Hugur og hönd - 01.06.2010, Blaðsíða 33
síðan og í boði hefur verið íjölbreyttur fróðleikur. Fulltrúar frá
Hannyrðaversluninni Kompunni á Sauðárkróki, Quiltbúðinni á
Akureyri, verslununum Nálinni og Storkinum í Reykjavík og
Sunneva Hafsteinsdóttir frá Handverki og hönnun hafa verið
meðal gesta. Þá hafa heimakonur sagt frá og leiðbeint t.d. í þæf-
ingu og prjóntækni og er óhætt að segja að þessi vettvangur,
prjónakvöldin, hafi orðið eins og annars staðar á landinu,
skemmtilegur, fróðlegur og fjölsóttur viðburður fyrir hannyrða-
unnendur.
Handverkshúsið Búsíiag
Eitt af verkefnum Textílseturs er að efla framleiðslu á og koma á
framfæri vönduðu handverki sem söluvöru. Síðastliðið sumar
(2009) var opnað handverkshúsið Búsílag, lítið hús sem komið var
fyrir í nágrenni við upplýsingamiðstöð ferðamanna á Bakkaflöt. I
handverkshúsinu voru til sölu jafnt valdir hönnunargripir og
handverk úr héraði sem og víðar af landinu. A komandi sumri
verður Búsílagí húsnæði Kvennaskólans. Afar hentugt og aðgengi-
legt rými er í kjallara hússins í þeim enda sem snýr að
Heimilisiðnaðarsafninu og því mun skapast þar áhugaverður
kjarni fyrir gesti og ferðalanga.
A döfúnni
f undirbúningi er að í Kvennaskólanum verði aðstaða fyrir stað-
argesti, lista- og fræðimenn. Umbætur á húsnæði hafa staðið yfir
undanfarið hálft ár og miðast þær við að það standist nútímakröf-
ur er varðar aðgengi, öryggismál og allan aðbúnað. Eru þær breyt-
ingar teiknaðar af Guðrúnu Jónsdóttur arkitekt og í samráði við
Húsafriðunarnefnd. Á árum áður hýsti Kvennaskólinn á fimmta
tug nemenda. Eftir lagfæringar er gert ráð fyrir að hægt verði að
bjóða gistingu í herbergjum gömlu heimavistarinnar, en heldur
færri gestum en fyrr á tímum. Auglýst verður eftir umsóknum um
dvöl og vinnuaðstöðu í Textílsetrinu nú síðla vetrar (2010) en
starfsemin mun hefjast næsta sumar. Vinnurými í Kvennaskólanum
henta vel þeim sem hafa hug á að stunda rannsóknir eða þróun-
arvinnu við textíla. Gamla vefnaðarloftið á 3. hæð hússins býður
upp á útsýni sem hefur verið hvatning að frjóum verkum hvort
sem er til hugar eða handar. Á 2. hæð hússins er stór salur með
mikilli loffhæð og mun það nýtast sem fjölnota rými, þar er sex
metra langt þrykkborð. Gamla heimavistin verður notuð bæði
sem gistirými fyrir þátttakendur á námskeiðum og sem aðstaða
fyrir fræðimenn. Styrkir af fjárlögum og frá sveitarfélögunum hafa
fengist til þessara framkvæmda.
Sumarið 2009 stóð börnum til boða að taka þdtt í námskeiði í tálgun úr ferskum
viði. Hér málar ung snót litla krús sem hún hefur sjálf tálgað. Leiðbeinandi á
námskeiðinu var Hrefha Aradóttir.
Friðbjörg Kristmundsdóttir heggur ísundur viðarbút undir vökulu auga leiðbein-
anda síns, Hrefnu Aradóttur. Myndin er tekin á námskeiði í tálgun úr ferskum
viði sem haldið var sumarið2009.
Fleiri viðburðir eru fyrirhugaðir á vegum Textílsetursins. Á döfinni
er samstarf við Knitting Icelatid, nýstofnað fyrirtæki um ferðir erlends
prjónaáhugafólks til Islands. Einum degi verður varið á Blönduósi
þar sem hópurinn heimsækir Kvennaskólann og Heimilis-
iðnaðarsafnið. Dagskráin er sérstaklega skipulögð með það fyrir
augum að gestirnir upplifi stemningu fyrri tíma í Kvennaskólanum,
hádegisverður mun reiddur fram í gamla matsalnum og svo gefst
fólki færi á stuttu námskeiði í tóvinnu og spuna.
f júní verður norræn prjónahátíð, Lykkjnr, í Norræna húsinu. í
tengslum við þessa hátíð verður í boði dagsferð til Blönduóss í
samstarfi við Textílsetrið. Hátíðin mun miðla fróðleik um prjón
eins og það birtist í samtímanum með fjölbreyttum viðburðum og
verður sannarlega mikil veisla fyrir prjónaunnendur.
Tíðarandinn hefur orðið hvatning til þess að byggja upp og auka
starfsemi á sviði textíls. Spennandi og fjölbreytt verkefni marka
tímana framundan og við Textílsetrið er stefnt ákveðið að mark-
miðum þeim sem efla textílmenntun og textílvitund lands-
manna.
Textílsetur Islands
Kvennaskólanum Blönduósi, Árbraut 31
sími 452-4300 og 894-9030
textilsetur@simnet.is • heimasíða: www.textilsetur.is
(íullkistim
Sérverslun
með kvensilfur
Bjóðum eldri munsturgerðir
Frakkastíg 10-101 Reykjavík
Sími: 551 3160 - gullkistan@vortex.is
HUGUROG HÖND 2010 33