf og
fækkið þar með sl L um 2 í hverri umf
þar til 2 L gprj eru á prjóninum, prj þær
saman, slítið frá og dragið endann í
gegn. Gangið frá endum og saumið út að
vild.
Edda Hrönn Gunnarsdóttir
HUGUR 0G HÖND 2004 3 9