Hugur og hönd - 01.06.2010, Blaðsíða 22
Hulda Orradóttir
Dansi dansi dúkkan mín
- postulínsbrúður Rúnu Gísladóttur
Ljósmyndir Vilhelm Gunnarsson
Rúna Gísladóttir er fædd árið 1940 í Kaupmannahöfn. Hún
er elst fimm barna Gísla Kristjánssonar frá Brautarhóli í
Svarfaðardal og Thoru Kristjánsson, konu hans. Þrjú systk-
inanna fæddust í Danmörku en þar bjó fjölskyldan fram að
stríðslokum þegar hún fluttist til Islands. Rúna var tæplega
fimm ára gömul þegar hún kom til landsins og kunni þá enga
íslensku, enda töluðu foreldrar hennar alltaf dönsku sín á
milli og við börnin. Tungumálið lærði hún þó fljótt og varð
því tvítyngd. Eftir heimkomuna bjó fjölskyldan lengi í
Lækjargötu 14B í Reykjavík þar sem nú er Tjarnarskóli. Á
þeim tíma var húsið í eigu Búnaðarfélags Islands, en heimilis-
faðirinn starfaði þar um árabil. Thora móðir Rúnu var hjúkr-
unarfræðingur að mennt, en hún saumaði mikið á fjölskyld-
una og fórst henni það verk einkar vel úr hendi.
Áhuginn á handverki vaknaði snemma hjá Rúnu og voru
fyrstu verkefni hennar, eins og hjá svo mörgum ungum stúlk-
um, að sauma og prjóna föt á dúkkurnar sínar. Var Rúna
dugleg að næla sér í afgangs efnisbúta og garn hjá móður
sinni í dúkkufötin. Þessi áhugi hennar hefur haldist alla tíð.
Eftir nám í Miðbæjarskólanum ákvað Rúna að fara í
Kvennaskólann enda mikil áhersla þar á hand-
menntir. Á kvennaskólaárunum saumaði
hún og prjónaði mikið á sjálfa sig og
fleiri. Hannyrðir voru ekki eina hugð-
arefni Rúnu á þessum árum því í
Kvennó vaknaði áhugi hennar á
íslensku og fór hún að skrifa bæði
ljóð og sögur. Upp frá því hafa rit-
Rúna Gísladóttir stendur hér við skáp með handgerðum brúðum sínum ogýmsum
gömlum brúðum úr safni sínu.
störf verið hluti af lífl hennar en hún hefur skrifað tíu barna-
bækur og þýtt fjölda bóka. Einnig má nefna að Rúna starfaði
í skólanefnd Heimilisiðnaðarskólans 1983-1985 og í ritnefnd
Hugar og handar á árunum 1985-1993 og skrifaði á þeim
tíma talsvert af greinum um myndlist og handmenntir.
Eftir árin í Kvennaskólanum fór Rúna í Kennaraskóla
íslands þaðan sem hún útskrifaðist árið 1962. Hún starfaði
við kennslu í nokkur ár, en ákvað þá að hefja nám við
"\ Ltm d 1 T r~\ ♦— /\ f~r E >1 /—1 1
Frá vinstri: Nadía, Gullborg og Kristín íprjónuðum bómullarkjólum, en Hildur er í hekluðum, hvítum kjól með silki undir. Brúðurnar eru klœddar hekluðum undir-
kjólum, blúndunœrbuxum og sokkum. Hæðþeirra er 28-37 cm og allar eru þær eftirgerðir rúmlega 100 ára gamalla brúða.
22 HUGUR OG HÖND 2010