Hugur og hönd - 01.06.2010, Blaðsíða 36

Anna Margrét Árnadóttir
But fyrir bút
- íslenska bútasaumsfélagið 10 ára
Sú list að skera sundur efni og setja það
saman aftur, bút fyrir bút, svo að úr verði
bútasaumsverk, nytjahlurur eða listaverk,
er handverk sem nýtur vaxandi vinsælda.
A Islandi starfar fjöldi stórra og smárra
bútasaumsfélaga og -klúbba en það starf,
hinn félagslegi þáttur - vinátta, fundahöld,
fræðsla og ferðalög ásamt fallegum efnum
og litríku fólki - er það sem heillar.
Aðdragandinn að stofnun Islenska
bútasaumsfélagsins var sá að tvær konur
kynntust á netinu. A námskeiði sem þær
sóttu saman um sögu bútasaums haustið
2000 skráðu konur sig á lista um stofnun
bútasaumsfélags. Hálfum mánuði seinna,
þann 28. nóvember, mættu 148 konur á
stofnfund í Norræna húsinu og við bætt-
ust 80 stofnfélagar af landsbyggðinni. I
lögum félagsins segir að tilgangur þess sé
að „styrkja áhuga og útbreiða þekkingu á
bútasaumi og halda uppi samstarfi búta-
saumsfélaga og klúbba á Islandi“. I maí
2001 var haldin fyrsta sýningin á verkum
félagsmanna í Ráðhúsi Reykjavíkur ásamt
bútasaumshátíð með námskeiðum.
Sýningar á vegum félagsins hafa verið
haldnar annað hvert ár síðan þá.
Islenska bútasaumsfélagið er samtök
einstaklinga, félaga og klúbba. Frá byrjun
heíúr félags- og kúbbastarf, útgáfa frétta-
bréfa, sýningar, námskeiðshald og fræðsla
verið máttarstólparnir í starfi félagsins.
Starfsárið hefst með útgáfu fréttabréfs að
hausti en þar er að finna dagskrá mánað-
arlegra funda vetrarins, fjölda mynda,
fræðsluefni, snið og greinar um búta-
saumskonur og klúbbastarf. Aðalfundur
félagsins er haldinn að vori og á svipuðum
tíma er gefið út fréttabréf.
Teppi fyrif hetjur
Einn ánægjulegasti þátturinn í starfi
íslenska bútasaumsfélagsins er verkefnið
Teppi handa hetju. Verkefnið hófst árið
2002 en hliðstæð verkefni eru þekkt um
allan heim. Saumuð eru bútasaumsteppi
fyrir börn - öll vinna og efni gefin - og er
frjálst val um hönnun og stærð, mynstur,
liti og aðferð og hvort um er að ræða
rúmteppi, lúruteppi eða veggteppi. Þar
sem þiggjendur eru börn er mikilvægt að
vanda ril verka og tryggja að teppið þoli
þvott og mikla notkun. Skilyrði er að
teppin séu þétt stungin og binding vel
frágengin til að tryggja góða endingu.
Fyrirtæki og einstaklingar sem vélstinga
bútasaumsverk hafa á hverju ári gefið
stungu á fjölda teppa og þannig lagt verk-
efninu lið. Eins hafa mörg fyrirtæki staðið
með verkefninu með því að gefa afslátt af
efnum og vatti í teppin til þeirra sem taka
þátt.
Félagið afhendir teppin árlega til
Umhyggju, félags til stuðnings langveik-
um börnum, sem sér um að skrá og dreifa
teppunum. Börnin fá sjálf að velja sér
teppi til eignar. Margir einstaklingar og
klúbbar hafa það sem fastan sið að taka
þátt í þessu verkefni en teppin sem félagið
hefur afhent Umhyggju eru orðin vel á
annað hundraðið.
Mörg félög og einstaklingar hafa gefið
teppi í anda þessa verkefnis til einstak-
linga, á sjúkrastofnanir og heilsugæslu-
stöðvar, í Rjóðrið - hvíldar- og endurhæf-
ingarheimili fyrir langveik og langveik
fötluð börn og víðar. Mikilvægt er að
36 HUGUR OG HÖND 2010