Feykir - 10.01.2018, Page 7
Það gerist ekki á hverjum degi að hvalur sé dreginn á land á Hvammstanga og
vakti það að vonum forvitni bæjarbúa. Þessi ungi maður var einn þeirra en engu er
líklegra en reyðurin vilji ræða heimsmálin. MYND: ANNA SCHEVING
að því er skipið fékk formlega
vígslu og nafn.
Rúm 44 ár voru liðin síðan
nýsmíðaður togari kom síðast
á Sauðárkrók. Bar hann sama
nafn, Drangey, en einkennis-
stafina SK-1. Það skip var smíðað
í Japan og kom þaðan á Krókinn
hinn 8. maí 1973. Drangey SK 2
kemur til með að leysa hið 40
ára gamla skip, Klakk SK-5, af
hólmi og mun fara á veiðar áður
en langt um líður. Um borð
er ofurkælibúnaður sem gerir
notkun íss við geymslu fersks
fisks óþarfa.
Treg veiði í
húnvetnskum veiðiám
Er ágúst var að telja sína síðustu
daga hafði veiði almennt
verið minni í húnvetnskum
laxveiðiám en á sama tíma fyrra
árs og sömu sögu var að segja af
flestum öðrum ám á landinu.
Miðfjarðará var sem fyrr í öðru
sæti yfir aflahæstu árnar með
2668 laxa, þar af 282 í vikunni
áður. Blanda hafði skilað 1390
löxum og var í fimmta sæti og
Laxá á Ásum var með 790 laxa
í ellefta sæti. Þar var veiðin
orðin meiri en árið áður þegar
620 laxar veiddust allt sumarið.
Hluta skýringarinnar mátti
rekja til þess að stangafjöldinn
var leyfður fjórar í stað tveggja
á fyrra ári.
Í Víðidalsá var veiðin komin
í 583 laxa, Vatnsdalsá með 505
en aðrar með minna.
September
Á fjórða hundrað mættu
á fund sauðfjárbænda á
Blönduósi
Búnaðarsamband Húnaþings
og Stranda og Félag sauðfjár-
bænda í Skagafirði stóð fyrir
opnum umræðufundi sem
haldinn var í Félagsheimilinu á
Blönduósi í byrjun september
þar sem staða sauðfjárbænda
var rædd. Á fjórða hundrað
manns mættu á fundinn og var
þungt yfir fundargestum enda
um grafalvarlegt mál að ræða
þar sem fyrirhuguð skerðing
sláturleyfishafa á afurðaverði
var talin geta valdið allt að 56%
launalækkun til bænda.
Svohljóðandi ályktun var lögð
fyrir fundinn og hún samþykkt:
„Sameiginlegur fundur Búnað-
arsambands Húnaþings og
Stranda og Félags sauðfjár-
bænda í Skagafirði skorar á
sláturleyfishafa, stjórnvöld og
forystumenn bænda að taka
á þeirri grafalvarlegu stöðu
sem nú er uppi. Á Norðurlandi
vestra og Ströndum eru um 420
sauðfjárbú og á þeim fer fram
um 30% af sauðfjárframleiðslu
í landinu. Það liggur því fyrir
að sauðfjárrækt er þessu svæði
gríðarlega mikilvæg atvinnu-
grein. Ef verðlækkanir sem
boðaðar hafa verið á sauðfjár-
afurðum, verða að veruleika
eru allar forsendur í rekstri
sauðfjárbúa brostnar. Hætt er
við að afleiðingarnar verði hrun
í búgreininni og í framhaldinu
stórfelld byggðaröskun.
Tekjuskerðing sem sauðfjár-
bændur á þessu svæði standa
nú frammi fyrir, að viðbættri
tekjuskerðingu síðasta árs,
nemur skv. upplýsingum frá
Ráðgjafarmiðstöð landbúnaðar-
ins að meðaltali um 1,5 milljón
kr. á bú. Það liggur því fyrir
að stór hluti sauðfjárbænda
mun ekki ná endum saman að
óbreyttu.“
Agnes hlaut fjórtán ára
fangelsisdóm
Lögfræðingafélag Íslands stóð
fyrir vettvangsferð á slóðir
síðustu aftökunnar á Íslandi
í september og réttuðu á ný í
máli Friðriks Sigurðssonar og
Agnesar Magnúsdóttur sem
dæmd voru til dauða fyrir að
myrða Natan Ketilsson, bónda
á Illugastöðum á Vatnsnesi,
og Pétur Jónsson, vinnumann,
þann 13. mars 1928.
Sigríður Guðmundsdóttir,
16 ára vinnukona, var einnig
dæmd til dauða en var náðuð
af kónginum og dæmd í lífs-
tíðarfangelsi. Réttarhöldin
voru að sjálfsögðu sett á svið
í Félagsheimilinu á Hvamms-
tanga, bæði til gamans og fróð-
leiks.
Sigríður Friðjónsdóttir
ríkissaksóknari sótti málið
fyrir hönd ákæruvaldsins
og þau Gestur Jónsson og
Guðrún Sesselja Arnardóttir
voru verjendur hinna ákærðu.
Dómarar í málinu voru þau
Ingibjörg Benediktsdóttir, Kol-
brún Sævarsdóttir og Davíð Þór
Björgvinsson.
Niðurstaða dómsins á
Hvammstanga var á þá leið
að Agnes hlaut fjórtán ára
fangelsisdóm í stað dauðadóms,
Friðrik Sigurðsson fékk sjö ára
fangelsi og Sigríður Guðmunds-
dóttir fimm ár.
Telur ekki raunhæft að
sameina öll sveitarfélögin á
Norðurlandi vestra
Sveitarstjórnir í Austur-Húna-
vatnssýslu héldu sameiginlegan
fund sl. sumar þar sem oddvitar
sveitarstjórna í Skagabyggð,
Húnavatnshreppi, Skagaströnd
og Blönduósi gerðu grein
fyrir afstöðu sinni og sinna
sveitarstjórna. Samþykkt var
ályktun þar sem því var beint
til sveitarstjórna að þær tækju
afstöðu til þess, hver fyrir sig,
hvort þær vildu hefja formlegar
viðræður um sameiningu
sveitarfélaga í Austur-Húna-
vatnssýslu.
Sveitarstjórn Húnavatns-
hrepps sendi frá sér samþykkt
sem segir að samstarf sveitar-
félaganna sé mikið, m.a. í
byggðasamlögum um rekstur
stórra málaflokka. Það samstarf
sé með ágætum en óneitanlega
þyngra í vöfum en ef um eitt
sameinað sveitarfélag væri
að ræða. Sveitarstjórnin telur
því eðlilegast að sveitarfélögin
fjögur kanni möguleika á
sameiningu.
Magnús B. Jónsson, sveitar-
stjóri Skagastrandar, sagði í
fréttum að hann teldi rétt að láta
reyna á sameiningu sveitarfél-
aga í Austur-Húnavatnssýslu.
Hann telur þó ekki raunhæft
að sameina öll sveitarfélögin á
Norðurlandi vestra.
Nemendur rafiðnadeildar
fá spjaldtölvur
Bára Halldórsdóttir frá fræðslu-
skrifstofu rafiðnaðarins og
Ásbjörn Jóhannesson, fram-
kvæmdastjóri SART, komu
færandi hendi í Fjölbrautaskóla
Norðurlands vestra í haust.
Tilefni heimsóknarinnar var
að afhenda nemendum á
fyrsta ári í grunndeild rafiðna
spjaldtölvur til eignar en
Fræðsluskrifstofa rafiðnaðarins
og Rafiðnaðarskólinn sjá um að
allir nemendur þeirra skóla sem
kenna rafiðnir eignist slík tæki.
„Námsefnið sem notað er
við kennslu í rafiðnum er að
stórum hluta til á miðlægum
grunni sem kallað er Rafbók.
Fræðsluskrifstofan heldur utan
um þessa síðu og þarna hefur
verið safnað saman námsefni
bæði nýju og gömlu, eins er
þetta lifandi síða þar sem koma
inn kennslumyndbönd og fleira
ítarefni. Með þessu móti ættu
nemendur að vera að fást við
svipaða hluti, sama hvaða skóla
þeir eru í,“ sagði Garðar Jóns-
son, deildarstjóri rafiðna- og
bílgreinadeildar FNV, af þessu
tilefni.
Október
Hvalur dreginn á land
á Hvammstanga
Hún vakti verðskuldaða athygli
sandreyðurin sem dregin var á
land á Hvammstanga í byrjun
október. Hafði hún strandað á
skeri á Hrútafirði, sem staðsett
er miðja vegu milli fjarðarbotns
og Borðeyrar en lifði ekki lengi
eftir að vaskur björgunarhópur
hafði losað hana af skerinu.
Að sögn Eric dos Santos,
starfsmanns Selasetursins á
Hvammstanga og Hafrann-
sóknarstofnunar, var hvalurinn
12,8 metra langur.
Búhöldar afhentu
nýjar íbúðir
Búhöldar á Sauðárkróki afhentu
tvær nýjar íbúðir í Eyrartúni
á Sauðárkróki í upphafi
októbermánaðar. Þar höfðu
risið tvö parhús með fjórum
íbúðum og grunnur tilbúinn
að því þriðja. Að sögn Þórðar
Eyjólfssonar vonaðist hann til
þess að næstu tvær íbúðir yrðu
afhentar í desember og hafist
handa við að reisa síðasta húsið
næsta vor. Þegar þeim áfanga
lýkur hafa Búhöldar komið alls
fimmtíu nýjum íbúðum í gagnið
fyrir félagsmenn sína.
KR lagði Kormák í
splunkunýtt parket
Þriðju deildar lið Kormáks á
Hvammstanga tók þátt í Malt-
bikarnum í körfubolta og komu
Íslands- og bikarmeistarar KR í
heimsókn en við það tilefni var
nýtt parket vígt í íþróttahúsinu.
Samkvæmt heimildum Feykis
var troðfullt í húsinu og hin
fínasta stemning en gestirnir
úr Vesturbænum höfðu betur í
leiknum.
KR-ingar sýndu heima-
mönnum þann sóma að mæta
með alla sína bestu menn á
Hvammstanga og buðu upp á
smá sýningu. Vesturbæingarnir
höfðu spilað í Garðabænum
kvöldið áður og máttu þar þola
tap gegn Stjörnunni og hefði því Það var þungt yfir fundargestum sem fylltu Félagsheimilið á Blönduósi
MYND: GÍSLI EINARSSON
Sigrún Þuríður og Harpa Hrund eftir afrek sunnudagsins.
MYND: JÓHANNES JÓNSSON
02/2018 7