Feykir - 24.01.2018, Síða 7
Kjarasamningar við nær
öll starfsmannafélög eru í gildi
á árinu 2018 en hins vegar
eru kjarasamningar lausir við
Félag grunnskólakennara og
Félag tónlistarskólakennara.
Í framlagðri áætlun er tekið
tillit til launahækkana sam-
kvæmt ákvæðum í gildandi
kjarasamningum en eins og
áður hefur komið fram er
enn ósamið við tvö félög. Í
flestum samningum er gert
ráð fyrir um 2% launahækkun
í júní 2018 en ekki hafa verið
reiknaðar launahækkanir á
þessa lausu samninga en vegna
hugsanlegra hækkana á þeim
er gert ráð fyrir um 60 m.kr.
varasjóð til að mæta þeim
kjarasamningshækkunum.
Á grundvelli stöðugleikasátt-
mála frá 25. júní 2009 var gengið
frá lagasetningu á Alþingi í
desember 2016 og lögum breytt
til gera lífeyriskerfin sjálfbær
þannig að hver kynslóð standi
undir eigin réttindum, bæta
flæði milli almenna vinnu-
markaðarins og hins opinbera og
jafna halla á tryggingafræðilegri
stöðu opinberu lífeyrissjóðanna.
Unnið er að uppgjöri sveitar-
félaganna vegna þessa en niður-
staða uppgjörsins liggur ekki
enn fyrir og er því ekki gert ráð
fyrir því í áætluninni.
Rekstur málaflokka
Eins og áður taka fræðslu- og
uppeldismálin til sín stærstan
hluta skatttekna í áætlun ársins.
Málaflokkurinn tekur til sín
mun lægra hlutfall í ár en árið
2016 eða 47,3%, en var með
57,7% í áætlun ársins 2016 og
50,9% í áætlun ársins 2017.
Má segja að vegna þeirra
hagræðingaraðgerða sem ráðist
var í, m.a. vegna lækkandi tekna
sveitarsjóðs, hafi tekist að ná
málaflokknum niður og hann
því farinn að taka til sín lægra
hlutfall skatttekna en áður þar
sem árið 2011 fóru 61,8% af
skatttekjum sveitarfélagsins til
málaflokksins. Hlutur annarra
málaflokka en félagsþjónustu
er með svipað hlutfall af skatt-
tekjum og verið hefur undan-
farin ár. Æskulýðs- og íþrótta-
mál fara þó lækkandi og eru
með 9,5% af skatttekjum ársins
2018.
Einnig er málflokkur 21, sem
er sameiginlegur kostnaður,
með lækkandi hlutfall miðað
við undanfarin ár.
Hlutfall félagsþjónustu eykst
hins vegar á milli áranna 2016
og 2018 og er skýringin á því sú
að sveitarstjórnir Akrahrepps,
Blönduóssbæjar, Húnavatns-
hrepps, Húnaþings vestra,
Skagabyggðar, Sveitarfélagsins
Skagafjarðar og Sveitarfélagsins
Skagastrandar gerðu með sér
samning um sameiginlegt
þjónustusvæði á Norðurlandi
vestra um þjónustu við fatlað
fólk.
Samningurinn gildir til árs-
loka 2019 og er Sveitarfélagið
Skagafjörður leiðandi sveitar-
félag sem veitir fötluðu fólki,
sem á lögheimili í aðildarsveitar-
félögunum, þjónustu eins og
nánar er kveðið á um í samn-
ingi og samkvæmt lögum nr.
59/1992 um málefni fatlaðs
fólks, með síðari breytingum,
á starfssvæðinu. Við þessa
breytingu renna allar tekjur frá
Jöfnunarsjóði sem ætlaðar eru til
þessa málaflokks sem og 0,25%
af útsvarsstofni sveitarfélaga til
Sveitarfélagsins Skagafjarðar. Í
fjárhagsáætlun ársins 2018 er
ekki gert ráð fyrir að tekjur frá
ríki og sveitarfélögum dekki
allan kostnað við samninginn
sem aftur leiðir til þess að útgjöld
við málaflokkinn hækka.
Fjárfestingar og
framkvæmdir
Áætlað er að fara í nýfram-
kvæmdir á árinu 2018 fyrir 572
m.kr. Skiptast þær þannig að
áætlað er að framkvæmt verði
hjá eignasjóði fyrir 514 m.kr,
hafnarsjóði fyrir 19,5 m.kr og
hjá veitum fyrir 38 m.kr.
Fjárfestingar og framkvæmdir:
Eignasjóður 514.100
Fráveita 3.000
Hafnarsjóður 19.500
Skagafjarðarveitur 35.000
Fjárfestingar og framkvæmdir
alls 571.600
Auk fyrrgreindra fjárfestinga
er gert er ráð fyrir að verja
rekstrarmegin um 79,6 m.kr í
viðhald eigna eignasjóðs.
Hægt er að nálgast fjárhagsáætlunina á vef
Skagafjarðar > www.skagafjordur.is
AÐSENT : Rúnar Kristjánsson skrifar
Edith Cavell - 12. okt. 2015
Ég hugsa um hetju eina
sem hugprúð vildi reyna
að verða lífi að liði
og líkna í þraut og vá.
Hún gekk að góðum verkum,
í gæskuanda sterkum,
á stríðsins stóra sviði,
því starfi ei gleyma má!
Sú kærleiksríka kona,
þar kveikti gleði vona
og efldi andann fríska
við allra sjúkrabeð.
Hún allt með göfgi gerði,
en galt það dýru verði,
því hörð var hefndin þýska
sem henni bana réð!
En síðast dæmd til dauða,
á degi hinstu nauða,
í orði góðu og gildu
hún gerði upp sitt mál.
Þar aðeins eitt hún sagði,
og í það hjartað lagði:
„Ég skilaði minni skyldu,
sem skylt er hverri sál!“
oooOooo
Rúnar Kristjánsson
Skagaströnd
Hver var Edith Louisa Cavell?
Edith Louisa Cavell (4. desember 1865 – 12. október 1915)
var bresk hjúkrunarkona. Hennar er minnst fyrir að bjarga
lífum hermanna beggja hliða í fyrri heimsstyrjöldinni og fyrir
að hjálpa 200 hermönnum bandamanna að sleppa frá Belgíu
sem þá var hernumin af Þjóðverjum. Fyrir þennan verknað
var hún handtekin og dæmd til dauða fyrir landráð af
herstjórn Þjóðverja. Þrátt fyrir alþjóðlegan þrýsting á
Þjóðverja til að þyrma Cavell var hún skotin til bana af þýskri
aftökusveit. Aftaka hennar var fordæmd víða um heim og
hafði afar neikvæð áhrif á ímynd Miðveldanna í frétta-
umfjöllun.
Cavell, sem var fjörutíu og níu ára þegar hún var skotin,
var þegar vel kunn í Belgíu sem frumkvöðull í nútíma-
hjúkrunarfræði. /PF
Edith Louisa Cavell. MYND AF NETINU
Helstu tölur
• Áætlun ársins 2018 gerir ráð fyrir að rekstrartekjur
Sveitarfélagsins Skagafjarðar nemi 5.189 m.kr.
hjá samstæðunni í heild, A- og B hluta, þar af eru
rekstrartekjur A- hluta áætlaðar 4.551 m.kr.
• Rekstrargjöld án fjármagnsliða eru áætluð 4.783
m.kr., þ.a. A hluti 4.334 m.kr.
• Rekstrarafgangur A og B hluta án afskrifta og
fjármagnsliða er áætlaður 608 m.kr, afskriftir
nema 202 m.kr. og fjármagnsgjöld umfram
fjármunatekjur nema 260 m.kr., rekstrarniðurstaða
samstæðunnar í heild A og B hluta er áætluð
jákvæð samtals með 146 m.kr. í rekstrarafgang.
• Rekstrarafgangur A hluta án afskrifta og fjár-
magnsliða er 330 m.kr, afskriftir nema 113 m.kr.,
fjármagnsgjöld umfram fjármunatekjur nema 201
m.kr. Rekstrarniðurstaða A hluta sveitarsjóðs er því
áætluð jákvæð um 16 m.kr.
• Eignir Sveitarfélagsins Skagafjarðar eru áætl-
aðar í árslok 2017, 8.737 m.kr., þ.a. eignir A hluta
7.241 m.kr. Skuldir og skuldbindingar eru áætlaðar
í árslok 6.516 m.kr., þ.a. hjá A hluta 6.115 m.kr.
• Eigið fé er áætlað 2.221 m.kr hjá samstæðunni og
eiginfjárhlutfall því 0,25.
• Eigið fé A hluta er áætlað 1.126 m.kr. og
eiginfjárhlutfall 0,15.
• Ný lántaka er áætluð 460 m.kr. hjá samstæðunni
í heild og að afborganir eldri lána og skuldbindinga
verði um 429 m.kr.
• Reiknaðar lífeyrisskuldbindingar eru 1.279 m.kr.
hjá samstæðu, þar af 1.162 m.kr. hjá A-hluta.
• Skuldahlutfall samstæðunnar er áætlað 125%
og skuldaviðmið 107%.
Áætlunin gerir ráð fyrir að veltufé frá rekstri A - hluta verði
249 m.kr., og veltufé frá rekstri samstæðunnar A og B hluta
verði samtals 482 m.kr. Þá er gert ráð fyrir því að handbært
fé í árslok verði 217 m.kr. hjá samstæðunni í heild.
04/2018 7