Feykir - 03.01.2018, Blaðsíða 5
Ungmennafélagið Molduxar
Kári Marísson hlaut Samfélagsverðlaunin
Jólamót Molduxa í körfu-
bolta var haldið annan dag
jóla en þar tóku átján lið
þátt. Við mótssetningu var
Kára Maríssyni veitt
Samfélagsviðurkenningu
Molduxa.
S am fé l ag s v i ð u rke n n i ng
Molduxa var veitt þriðja sinn
þeim einstaklingi sem hefur á
einhvern hátt bætt samfélagið
í Skagafirði með dugnaði og
framlagi sem aðrir fá notið.
Fyrir tveimur árum varð Skúli
Jónsson þess heiðurs aðnjót-
andi að verða sá fyrsti sem
þessa viðurkenningu hlaut og
á síðasta Jólamóti var það
Rannveig Helgadóttir.
Í ár komst samfélagsnefnd
Molduxa að þeirri niðurstöðu
að Kári Marísson væri verð-
ugur fulltrúi þessarar viður-
kenningar. Kári er fæddur í
Reykjavík 20. nóv. 1951, í
sambúð með Hrafnhildi
Sonju Kristj-ánsdóttur og eiga
þau saman tvö börn.
Kári byrjaði að leika
körfuknattleik 16 ára gamall
árið 1967. Tveimur árum síðar
eða 1969 lék hann sinn fyrsta
landsleik.
Árið 1978 flutti Kári í
Skagafjörðinn og byrjað að
þjálfa körfubolta þá um
haustið og hefur hann þjálfað
samfleytt síðan. Hann hefur
komið að þjálfun í öllum karla
og kvennaflokkum í gegn um
tíðina hjá Tindastóli, ýmist
sem aðalþjálfari eða aðstoðar-
þjálfari meistaraflokka og/eða
hjá yngri flokkum. Lék hann
einnig og þjálfaði samhliða
hjá Smáranum í Varmahlíð í
nokkur ár. /PF
ÍÞRÓTTAFRÉTTIR Fleiri íþróttafréttir á Feykir.isF
Mögnuð íþróttakona
Íþróttamaður tveggja
sveitarfélaga
Perla Ruth Albertsdóttir frá
Eyjanesi í Húnaþingi gerði
það gott í handboltanum með
liði Selfoss á seinasta ári auk
þess að leika sínu fyrstu
A-landsleiki og uppskar eftir
því.
Áður en árið var liðið hafði
hún fengið þrjá heiðurstitla þar
sem hún var valin Íþróttakona
UMF Selfoss, Íþróttakona
Árborgar og Íþróttamaður
USVH. „Stolt, þakklæti og
gleði. Er heldur betur spennt og
tilbúin fyrir 2018,“ segir hún á
Facebook. /PF
og var vísað á biðstofu. Síðan
leið og beið. En annað slagið
kom fram kona til að sjá hverjir
væru að bíða í sófanum. Síðan
varð ég var við að stress hafði
tekið völdin í hljóðstofunni því
formaður Bændasamtakanna var
ekki mættur í viðtalið og umsjónar
maður þáttarins kom fram og
spurði hvort ég væri nýr formaður
BÍ. Já, sagði ég og konan sem
hafði stöðugt verið að athuga á
biðstofunni varð að orði að það
gæti ekki verið því ég væri svo
ungur. Hún hafði þá átt von á
gömlum kalli. Svona var ímyndin
af bændaforingja sterk á þeim
tíma en sagan alltaf að verða betri
þó mér hafi nú ekki verið skemmt
á þeim tíma.
Haraldur Benediktsson
oddviti Sjálfstæðisflokksins
í Norðvesturkjördæmi er
búfræðingur og bóndi á
Vestri-Reyni í Hvalfjarðarsveit.
Hann er kvæntur Lilju Guðrúnu
Eyþórsdóttur og eiga þau þrjú
börn. Ásamt því að starfa
við búskap gegndi Haraldur
formennsku í Bændasamtökunum
Ísland í níu ár áður en
þingmennskan kallaði.
Haraldur segir að áhugi hans á
pólitík hafi kviknað árið 1978 við
alþingiskosningar sem þá fóru
fram en árið 2013 settist hann
fyrst á þing. Haraldur er þingmaður
Feykis að þessu sinni.
Hvaða máli værir þú líklegur til
að beita þér fyrir á Alþingi framar
öðrum? -Eftir þennan tíma á
Alþingi hef ég kannski helst unnið
að atvinnumálum, fjarskiptum,
samgöngum og ríkisfjármálum.
Telur þú að stjórnmálaumhverfið
hafi breyst eða sé að breytast
frá því sem áður var? -Ég tel
að stjórnmálaumhverfið haldi
áfram að breytast. Reyndar held
ég að nú geti komist á ákveðinn
stöðugleiki. Umhverfið hefur
tekið miklum stakkaskiptum frá
2008 en nú er mikilvægt að
hefja nýjan kafla. Áratugurinn
frá hruni hefur verið erfiður. Nú
erum við hinsvegar kominn á
góðan stað í efnahagsmálum og
búum við mikla hagsæld. Það er
mikilvægt að pólitíkin öðlist sama
stöðugleika.
Telur þú að fjölmiðlar, Facebook
og aðrir samfélagsmiðlar, hafi
áhrif á skoðanir og gjörðir
þingmanna? -Samfélagsmiðlar
breyta umræðu en hvort þeir breyti
skoðun þingmanna veit ég ekki.
Megin breytingin er að nú halda
þingmenn á eigin fjölmiðli ef svo
má segja. Þetta er vandmeðfarið
tæki og ber að umgangast af
virðingu.
Hvaða verkefni bíður helst
íbúa Norðvesturkjördæmis að
þínu mati? -Það er hinn glataði
áratugur í framkvæmdum – sem
ég kalla stundum. Við eigum mikil
verkefni í vegamálum. Í að bæta
aðstöðu til atvinnuuppbyggingar.
Nú eru mjög jákvæð teikn um
sókn og breytta stöðu í íbúaþróun
í kjördæminu. Það er nauðsynlegt
að fylgja því eftir.
Hvaða málefni telur þú að
brenni helst á íbúum Norðurl-
ands vestra? -Það eru atvinnu-
og búsetumál. Eins og til dæmis
samgöngur. Norðurland vestra
er að ná frábærum áföngum í
fjarskiptamálum með ljósleiðara-
væðingu sveitanna. Á norðurlandi
vestra er sauðfjárrækt burðar
atvinnugrein og því er kreppa
sem er í þeirri búgrein mjög
afdrifarík. Það skiptir því verulegu
máli að skapa henni traustari
umgjörð. Ekki að ég nefni
þetta í mikilvægisröð þá skiptir
stórmáli hvernig tekst að efla
heilbrigðisþjónustu á svæðinu.
Hvaða áhugamál áttu fyrir utan
pólitíkina? -Það er búskapur sem
má kannski flokka sem áhugamál
meðan starfað er í pólitíkinni. Ég
vinn talsvert á mínu búi þegar
stundir gefast frá pólitík. Áhugamál
önnur eru ekki fyrirferðarmikil.
Hver er uppáhalds tónlistarmað-
urinn? -Það er Karlakór Bólstaðar-
hlíðahrepps.
Hver er uppáhalds kvikmyndin?
-Með allt á hreinu.
Hvert er uppáhalds íþróttafél-
agið? -ÍA
Ein góð saga í lokin: Þegar
aldurinn færist yfir þykir mér
vænt um atvik sem ég lenti í sem
nýkjörinn formaður BÍ – þá 38 ára.
Ég mætti í sjónvarpsviðtal á Rúv
ÞINGMAÐURINN
Haraldur Benediktsson Sjálfstæðisflokki
Þingmenn halda á eigin fjölmiðli
UMSJÓN
palli@feykir.is
Feðgar í fjósi á aðfangadag. Eyþór og Haraldur. MYND ÚR EINKASAFNI
Kári Marísson ásamt Molduxum við upphaf Jólamóts Molduxa. MYND: MOLDUXAR
Perla með góða viðurkenningu MYND AF FACEBOOK
01/2018 5