Feykir - 10.01.2018, Side 6

á Odda frá Hafsteinsstöðum og
4. sæti í A-flokki á hestagullinu
Hrafnistu frá Hafsteinsstöðum
sem er einungis fimm vetra
gömul.
Tveir skagfirskir
Íslandsmeistarar
Snemma í júlí kom besta
frjálsíþróttafólk landsins saman
á Selfossi til að berjast um
meistaratitlana á Meistaramóti
Íslands í frjálsíþróttum. Alls
voru keppendur um 200 talsins,
þar á meðal Skagfirðingarnir
Þóranna Ósk Sigurjónsdóttir og
Ísak Óli Traustason.
Þau Þóranna og Ísak gerðu
sér lítið fyrir og unnu sínar
greinar, Þóranna í hástökki
kvenna en hún sveif yfir 1,72
m og setti um leið skagfirskt
héraðsmet utanhúss.
Ísak Óli varð Íslandsmeistari
í 110 m grindahlaupi karla,
hljóp á 15,26 sek, sem er besti
tími hans í sumar.
Lífið er núna
Boðað var til heilmikillar
skemmtidagskrár í Menningar-
húsinu Miðgarði um miðjan
mánuðinn með yfirskriftinni
Lífið er núna. Gestgjafar voru
hjónin Jón Hallur Ingólfsson og
Aðalbjörg Þ. Sigfúsdóttir sem
fögnuðu þremur stórafmælum
á árinu, frúin 50 og Jón 60
ára afmæli sínu og þau 20 ára
brúðkaupsafmæli. Óhætt er að
segja að máltækið „þröngt mega
sáttir sitja“ hafi átt vel við því
salurinn var smekkfullur af fólki
og rúmlega það. Í stuttu máli
má segja að dagskráin hafi farið
vel í viðstadda alveg frá fyrstu
mínútu til þeirrar seinustu.
Ekki var hægt að sjá á Jóni
Halli að hann ætti stutt eftir
ólifað. Hann hafði barist við
erfiðan sjúkdóm um árabil og
lét svo í minni pokann fyrir
sláttumanninum slynga þremur
mánuðum síðar. Blessuð sé
minning góðs drengs.
Nýr brunabíll á Blönduós
Brunavarnir Austur-Húna-
vatnssýslu festu kaup á nýjum
slökkvibíl og var hann til sýnis á
Húnavöku. Bifreiðin, sem keypt
var af Feuerwehrtechnikberlin,
er af tegundinni MAN, með
sex þúsund lítra vatnstanki, 500
lítra froðutanki og öllum öðrum
nauðsynlegum búnaði.
„Stjórn BAH er afar stolt
yfir þessum áfanga og má
segja að nú hafi verið brotið
blað í sögu BAH með þessari
glæsilegu slökkvibifreið,“ segir í
fundargerð Brunavarna Austur-
Húnavatnssýslu frá 18. júlí sl.
Ágúst
Afrekskonur syntu
Drangeyjarsund
Sjósundskonurnar Harpa
Hrund Berndsen og Sigrún
Þuríður Geirsdóttir syntu, um 7
km leið frá Drangey að Reykjum
án þess að klæða kuldann af sér,
en hitastig sjávar var á bilinu 9,5
- 10,5 gráður.
Þær lögðu af stað frá Drangey
kl. 8:20 um morguninn í þriggja
stiga hita og þó nokkrum öldum,
umkringdar hvölum sem sýndu
listir sínar. Fljótlega lægði þó og
hlýnaði og gekk sundið mjög vel
að sögn Jóhannesar Jónssonar
sem fylgdist með þeim stúlkum.
Sigrún Þuríður og Harpa Hrund
eru ekki ókunnar sjósundi en
Sigrún synti yfir Ermarsundið
2015 og báðar hafa þær synt
boðsund þar yfir.
Sigrún Þuríður er fimmta
konan til að synda Drangeyjar-
sund en sundtími hennar var 3
klst. og 29 mín. og Harpa Hrund
er sú sjötta en tími hennar var 4
klst. og 15 mín.
Björgunarsveitirnar á Sauð-
árkróki og Hofsósi fylgdu þeim
yfir.
Nýr togari til Sauðárkróks
Það ríkti mikil eftirvænting
þegar nýjasta skip Fisk Seafood
sigldi inn Skagafjörðinn og
kastaði landfestum í fyrsta sinn
í Sauðárkrókshöfn. Fjöldi fólks
mætti á staðinn og varð vitni
Júní
Þórálfur hæst dæmdi
stóðhestur í heimi
Það er ekki á hverjum degi
sem sett eru heimsmet í
kynbótadómi en það gerðu
þeir Þórálfur frá Prestsbæ
og Þórarinn Eymundsson
á Sauðárkróki á sýningu á
Akureyri í byrjun júní. Fyrra
met átti Spuni frá Vesturkoti,
úr ræktun Finns Ingólfssonar,
með aðaleinkunnina 8.92 en
Þórálfur skreið yfir hann nú
með aðaleinkunn upp á 8.94.
Fyrir sköpulag hlaut hann 8.93
og 8.95 fyrir hæfileika.
Hoppað af kæti á Blönduósi
Stærsti ærslabelgur landsins var
settur upp á Blönduósi sl. sumar
sunnan við sparkvöllinn við
Blönduskóla. Ærslabelgurinn
er hoppdýna, 160 m2 stór og
hefur hann vakið mikla lukku
hjá yngri kynslóðinni. Á Face-
booksíðu Blönduósbæjar segir
að þetta sé enn eitt leiktækið
sem sett hefur verið upp á
skólalóðinni og stefnir í fleiri
leiktæki síðar í sumar. Því er
óhætt að segja að Blönduósingar
séu nú hoppandi kátir.
Feðgin útskrifast
frá Hvanneyri
Í júní fór fram brautskráning í
Landbúnaðarháskóla Íslands á
Hvanneyri við hátíðlega athöfn
í Hjálmakletti í Borgarnesi.
Meðal þeirra rúmlega 60 sem
brautskráðust voru feðgin frá
Keldudal í Skagafirði þau Þórdís
og Þórarinn Leifsson.
Þórarinn brautskráðist
með meistaragráðu (MS) í
búvísindum og fjallaði loka-
ritgerð hans um áhrif jarð-
vinnslu á vöxt og þroska
byggs en Þórdís með bakka-
lárgráðu (BSc) í búvísindum
og lokaritgerð hennar snerist
um áhrif burðaraldurs íslenskra
kvígna á afurðir, endingu og
uppeldiskostnað.
Júlí
Strákurinn úr Skagafirðinum
knapi mótsins
Skapti Steinbjörnsson hrossa-
ræktandi á Hafsteinsstöðum og
formaður Hestamannafélagsins
Skagfirðings fór fyrir sínu liði
á Fjórðungsmóti Vesturlands
sem haldið var í Borgarnesi
um mánaðamót júní og júlí.
Skagfirðingar sópuðu til sín
verðlaunum og röðuðu sér m.a.
í fimm efstu sæti í einum flokki.
Segja má að Skapti hafi
komið séð og sigrað því af
dómurum mótsins var hann
kosinn knapi mótsins eða eins
og hann var kynntur af þul
„strákurinn úr Skagafirðinum“.
Skapti varð í 2. sæti í B-flokki
SAMANTEKT
Páll Friðriksson
Hér kemur seinni yfirreið upprifjunar ársins 2017 þar sem skautað er á því helsta
sem fréttnæmt þótti á síðum Feykis á því ljómandi góða ári. Hér tökum við
stöðuna frá júní og fram til áramóta.
Drangey og Málmey fylgdust að inn fjörðinn þegar nýja skipið kom í fyrsta skiptið í heimahöfn.
MYND: PF
Fréttaannáll 2017 – seinni hluti
Ljómandi gott ár
Jón Hallur brá sér í ýmis gervi, m.a. erlenda verkamanninn. Gunni Rögg, góðvinur
Jóns Halls og hinn helmigur dúósins mundar prikið. MYND: PF
Félagarnir Þórálfur og Þórarinn stilla sér upp fyrir myndatöku.
MYND: PF
6 02/2018