Hugur og hönd - 01.06.2010, Blaðsíða 46

Guðbjörg Andrésdóttir
Heimilisiðnaðarskólinn
- fjölbreytt námsskeið við allra hæfi
Ljósmyndir Solveig Theódórsdóttir
Heimilisiðnaðarskólinn varð 30 ára árið
2009 en hann var stofnaður 1979.
Starfsemi skólans er blómleg um þessar
mundir enda hefur áhugi á handverki
vaxið undanfarin ár.
Námskeið skólans síðastliðið haust
fóru vel af stað og urðu þau alls 55 á
haustönn 2009 auk stuttra jólaföndurs-
námskeiða. Námskeið voru haldin flest
kvöld vikunnar í húsakynnum HFI að
Nethyl 2e en húsnæðið hefur nú verið
endurbætt þannig að það nýtist betur
íyrir kennslu en áður.
Fullbókað var á öll námskeið í þjóð-
búningagerð kvenna, karla og barna.
Einnig voru haldin öll námskeið sem
tilheyraþjóðbúningasaumi. Vinsælustu
námskeið haustannar voru Prjón fyrir
byrjendnr og Prjóntœkni — frágangur á
peysum en það er nýtt námskeið sem
ýrt var úr vör vegna fjölmargra íyrir-
Ahugasamur nemandi þiggur tilsögn í knippli.
spurna. Handprjón er vinsælt sem
aldrei fyrr og því mikilvægt að bregðast
við eftirspurn eftir námskeiðum á því
sviði.
Tvo laugardaga fýrir jólaföstu voru
haldin jólaörnámskeið. A þessum nám-
skeiðum var kennd gerð jólasería, brjóst-
sykursgerð, þæft jólaskraut svo og jóla-
pokagerð og músastigar. Námskeiðin eru
stutt og ódýr og hafa verið geysivinsæl.
Skólinn hafði samstarf við Arbæjarsafn
eins og verið hefur. Félagsmenn HFl
aðstoða gesti safnsins við jólaföndur sem
jafnan er einfalt og við flestra hæfi.
Jólaföndrið fór að þessu sinni fram á
Kornhlöðuloftinu alla sunnudaga á jóla-
föstu. Á sama stað gafst félagsmönnum
kostur á að vera með handverk af ýmsu
tagi til sölu.
Á vorönn 2010 verða nokkur ný
námskeið á dagskrá. Fyrst er þar að
nefna Skírnarkjólasaum þar sem kennt
verður að draga í tjull og sauma skírn-
arkjól. Mikil hefð er fýrir skírnarkjóla-
saumi víða erlendis þar sem slíkir kjól-
ar eru gjarnan fjölskylduerfðagripir og
er það von skólans að grundvöllur sé
fyrir slíku námskeiði nú. Boðið verður
upp á Víkingabúningasaum en slík bún-
ingagerð á vaxandi vinsældum að fagna
meðal annars í tengslum við
Víkingahátíðina í Hafnarfirði. Gimb er
aðferð til einskonar kögurgerðar með
þar til gerðum gimbugaffli og heklu-
nál. Einnig eru fyrirhuguð örnámskeið
í páskaföndri fyrir páska. Ætlað er að
fýrirkomulagið verði með svipuðu sniði
og jólaörnámskeiðin, stutt og skemmti-
leg námskeið þar sem börn og foreldrar
geta unnið saman. I vor verða nám-
skeið fýrir vefnaðarkennara en nám-
skeið í almennum vefnaði fóru af stað
síðastliðinn vetur eftir nokkurt hlé. Að
lokum má nefna að fyrirhugað er að
hafa námskeið í jurtalitun á bandi í
júní næstkomandi. Auk þeirra nám-
skeiða sem hér eru nefnd eru öll hefð-
bundin námskeið skólans í boði sem
endranær.
Nýtt - Heimilisiðnaðarskólinn stendur
fyrir Hannyrðakvöldum þar sem félags-
menn geta komið saman með þá handa-
vinnu sem þeir eru með í gangi hverju
sinni og átt góða stund saman.
Hannyrðakvöldin eru haldin þriðja
föstudagskvöld hvers mánaðar að Nethyl
2e kl. 20-22. Kvöldin hafa verið haldin
frá því í október 2009 og hafa mælst vel
fyrir og því er ráðgert að halda þeim
áfram.
Heimilisiðnaðarskólinn
Nethyl 2e, 110 Reykjavík
sími 551 7800
hfi@heimilisidnadur.is
www.heimilisidnadur.is
46 HUGUR 0G HÖND 2010