Feykir - 24.01.2018, Qupperneq 2
Umræðan í fjölmiðlum undanfarnar vikur hefur öðru
fremur einkennst af #metoo byltingunni og sögum sem
henni tengjast. Óhætt mun að fullyrða að flestum er brugðið
og fæstir hafa gert sér nokkra minnstu grein fyrir hve
kynferðislegt áreiti og ofbeldi er
ótrúlega útbreitt í samfélagi því
sem við búum í, samfélagi sem á
að kallast siðmenntað. Hér er
greinilega ekki spurt um stétt
né stöðu, konur í öllum stigum
þjóðfélagsins verða fyrir barðinu
á þessari ruddalegu hegðun.
Ég hef reyndar ekki lesið nema
pínulítið brot af öllum þeim
sögum sem sagðar hafa verið en
nóg samt til að vekja undrun,
reiði og viðbjóð. Sögurnar eru
auðvitað mismunandi, allt frá því að segja frá óviðeigandi eða
ruddalegu orðfæri til viðbjóðslegra sagna af nauðgunum. Bak
við hverja sögu býr sár reynsla þeirra sem fyrir verða, sama
hversu alvarlegur verknaðurinn er í augum þeirra sem lesa.
Ég er trúlega ekki ein um það að sögur af ungum íþrótta-
stúlkum snerta mig meira en aðrar. Hér er oft um að ræða
ungar stúlkur sem standa andspænis þjálfara sínum, manni
sem þær líta upp til og bæði þær og foreldrar þeirra bera
óskorðað traust til. Varnarleysið er því algjört. Við eigum því
líka að venjast að íþróttamenn eigi að vera fyrirmyndir,
„heilbrigð sál í hraustum líkama,“ menn sem almenningur
horfir upp til, jafnvel með nokkurri lotningu. Auðvitað ætti
maður svo sem að geta sagt sér það sjálfur að þar er misjafn
sauður, sem annars staðar, það sést vel á fréttum af því að
viðkvæmar myndir af norskri landsliðskonu í handbolta skuli
ganga milli heilu boltaliðanna í tveimur löndum.
Það er kannski ekki óeðlilegt að #metoo sögurnar veki
mismunandi viðbrögð. Margir hafa bent á það að karlmenn
verði líka fyrir kynferðislegu áreiti. Það er alveg satt og rétt og
er örugglega algengara en margan grunar. Mér finnst þó að
#metoo-byltingin geri engan veginn lítið úr þeirra reynslu,
heldur þvert á móti ef eitthvað er. Öðrum finnst of langt
gengið og frá Frakklandi berast fréttir af því að margir álíti
byltinguna koma í veg fyrir að saklaust daður fái þrifist og að
hún lykti af hræsni. Sjálfsagt hafa þeir eitthvað til síns máls og
eins og oft vill verða getur verið erfitt að finna línuna sem
skilur á milli þess sem má og þess sem er bannað. Þolmörk
einstaklinganna eru líka misjöfn og það sem einum finnst
óþægilegt og særandi getur öðrum þótt sniðugt og skemmti-
legt.
Því ber að fagna að umræðan um siðareglur innan
íþróttafélaganna skuli vera komin á, sem og um sakavottorð
íþróttaþjálfara. Það er í raun óskiljanlegt að hún skuli ekki
hafa verið almennari fyrr og að ekki skuli vera til verkferlar
og reglur sem fylgja skuli ef mál tengd hvers konar áreiti
koma upp. Þetta á ekki bara við innan íþróttafélaganna,
heldur hvar sem er. Við skulum bara vona að þessi umræða
öll skili okkur betra samfélagi og hugarfarsbreytingu þar sem
virðingin fyrir tilfinningum annarra verði höfð að leiðarljósi.
Fríða Eyjólfsdóttir, blaðamaður
LEIÐARI
Siðmenntað samfélag?
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Málmeyjan gerði góðan túr í síðustu viku en
vefurinn Aflafréttir.is greindi frá því að þá
hafi togarinn komið að landi með meiri afla
en nokkru sinni síðan skipið hóf veiðar sem
ísfisktogari.
Fáir sóttu sjóinn í síðustu viku og aðeins
komu rúm tólf tonn að landi á Skagaströnd af
fjórum bátum. Á Hvammstanga landaði Harpa
HU 4 rúmum tveimur tonnum og á Sauðár-
króki var landað úr þremur skipum og bátum,
alls um 838 tonnum en af því voru 612,6 tonn
rækja sem kom hingað með flutningskipi.
Heildaraflatölur vikunnar voru 852.295 kíló. /FE
Aflatölur á Norðurlandi vestra 14. – 20. janúar 2018
Metafli hjá Málmeynni
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU 4 Dragnót 2.201
Alls á Hvammstanga 2.201
SKAGASTRÖND
Auður HU 94 Landbeitt lína 1.771
Guðmundur á Hópi HU 203 Lína 5.061
Magnús HU 23 Landbeitt lína 2.705
Sæfari HU 212 Landbeitt lína 2.678
Alls á Skagaströnd 12.215
SAUÐÁRKRÓKUR
Málmey SK 1 Botnvarpa 223.713
Onni HU 36 Dragnót 1.563
Samskip ICE NO 0 Rækjuvarpa 612.603
Alls á Sauðárkróki 837.879
Nemendur Listaháskóla Íslands í heimsókn
Árskóli á Sauðárkróki
Í vikunni sem leið fengu
nemendur 10. bekkjar
Árskóla á Sauðárkróki góða
heimsókn þegar nokkrir
nemendur úr Listaháskóla
Íslands komu þangað og
buðu upp á leiksýningu. Um
var að ræða frumsamið
leikverk sem nemendur hafa
unnið frá grunni án aðstoðar
frá nokkrum fagaðila.
Að sögn Helga Gríms Her-
mannssonar, höfundar verksins,
er þetta fyrsta sýning þeirra utan
höfuðborgarsvæðisins og um
leið í fyrsta skipti sem hópurinn
sýnir fyrir grunnskólanemendur.
Aðspurður hvers vegna Skaga-
fjörðurinn hafi orðið fyrir valinu
segir Helgi það einfaldlega vera
vegna þess að hann er ættaður
héðan en faðir hans, Hermann
Sæmundsson, er uppalinn á
Sauðárkróki. Sagði hann þessa
sýningu vera nokkurs konar
prófstein á hvernig hún félli í
kramið hjá þessum aldursflokki
og ef vel tækist til kæmi vel til
greina að fara víðar með verkið
og jafnvel að sýna í fleiri skólum
en framhaldið er óráðið að öðru
leyti en því að hópurinn mun
sýna á sviðslistahátíð í Budapest.
Að sýningu lokinni var boðið
upp á tvær málstofur fyrir
nemendur. Þar var annars vegar
fjallað um inntak og boðskap
sýningarinnar og það hvort, og
þá hvað, hægt væri að læra af
henni. Hins vegar var rætt um
það hvernig það sé að vera
nemandi í Listaháskóla Íslands, í
hverju námið felist og spurning-
unni um það hvers vegna ungt
fólk ætti að fara í listnám var velt
upp. Ekki var annað að sjá en
sýningin félli nemendum vel í
geð og sköpuðust líflegar um-
ræður í málstofunum. /FE
Gul viðvörun
Slæmt veður í kortunum
Gul viðvörun er í gangi fyrir
Vestfirði, Strandir og
Norðurland vestra,
Norðurland eystra, Austurland
að Glettingi, Austfirði og
Suðausturland. Lélegt
skyggni og erfið aksturs-
skilyrði.
Á vef Veðurstofunnar segir
að hvassviðri eða stormur verði
ráðandi í dag með snjókomu,
hvassast N- og V-til, en úrkomu-
mest N- og A-lands. Einnig má
búast við mjög hvössum
vindhviðum undir Vatnajökli,
einkum austantil.
Á mánudag voru björgunar-
sveitir á Norðurlandi kallaðar út
til aðstoðar vegfarendum og
þ.á.m. Björgunarsveitin Húnar á
Hvammstanga. Ekkert ferða-
veður var víða og m.a. sátu bílar
fastir við Víðigerði sem komust
að endingu leiðar sinnar.
Vegfarendur ættu að kynna
sér veður og ástand vega áður en
lagt er í ferðalög. /PF
Frá sýningunni í Árskóla. MYNDIR: FE
2 04/2018