Hugur og hönd - 01.06.2004, Blaðsíða 44
Taska unnin úr fiskroði eftir Arndísí Jóhannsdóttur.
fleiru. Reynt var að blanda saman hefð-
bundnu og nútímalegu handverki og
listiðnaði. Sýningin stóð allt sumarið og
lauk ekki fyrr en í lok ágúst. Opið var á
Menniiigarnótt Reykjavíkur og þann dag
lögðu mörg hundruð manns leið sína á
sýninguna. Aðsókn var mjög góð allt
sumarið og ákveðið hefur verið að halda
sérstaka Sumarsýningu sumarið 2004.
Haustið 2003 voru haldnar tvær
þemasýningar. Það var annars vegar
sýning sem kölluð var Box, ílát, öskjur
og hins vegar Töskusýning. Sýningarnar
voru vandlega kynntar og öllum opnar.
Dómnefndir völdu síðan muni inn á
sýningarnar. Umsækjendur voru fjöl-
margir á báðar sýningarnar.
Umsækjendur á sýninguna Box, ílát,
öskjur voru rúmlega fimmtíu og inn-
sendir munir voru um eitthundrað og
fimmtíu. Valin voru verk frá tuttugu og
sjö aðilum, alls um fimmtíu verk.
ÁTöskusýninguna voru umsækjendur
rúmlega sextíu en innsendar töskur voru
um tvö hundruð og fimmtíu. Dóm-
nefnd var því mikil vandi á höndum við
að velja úr þessum mikla fjölda, en
niðurstaðan var að á sýningunni voru
um fimmtíu töskur eftir 36 aðila.
Árleg jólasýning verkefnisins „Allir fá
þá eitthvað fallegt” var opnuð í byrjun
aðventu. Þar sýndu 33 aðilar. Jólasýning-
in var haldin í fimmta skipti árið 2003.
Afmælissýning
Eins og áður kom fram er Handverk og
hönnun 10 ára árið 2004. Af því tilefni
verður ýmislegt gert. Afmælissýning var
opnuð 27. mars í Aðalstræti 12. Ákveðið
var að fá nokkra aðila sem vel þekkja til
handverks og listiðnaðar á Islandi til að
velja muni á sýninguna. Hópurinn valdi
verk frá 23 aðilum. Sýningin mun
standa í einn mánuð í Aðalstræti 12 og
mun síðan fara hringferð um landið.
Vegleg sýningarskrá var gefin út af þessu
tilefni.
Sýningin verður fyrst sett upp í Lista-
safni Árnesinga í Hveragerði 1. maí.
Næsti viðkomustaður verður Norska
húsið í Stykkishólmi. Ferðalagið mun
síðan halda áfram og sýningin fer líklega
til Isafjarðar, Akureyrar, að Skriðu-
klaustri, í Reykjanesbæ og Höfn í
Hornafirði.
Önnur verkefni
Þessu til viðbótar er starfsemin mjög
fjölbreytt. Leitað er til Handverks og
hönnunar með margvísleg mál. Markaðs-
ráðgjöf til einstaklinga er töluverð, ásamt
annarri ráðgjöf. Starfsfólk skrifstofunnar
fær ýmsar fyrirspurnir bæði frá starfandi
handverks- og listiðnaðarfólki, svo og
almenningi. Þessum fyrirspurnum er
reynt að sinna eftir bestu getu. Við
viljum að lokum hvetja fólk til að kynna
sér starfsemi og þjónustu verkefnisins.
Sunneva Hafsteinsdóttir
Vasi lír íslensku birki eftir Úlfar Sveinbjömsson.
* ; "■ . .■ - ■ ■ \ ; Aðalstræti 12 101 Reykjavík
- .... ................. . www.handverkoghonnun.is sýningar-ráögjöf-bókastofa-f réttabréf
44 HUGUR 0Q HÖND 2004