Hugur og hönd - 01.06.2010, Blaðsíða 43

Framstykkið er 3 raðir að hálsmáli.
Sleppið reitum þar sem hálsmálið skal
vera, prj hvora öxl fram og aftur.
Bakstykki er 4 raðir og auk þess 2 reitir á
hvorri öxl og hálfur reitur við hálsmál að
aftan. Athugið hér þarf að sauma síðustu
reitina við framstykkið.
Athugið að þegar prjónað er fram og
aftur á axlarstykki þá ná reitirnir ekki
alltaf saman, til dæmis þar sem ermi
mun koma. Suma reiti þarf að prjóna
fram og aftur án þess að skeyta við strax,
en þau samskeyti eru svo saumuð saman
síðar.
Ermar:
Ermarnar eru prj út frá bolnum þegar
búið er að ganga frá öxlum. Nú gildir
önnur litasamsetning í umferðinni til að
reitirnir haldi sama litamynstri og á bol.
1 hverri umf er því prj 2 reitir dökkgráir,
2 reitir ljósgráir eða 2 reitir fjólubláir og
2 reitir grænir, sem sagt 4 reitir í hring.
Prj eru 4 hringir með 8 L í hverjum
reit. I 5- hring skal fækka í 7 L í hverjum
reit til að þrengja ermina svolítið og í 6.
hring skal fækka í 6 L í hverjum reit. 7.
og síðasti hringurinn er prjónaður með
hálfum reitum.
Frágangur og stroff:
Stroff á ermum: Prj upp með grænu 28
L. Prj 1 umf br. Prj stroff: 2 L br grænar
og 2 L sl fjólubláar, 8 umf. Prj 1 umf sl
með dökkgráu, svo 2 umf br. Fellið af
br.
Kantur í hálsmáli og neðan á bol.
Bolur: prj upp með dökkgráu 80 L og prj
4 umf br, fellið af br. Hálsmál: prj upp
með grænu 40 L og prj 4 umf br, fellið af
br.
Þvoið peysuna úr ylvolgu vatni og
leggið til þerris.
Skammstafanir
L=lykkja umf=umferð/umferðir
sl=slétt prj=prjónið, prjónaður
br=brugðið óprj=óprjónað
Freyja og Snœvar.
Vigdís Stefánsdóttir
Prjónar
- frá Fjölsmiðjunni
Fjölsmiðjan er vinnusetur fyrir ungt fólk
sem stendur á krossgötum. Þar gefst ein-
staklingum á aldrinum 16-24 ára tæki-
færi til að þjálfa sig fyrir vinnumarkaðinn
eða áframhaldandi nám. Starfseminni er
skipt upp í nokkrar deildir, þar á meðal
hönnunardeild þar sem sköpunargleðin
fær að njóta sín. Umhverfisvitund, nýtni
og sjálfstæð hugsun er höfð að leiðarljósi
í starfi deildarinnar en þar verða til ein-
stakir handunnir munir með sál.
Hildur Hinriksdóttir er deildarstjóri
hönnunardeildar Fjölsmiðjunnar. Hún
segist stöðugt leita að skemmtilegum
hugmyndum og hafa á flakki sínu um
netið séð fregnir um konur sem bjuggu
til prjóna. „Mér leist vel á þá hugmynd
að framleiða hér prjóna og fór í versl-
unina Liti og föndur þar sem ég fann
föndurprik úr harðviði. Við prófuðum
að saga þau niður í hæfilegar lengdir og
búa til á þau odda. Þetta virkaði vel og
því var ákveðið að fara út í framleiðslu á
prjónum“ segir Hildur. Vinnulagið við
framleiðsluna var þróað frekar. „Við
pússum prjónana vel og berum á þá
ólífuolíu. Eftir að olían hefur farið vel
inn í viðinn pússum við þá aftur“ segir
Hildur. „Þar sem sumir vilja hafa oddana
á prjónunum beitta á meðan aðrir vilja
hafa þá flatari, ráðleggjum við fólki að
nota naglaþjöl til að breyta þeim, það er
mjög auðvelt“.
Nú framleiðir Fjölsmiðjan bandprjóna
og sokkaprjóna í stærðunum 3-25 mm.
Reyndar eru ekki allir prjónar framleidd-
ir í öllum grófleikum heldur þarf að sér-
panta grófustu prjónana. Fjölsmiðjan
býr líka til prjónamerki úr leir og raunar
eru hausarnir á bandprjónunum líka úr
leir. Einnig eru gerðar heklunálar sem
Hildur segir reynast afburða vel, einkum
fyrir íslenska ull en hún hefur sjálf notað
þær mikið. Nýjasta framleiðsluvaran er
heklunál fyrir rússneskt hekl. Rússneska
heklið, sem upp á síðkastið hefur notið
Bandprjónar með skrautlegum hausum úr leir.
Engin tvöpör afprjónumfrá hjölsmiöjunni eru eins
sem gerir prjónana persónulegri.
vaxandi vinsælda hér á landi, er nokkurs
konar blanda af hekli og prjóni þar sem
lykkjunum er safnað upp á langa heklu-
nál. Áhugasamir geta haft samband við
Hildi á hildur@f)olsmidjan.is eða í síma
Fjölsmiðjunnar.
Fjölsmiðjan, Kópavogsbraut 5-7
Sími 544 4080, www.fjolsmidjan.is
HUGUR 0G HÖND 2010 43