Feykir - 03.01.2018, Blaðsíða 6

og gagnsemi breytinganna.
„Kostirnir munu væntanlega
skila sér til langs tíma, en þessi
fyrstu ár ganga út á það að
halda áfram að reka löggæslu
með svipuðum mannafla,
vinnuaðstöðu og tækjabúnaði
og hingað til.“
Febrúar
Vilko og Prima í
mjólkurstöðina
Snemma á árinu flutti fyrirtæk-
ið Vilko á Blönduósi starfsemi
sína í húsnæði að Húnabraut
33 á Blönduósi, sem áður hýsti
mjólkurstöðina. Vilko var
upphaflega stofnað árið 1969
í Kópavogi en árið 1986 keypti
Kaupfélag Húnvetninga félagið
og flutti norður á Blönduós.
Var starfsemin upphaflega í
Votmúla en þegar það húsnæði
brann flutti félagið starfsemina
á Ægisbraut þar sem áður var
áhaldahús Blönduósbæjar.
Nýr blaðamaður Feykis
Sagt var frá því í upphafi febrúar
að Fríða Eyjólfsdóttir hefði
verið ráðin í stöðu blaðamanns
Feykis en hún tók við starfinu af
Kristínu Sigurrós Einarsdóttur
sem starfað hafði á Feyki frá
1. apríl 2013.
Nýr og glæsilegur slökkvibíll
Húnaþing vestra fékk í febrúar
afhentan nýjan slökkvibíl af
gerðinni Ford F550 4x4 super
duty crew cab, árgerð 2017.
Bíllinn, sem smíðaður er á
Ólafsfirði, hentar fullkomlega
fyrir starfssvæði Húnaþings
vestra þar sem eru langar
vegalengdir og víða vegslóðar
sem bera ekki hefðbundna
slökkvibíla.
Á heimasíðu Húnaþings
vestra segir að bíllinn sé með gott
aðgengi og einfaldur í notkun
en öll stjórnun, dælubúnaður og
vinnuumhverfi í bílnum er mjög
gott. Bíllinn er lipur og fínn í
keyrslu, búinn fullkomnum
slökkvibúnaði m.a. tveimur
háþrýstikeflum. Í bílnum er
nóg af vatni fyrir fyrstu aðgerðir
slökkvistarfs á vettvangi og
verður notaður bæði sem
tækjabíll og slökkvibíll og leysir
þannig af hólmi tvo bíla.
Einar Örn söng til sigurs
Söngkeppni Fjölbrautaskóla
Norðurlands vestra var haldin
á sal skólans föstudaginn
17. febrúar fyrir fullu húsi
áhorfenda. Ellefu flytjendur
fluttu tíu lög, hvert öðru betra,
eins og segir á vef skólans.
Rannveig Sigrún Stefánsdóttir,
sem sigraði í söngkeppni
félagsmiðstöðva á Norðurlandi,
flutti lag sem gestur og vann hug
og hjörtu áhorfenda.
Þannig fór að Einar Örn
Gunnarsson bar sigur úr býtum
í keppninni með Bon Jovi
slagarann, Bed of Roses. Í öðru
sæti endaði Ásbjörn Waage
með Kiss-lagið Strutter og í
þriðja sæti urðu flytjendurnir
Malen Áskelsdóttir og Bjarkey
Birta Gissurardóttir með lagið
Russian Roulette sem hin
barbadóska Rihanna samdi.
Hákon Magnússon Hjaltalín
hlaut sérstaka viðurkenningu
fyrir flutning sinn á laginu
Working Class Hero.
Mars
Smíði Gáskabáta
gekk ekki upp
Þau áform Svf. Skagafjarðar
og KS um að smíða svokallaða
Gáskabáta á Sauðárkróki gengu
ekki sem skyldi og var hætt á
árinu 2017. Að sögn Stefáns
Vagns Stefánssonar, formanns
byggðarráðs, var plastbátafélag-
ið Mótun stofnað með það að
markmiði að efla atvinnu á
svæðinu, fá inn nýja iðngrein
sem gæti stutt við nýstofnað
plastnám við Fjölbrautaskóla
Norðurlands vestra og styrkt
stoðir Skagafjarðar í trefjaiðnaði
með það að markmiði að styðja
við áform um uppbyggingu
koltrefja- eða basalttrefjaverk-
smiðju á eða við Sauðárkók.
Tveimur skipverjum
bjargað af lekum báti
Janúar
Víkur á Skaga tengjast
veiturafmagni
Sagt var frá því í fyrsta tölublaði
Feykis ársins 2017 að lokið hefði
verið við að tengja bæinn Víkur
á Skaga við veiturafmagn þann
22. desember 2016 en þar með
hafði dísilrafstöðin á bænum
lokið hlutverki sínu. Lagður
var háspennujarðstrengur
frá Höfnum í Skagabyggð að
Hrauni í Skagafirði, tæpa 15
kílómetra leið, auk ljósleiðara.
Þetta var í fyrsta skiptið sem
Víkur tengjast veiturafmagni
en að sögn Valgeirs Karlssonar
ábúenda var ekki vilji fyrir því
hjá Rarik að leggja strenginn,
þá sex km, þegar bærinn Hraun
var rafvæddur 1975.
Hafdís HU 85 sökk í höfninni
Báturinn Hafdís HU 85,
sem er 10 tonna bátur með
heimahöfn á Blönduósi, sökk
í Skagastrandarhöfn snemma
í janúar. Þegar Feykir hafði
samband við Þóreyju Jónsdóttur
hafnarvörð um það leyti sem
vinnslu 2. tölublaðs lauk voru
kafarar við störf og unnið að því
að ná bátnum upp. Bjóst hún
við að þeirri vinnu lyki áður en
dagurinn væri á enda.
Þórey sagðist fyrst hafa
lesið um atvikið á vef Morg-
unblaðsins og sér væri ekki
kunnugt um af hverju báturinn
sökk né nákvæmlega hvenær
það hefði gerst, en það
hefði þó annað hvort verið
aðfararnótt mánudagsins eða
á mánudaginn. Á vef Morgun-
blaðsins kom fram að veðrið
var talin líkleg orsök þess að
báturinn sökk en mjög hvasst
var af norðaustan á Skagaströnd
á þessum tíma. Fóru hviður
upp undir 40 metra og við þær
aðstæður rýkur sjórinn mikið í
höfninni, sérstaklega á háflóði.
Menn verða að leysa deiluna
Þegar janúar var meira en
hálfnaður hafði verkfall sjó-
manna staðið yfir í rúman
mánuð. Fréttir hermdu að
nokkuð hefði þokast í sam-
komulagsátt og í raun ekki
mikið sem skildi á milli samn-
ingsaðila. Verkfall sjómanna
hafði gríðarleg áhrif á fjölmörg
störf í landi og talið var að það
hafi kostað þjóðarbúið háar
fjárhæðir.
Páll hættir störfum
Páll Björnsson, lögreglustjóri á
Norðurlandi vestra, sagði starfi
sínu lausu í upphafi árs en hann
hafði gegnt því starfi frá stofn-
un þess er lögregluembættin
á Blönduósi og Sauðárkróki
voru sameinuð í ársbyrjun
2015. Páll, sem kominn var
á 69. aldursár, sagðist þeirrar
skoðunar í samtali við Feyki,
að menn ættu að hætta störfum
áður en þeir verði að gera það
við 70 ára aldurinn. Páll stóð
frammi fyrir því verkefni að
sameina tvö rótgróin embætti í
sitthvorri sýslunni. Hann taldi
að í umræðunni um fækkun
embættanna hefði verið alið
á of miklum væntingum hjá
lögreglumönnum um kosti
SAMANTEKT
Páll Friðriksson
Það er alltaf gaman að líta um öxl við hver áramót og rifja upp hvað hæst þótti standa á
nýliðnu ári. Hér birtum við fyrri hluta þess sem Feykir setti á oddinn á síðum blaðsins.
Forsetahjónin fyrir utan Hótel Tindastól á Sauðárkróki ásamt prúðbúnum skagfirskum konum.
MYND: FORSETI.IS
Fréttaannáll 2017 – fyrri hluti
Ágætt ár að baki
Pétur R. Arnarsson, slökkviliðsstjóri Húnaþings vestra, með nýja bílinn fyrir utan
Ráðhúsið á Hvammstanga MYND: HÚNAÞING VESTRA
Rafmagnið komið á hjá ábúendum á Víkum. Systkinin Valgeir, Lilja og Finnur
Karlsbörn ásamt Jóni Pálmasyni rafvirkja. MYND: PF
6 01/2018