Hugur og hönd - 01.06.2010, Blaðsíða 34

Eva Hulda Emilsdóttir
Gimb
Ljósmyndir Vilhelm Gunnarsson
Heitið gimb er hvorki vel þekkt í daglegu
máli né sérlega þjált í munni. Margar
gamalreyndar hannyrðakonur vita þó við
hvað er átt þótt þær séu færri sem kunni
handbragðið. Undanfarið hafa vinsældir
gimbs aukist en aukinn almennur áhugi
á hvers konar handavinnu á væntanlega
sinn þátt í því.
Upplýsingar um uppruna gimbsins
liggja ekki á lausu en í ensku blaði frá
árinu 1890 er talað um gimb sem gamla
aðferð. Vitað er að gimb var mjög vinsælt
á Viktoríutímabilinu (1837-1901) en þá
voru notaðir hárprjónar eða gaffall úr
beini og heklunál.
Gimb er einskonar afbrigði af hekli en
notast er við gimbugaffal og heklunál.
Utkoman er kögurlengja og fer breidd
hennar eftir stærð gimbugaffalsins.
Grófleiki heklunálarinnar ræðst af því
hvers konar garn á að nota og hvort kög-
urlengjan eigi að vera þétt í sér eða laus.
Hægt er að gimba alls kyns fatnað, teppi,
blúndukanta, milliverk, dúka, skartgripi
og margt fleira.
Aðferðin er í grófum dráttum þannig
að bandinu er vafið utan um gimbugaff-
Eva Hulda aó gimba i handavinnuhorninu sínu.
alinn og síðan heklað fast. Sé þetta ekki
gert rétt raknar kögurlengjan upp þegar
hún er tekin af gafflinum. Hægt er að
nota fastapinna og ýmiskonar stuðla í
heklinu og myndast mismunandi munst-
ur og áferð eftir aðferðum. Möguleikarnir
eru óteljandi og því gaman að prófa mis-
munandi tegundir af hekli. Þegar gerðar
hafa verið nógu margar lengjur, eru þær
heklaðar saman á mismunandi vegu eftir
því hver útkoman á að vera. Kantarnir á
lengjunum eru ýmist hafðir með kögri
eða heklaðir eftir því hvað á við.
Auðvelt er að finna upplýsingar um
gimb á netinu. Best er að slá upp enska
heitinu á gimbi, „hair pin crochet" á leit-
arvélum eins og www.google.is og nálg-
ast þannig bæði kennslumyndskeið og
uppskriftir.
Eva Hulda Emilsdóttir er textílkenn-
ari í Lækjarskóla í Hafnarfirði. Hún
útskrifaðist af textíl- og hand-
menntabraut Fjölbrautaskólans í
Breiðholti, lærði bútasaum í
Kaliforníu og lauk textílkennara-
námi við Haandarbejdes Fremmes
Seminarium í Kaupmannahöfn. Þar
voru sérsvið hennar útsaumur og
vélprjón. Hún hefur leiðbeint á
ýmsum hannyrðanámskeiðum og að
undanförnu hefur hún kennt gimb í
Hannyrðaversluninni Nálinni og á
Textílsetrinu á Blönduósi.
Handverkshátíð við Hrafnagilsskóla
verður haldin 6.-9. ágúst 2010
Umsóknarfrestur til þátttöku er 10. júní 2010
Upplýsingar má finna á heimasíðu
Allar frekari upplýsingar gefur Dóróthea Jónsdóttir s. 864-3633 og á dorothea@itn.is
34 HUGUR OG HÖND 2010