Feykir - 17.01.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
Stólarnir lögðu Hauka og KR og hirtu Maltbikarinn
Snilldin ein í
Laugardalshöllinni
Það var þvílík veisla sem
Tindastólsmenn buðu upp á í
Laugardalshöllinni sl.
laugardag þegar liðið bar
sigurorð af meistaraliði KR í
úrslitaleik Maltbikarsins og
vann þar með fyrsta stóra
titilinn í sögu Tindastóls. Allir
leikmenn voru uppnumdir af
leikgleði, jákvæðni, baráttu
og ekki síst samkennd þannig
að það hljóta allir sem á
leikinn horfðu að hafa
smitast af smá krókódíla-
rokki. Lið KR átti aldrei svar,
aldrei séns, gegn Stólunum í
leiknum. Tindastóll var yfir frá
fyrstu mínútu og unnu að
lokum annan stærsta sigurinn
í sögu bikarúrslita KKÍ.
Lokatölur 69-96.

Tindastólsmenn fóru ansi
erfiða leið að titlinum því í
hverri umferð mættu Stólarnir
liði úr úrvalsdeildinni. Fyrst
Þór Þorlákshöfn, síðan Val í
Reykjavík og frábært lið ÍR hér
í Síkinu í desember. Þar með
var ljóst að Stólarnir voru
komnir í undanúrslit og það
var topplið Hauka sem
Stólarnir mættu sl. miðvikudag
í Laugardalshöllinni en þar
höfðu KR-ingar áður tryggt sér
sæti í úrslitaleiknum með sigri
gegn Breiðabliki.
Leikurinn við Hauka var vel
spilaður en það var lið Tinda-
stóls sem hafði forystuna
megnið af leiknum. Haukarnir
höfðu yfirhöndina á fyrstu
mínútum leiksins en hörku
varnarleikur Tindastóls setti
Hafnfirðingana út af laginu og
Stólarnir náðu um tíu stiga
forystu. Staðan í hálfleik var
31-37 fyrir Tindastól og
strákarnir, með Arnar Björns-
son í banastuði héldu góðum
dampi í síðari hálfleik og þrátt
fyrir nokkur áhlaup Haukanna
þá áttu Stólarnir alltaf svör.
Lokatölur 85-75 í leik þar sem
Arnar var með 35 stig.
Veisla gegn KR
Eins og segir í inngangi fréttar
þá var leikur Tindastóls í
sjálfum úrslitaleiknum gegn
meistaraliði KR nánast óað-
finnanlegur og hrein unun að
fylgjast með Liðinu – með
stóru elli.
Stólarnir komust í 14-0 með
Arnar aftur sjóðheitan. Hann
varð hins vegar að hvíla eftir
fimm mínútur því þá var hann
kominn með þrjár villur. KR-
ingar minnkuðu muninn í sex
stig en þá reis Bjöggi upp og
setti tvo þrista og skyndilega
virtist sem KR-ingum hálfpart-
inn féllust hendur því það var
sama hver kom inn á hjá
Stólunum, það áttu allir leik lífs
síns. Staðan var 33-57 í hálfleik
og í síðari hálfleik datt Pétur
Birgis í stuð og svaraði hverju
áhlaupi KR með glæsikörfum.
Það var hreinlega ekkert að fara
að stöðva Stólana í þessum leik,
enda strákarnir frábærlega
studdir af gríðarstórum stuðn-
ingsmannahópi sínum.
Lokatölur sem fyrr segir 69-
96. Pétur Birgis var valinn
maður leiksins en hann var
með 22 stig, átta stoðsendingar,
þrjá stolna bolta og sjö fráköst
líkt og Arnar sem var með 20
stig. Feykir óskar Tindastóli til
hamingju með titilinn! /ÓAB
Annað liðið sem kynnt er til leiks í KS deildinni
í hestaíþróttum er lið Þúfna. Það lið er eins
og Hrímnisliðið, sem kynnt var til sögunnar í
Feyki síðustu viku, skipað fjórum bráðflinkum
konum og þeim fylgir einn karl sem reyndar
er enginn meðalmaður. Liðsstjóri er Mette
Mannseth sem ávallt hefur verið við toppinn í
einstaklingskeppninni.
Með henni eru: Barbara Wenzl, Lea Busch, Freyja
Amble og Gísli Gíslason og koma Lea og Freyja
nýjar inn í liðið. Það er vitað að þetta lið býr yfir
góðum hestakosti og ætlar sér stóra hluti í vetur.
Þjálfari liðsins er Artemisia Bertus.
Mette segir að undirbúningur fyrir keppnina sé
alltaf í gangi á meðan verið er að þjálfa hestana.
„Núna erum við að þjálfa og undirbúa á fullu. Svo
munum við sjálfsagt taka æfingar hér heima og
á Króknum með þjálfara okkar Artemisia Bertus
þegar nær dregur.“ Hún segir að hver keppnisgrein
hafi sitt gildi, en mestur undirbúningur sé líklega
í gæðingafiminni. „Kannski mest af því að maður
er minna vanur að ríða hana,“ segir Mette liðstjóri
Þúfna.
LIÐSKYNNING KS DEILDARINNAR UMSJÓN pall@feykir.is
Þúfur
Hver keppnisgrein hefur sitt gildi
Stólarnir fagna með eldheitum stuðningsmönnum sínum í Höllinni að leik loknum.
MYND. HJALTI ÁRNA
Blak
Birnur og Krækjur í baráttunni
Íslandsmótið í blaki fór fram um helgina í
Reykjavík og tóku blakkonur frá Hvamms-
tanga og Sauðárkróki m.a. þátt. Birnur frá
Hvammstanga voru með tvö lið, Birnur A sem
unnu tvo leiki og Birnur Bombur sem unnu
þrjá leiki. Krækjur frá Sauðárkróki uppskáru
einnig þrjá sigra.
Birnur A, sem spila í 4. deild unnu tvo leiki í
oddahrinu, töpuðu einum í odda og töpuðu
tveimur 0-2. Fengu þær því fimm stig um
helgina og eru með 7 stig samtals. Eftir því sem
fram kemur á Facebooksíðu þeirra eru þær í 10.
sæti af tólf liðum í deildinni og spila því um sæti
7-9 síðustu spilahelgina.
Birnur Bombur áttu mjög góða leiki um
helgina og unnu þær tvo leiki 2-0, einn 2-1 og
töpuðu tveimur 0-2. Fengu þær 8 stig um
helgina og eru í 5. sæti í 5. deild. Spila þær því í
toppbaráttunni síðustu spilahelgina sem fram
fer um miðjan mars á Neskaupsstað.
Krækjur spiluðu fimm leiki og uppskáru
þrjá sigra og eru nú í 2. sæti í 3. deild. /PF
Birnur frá Hvammstanga. MYND: ?!?!?
03/2018 5