Feykir - 24.01.2018, Blaðsíða 5
F ÍÞRÓTTAFRÉTTIR Fleiri íþróttafréttir á Feykir.is
Dominos-deildin : Þór Ak – Tindastóll 72–77
Sigur á Akureyri
Bikarmeistarar Tindastóls
héldu til Akureyrar sl.
fimmtudag þar sem þeir
mættu liði Þórs í fyrsta leik
sínum eftir partíið í
Laugardalshöllinni. Oft mæta
menn til leiks hálf timbraðir
eftir stóra sigra eins og í
bikar en Stólarnir byrjuðu vel
gegn Þórsurum og náðu
yfirhöndinni í leiknum. Þrátt
fyrir að Akureyringar næðu að
velgja Tindastólsmönnum
undir uggum í síðari hálfleik
þá héldu strákarnir haus og
tryggðu sér sigur, 72-77, og
eru nú í 2.–4. sæti í Dominos-
deildinni.
Jafnræði var með liðunum
fyrstu mínúturnar en um
miðjan fyrsta leikhluta náðu
Stólarnir ágætu forskoti, staðan
9-20 eftir m.a. tvo þrista frá
Friðriki Stefáns. Lið Tindastóls
mætti hálf vængbrotið til leiks
en í liðið vantaði Viðar sem
varð fyrir hnjaski í leiknum
gegn KR og þá voru Arnar
Björns og Bjöggi Ríkharðs
veikir. Fyrir vikið fengu
Finnbogi, Hannes, Friðrik og
Helgi Margeirs drjúgan tíma,
rúmar 20 mínútur hver, til að
láta ljós sín skína. Staðan að
loknum fyrsta leikhluta var 16-
24 og leikurinn var á svipuðu
róli í öðrum leikhluta, þar sem
mikið mæddi á Hester, þannig
að staðan var 30-45 í hálfleik og
staðan því vænleg fyrir lið
Tindastóls.
Þórsarar komu ákveðnari til
leiks í síðari hálfleik en þeir
voru eftir sem áður ískaldir
utan 3ja stiga línunnar og settu
aðeins fjögur slík skot niður í
leiknum. Í fjórða leikhluta
minnkuðu heimamenn bilið í
þrjú stig, 63-66, og þeim
mistókst að minnka bilið enn
frekar þegar troðsla fór forgörð-
um og Stólarnir sigu framúr.
Hester stigahæstur
Í liði Tindastóls var Hester
stigahæstur með 20 stig og
hann tók átta fráköst. Pétur
hitti illa í leiknum en endaði
með 11 stig, 11 fráköst og átta
stoðsendingar. Garrett var
drjúgur með 12 stig og ágæta
nýtingu, Hannes 11 og Helgi
Margeirs 10. Þá átti Friðrik
fínan leik með átta stig, fimm
fráköst, fimm stoðsendingar,
fjóra stolna og reyndar fjóra
tapaða bolta líka.
Annað kvöld verður stór-
leikur í Síkinu þegar sprækt lið
Grindvíkinga mætir til leiks.
Stuðningsmenn Tindastóls eru
hvattir til að fjölmenna og
styðja sína menn. /ÓAB
Þriðja liðið sem kynnt er til leiks er lið
Hofstorfunnar en það er skipað miklu keppnisfólki
sem finnst allt annað en sigur vera tap. Liðsstjóri
er Elvar E. Einarsson en með honum í liði er dóttir
hans Ásdís Ósk, Bjarni Jónasson, Gústaf Ásgeir
Hinriksson og Lilja S. Pálmadóttir.
Ásdís kemur ný inn í liðið, bráðefnilegur ungur
knapi sem kemur til með að styrkja þetta lið mikið
og Bjarni Jónasson hefur ætíð verið í baráttunni um
stigahæsta einstaklinginn. Þarna verður ekkert gefið
eftir og metnaður lagður í hlutina.
„Mér líst bara mjög vel á þetta,“ segir Ásdís Ósk
aðspurð um það að koma ný inn í þennan sterka
hóp. Hún segist ekki vera búin að ákveða hvaða
hrossi hún ætli að keppa á í KS deildinni: „Það kemur
í ljós,“ segir hún. Um þessar mundir er Ásdís að
vinna á Syðri-Gegnishólum í Flóahreppi hjá þeim Olil
Amble og Bergi Jónssyni en ætlar að skjótast norður
yfir heiðar í vetur til að taka þátt í spennandi keppni.
LIÐSKYNNING KS DEILDARINNAR UMSJÓN pall@feykir.is
Hofstorfan
Nýliðanum líst vel á liðið
Byrjunarlið Íslands gegn Slóvakíu á sunnudag. Jón Gísli 3. f.v. í fremri röð. MYND. KSI.iS
Stórmót ÍR í frjálsum
Góður árangur UMSS
Átján keppendur frá UMSS tóku þátt í
Stórmóti ÍR í frjálsum sem fram fór í
Laugardalshöllinni um helgina. Þetta var í
22. sinn sem mótið er haldið en það er
fjölmennasta frjálsíþróttamót ársins og hefur
undanfarin ár verið vettvangur stórra afreka
og mikillar fjöldaþátttöku.
Að þessu sinni voru tæplega 700 keppendur
skráðir til leiks og komu þeir frá 33 félögum
víðsvegar að af landinu auk þess sem 42
keppendur frá Færeyjum tóku þátt í mótinu.
Alls hlaut UMSS tíu verðlaun á mótinu,
þrenn gullverðlaun, þrenn silfurverðlaun og
fern bronsverðlaun:
• Andrea Maya Chirikadzi - 1.sæti í kúluvarpi og
nýtt héraðsmet 15 ára stúlkna í þriggja kg kúlu
innanhúss.
• Jóna Karitas Guðmundsdóttir - 1. sæti kúluvarp.
• Þóranna Ósk Sigurjónsdóttir - 1. sæti hástökk.
• Ísak Óli Traustason - 2. sæti langstökk.
• Ísak Óli Traustason - 2. sæti í 60 m grind.
• Rúnar Ingi Stefánsson - 2. sæti kúluvarp.
• Guðmundur Smári Guðmundsson – 3. sæti 800
m hlaup.
• Guðmundur Smári Guðmundsson - 3. sæti 400
m hlaup.
• Indriði Ægir Þórarinsson - 3. sæti kúluvarp.
• Marín Lind Ágústsdóttir - 3. sæti langstökk.
/FE
Andrea Maya Chirikadzi varð í 1.sæti í kúluvarpi.
MYND: FACEBOOKSÍÐA UMSS
U17 landslið karla í knattspyrnu
Sigur og tap
Jón Gísli Eyland, leikmaður
Tindastóls, var í byrjunarliði
U17 landsliðsins í fótbolta er
Ísland lagði Slóvakíu 1-0 í
fyrsta leik sínum í Hvíta
Rússlandi sl. sunnudag. Hann
var aftur á móti á bekknum í
gær en þá tapaði Ísland 3-0
gegn Ísrael.
Liðið tekur þátt í æfingamóti
í Hvíta Rússlandi sem er liður í
undirbúningi fyrir milliriðla í
undankeppni EM 2018. Þriðji
leikur liðsins fer fram í dag,
miðvikudag, þegar það mætir
Rússlandi og hefst sá leikur
klukkan 11:00 að íslenskum
tíma. /PF
04/2018 5