Feykir


Feykir - 24.01.2018, Blaðsíða 10

Feykir - 24.01.2018, Blaðsíða 10
Óli Björn Kárason. MYND ÚR EINKASAFNI AÐSENT : Halla Signý Kristjánsdóttir skrifar Þátttaka í samfélagi Nú í vor fara fram sveitarstjórnarkosningar og þá fer að hefjast umræða og mótun á nýrri bæjarstjórn í bryggjuskúrum og kaffi- stofum eða maður á mann niður í kaupfélagi. Í Norðvestur- kjördæmi eru 26 sveitarfélög með samtals 30.340 íbúa á síðustu haustmánuðum samkvæmt heim- ildum Hagstofu Íslands. Í kosn- ingum árið 2014 voru rúmlega 700 manns í framboði ef mið- að er við þann fjölda framboða sem voru í boði. Bara í Sveitarfélaginu Skaga- firði voru 72 í framboði enda voru fjögur framboð til sveitarstjórnarkosninga. Þetta er dágóður fjöldi og segir margt um áhuga fólks á sínu nærumhverfi. Í þessum 26 sveitarfél- ögum eru 166 sem starfa í sveitarstjórnum og jafn margir til vara og þá ótalið þau sem starfa í nefndum og ráðum fyrir sitt sveitarfélag. Miklu skiptir að fá gott fólk til starfa. Það þarf að hafa mikla þekkingu á breiðu sviði og mannlega hæfni til samstarfs og stjórnunar og miklu skipt- ir að hafa brennandi áhuga á samfélaginu. Enda þarf sveitar- stjórnarfólk að eyða miklum tíma í sveitarstjórnarmál sem yfirleitt er tekinn af tíma fjöl- skyldu og áhugamála viðkom- andi. Á næstu vikum verður farið að huga að framboðsmálum, þeir sem sitja nú þegar í sveitastjórn gera upp hug sinn til áframhaldandi setu og leita þarf að nýjum aðilum til að fylla í skarð þeirra sem hætta. Það skiptir miklu máli að sveitastjórnarfólk hafi góðan stuðning samborgara sinna og öflugt stuðnings- net, ekki bara í kringum kosn- ingar heldur kjörtímabilið út. Undanfarin ár hafa verið mikil skipti inni í sveitarstjórnum og fólk endist stutt. Kannski ekkert skrýtið, alltaf eru að aukast verkefni sveitastjórna og verkefnin um- fangsmikil. Skipulagsmál og velferðarmál og önnur við- kvæm mál geta tekið toll og tíma. Verkefni í nærumhverfi okkar kemur okkur við og eðliegt að ólíkar skoðanir séu um lausnir og leiðir. Gleymum samt ekki að hafa gagnrýni uppbyggilega og styðjandi og vegum ekki að persónum sveitarstjórnarfólks. Hér gildir eins og annars staðar að aðgát skal höfð í nærveru sálar. Öll viljum við öflugt sveitarfélag og gleymum ekki að þátttaka allra telur í lífi og starfi. Fulltrúar í sveitarstjórn geta endurspeglað þann mannauð sem býr í hverju samfélagi gegn góðum stuðn- ingi íbúa. Halla Signý Kristjánsdóttir 7. þingmaður NV kjördæmis. Þriðjungur Íslendinga fær krabbamein Krabbamein kemur öllum við Kraftur, stuðningsfélag fyrir ungt fólk sem greinst hefur með krabbamein og aðstand- endur, boðar til átaks dagana 17. janúar – 4. febrúar nk. Tilgangur átaksins er að vekja athygli á málefnum ungs fólks með krabbamein og aðstandenda og afla fjár til að halda úti víðtækri þjónustu félagsins. Með átakinu vill Kraftur benda á þá staðreynd hvað krabbamein snertir marga með einum eða öðrum hætti. Ár hvert greinast 70 einstakl- ingar á aldrinum 18-40 ára með krabbamein og þess má geta að þriðjungur Íslendinga fær krabbamein einhvern tím- ann á lífsleiðinni. /PF 10 04/2018 Hvernig nemandi varstu? Held ég hafi verið tiltölulega þægilegur nemandi fyrir kennara. Ekki sá besti en ekki sá versti. Hvað er eftirminnilegast frá fermingardeginum? Mér fannst merkilegt hversu margir komu í veisluna. Þá komst ég að því að sumir eru miklu skemmtilegri en aðrir. Hvað ætlaðir þú að verða þegar þú yrðir stór? Ég hafði löngun til þess að verða smiður enda var ég svo gæfusamur að vinna í nokkur sumur hjá snillingunum á Trésmiðjunni Borg. Síðar stefndi ég leynt og ljóst að því að gerast blaðamaður og sá draumur rættist. Hvert var uppáhalds leikfangið þitt þegar þú varst krakki? Ætli það hafi ekki verið kúrekabyssan sem Haraldur Júlíusson kaupmaður gaf mér þegar ég var fimm eða sex ára. Besti ilmurinn? Birki eftir góða rigningu. Hvað varstu að hlusta á þegar þú fékkst bílprófið? Queen og ELO voru mínar hljómsveitir en Johnny Cash skipaði og skipar sérstakan heiðurssess hjá mér ásamt Leonard Cohen. Hvaða lag er líklegast að þú takir í Kareókí? Hallelujah eftir Cohen eða kannski bara Nú er ég léttur, eftir okkar mann Geirmund. Hverju missirðu helst ekki af í sjónvarpinu? ManUnited leik. Besta bíómyndin? Citizen Kane. Orson Wells var snillingur og leikstýrði og lék aðalhlutverkið. Myndin er meistaraverk en höfðar auðvitað sérstaklega til mín þar sem fjallað er um fjölmiðla, stjórnmál, völd og spillingu. Hvaða íþróttamanni hefurðu mestar mætur á? Guðjóni Val, þó ekki sé ég sérstakur áhugamaður um handbolta. Svo kemst ég alltaf í gott skap þegar Ólafía Þórunn birtist á skjánum, - hógværð hennar og glaðlyndi er smitandi. Fáa erlenda íþróttamenn met ég hins vegar meira en Jesse Owens (1913-1980). Afrek hans eru söguleg enn, ekki aðeins út frá sjónarhorni íþrótta heldur ekki síður stjórnmála. Hann niðurlægði Hitler og alla hina ógeðfelldu og hættulegu hugmyndafræði nasista á Ólympíuleikunum í Berlín 1936. Hvað gerir þú betur en allir aðrir á þínu heimili? Smíða. Hvert er snilldarverkið þitt í eldhúsinu? Lambahryggur. Hættulegasta helgarnammið? Góu súkkulaðikúlur. Hvernig er eggið best? Harðsoðið. Hvað fer mest í taugarnar á þér í fari þínu? Ég á erfitt með að segja nei og þegar ég geri það, þá læðist samviskubitið að mér. Hvað fer mest í taugarnar á þér í fari annarra? Undirmál. Uppáhalds málsháttur eða til- vitnun? „Svona er lífið, tóm traffík,“ líkt og pabbi var vanur að segja. ( RABB-A-BABB ) oli@feykir.is NAFN: Óli Björn Kárason ÁRGANGUR: 1960 FJÖLSKYLDUHAGIR: Kvæntur Margréti Sveinsdóttur. Börn: Eva Björk, Kári Björn og Ása Dröfn. BÚSETA: Seltjarnarnes HVERRA MANNA ERTU OG HVAR UPP ALINN: Ég er oft kenndur við Bak- arísættina. Sonur Evu Snæbjarnardóttur, skólastjóra Tón- listarskólans og Kára Jónssonar, stöðvarstjóra Póst og síma. STARF / NÁM: Alþingismaður – hagfræðingur að mennt. HVAÐ ER Í DEIGLUNNI: Nú er ég að leggja drög að skrifum um leit tveggja ungra Króksara að betra lífi í Kanada fyrir um 65 árum. Afraksturinn birtist í Skagfirðingabók þegar þar að kemur. Svo er ég að vinna í tveimur handritum að bókum um hugmyndafræði og pólitík. Svo þarf ég ekki að kvarta yfir verkefnaleysi í kringum þingstörfin. Óli Björn Hver er elsta minningin sem þú átt? Ég á mörg minningarbrot sem sum eru örugglega ekki byggðá raunveruleikanum eða eru til staðar vegna þess að mér voru sagðar sögur. En skýrast er þegar Andri bróðir læsti mig úti á svölum á Lindargötunni þar sem við áttum heima í nokkur ár. Í reiði og hræðslukasti braut ég rúðuna með hnefanum. Ég ber þess merki enn í dag. Hvaða teiknimyndapersóna höfð- ar mest til þín? Ástríkur. Hvaða fræga manneskja mundir þú helst vilja vera? Frægð er ofmetin og ekki sérlega eftirsóknar- verð. Hver er uppáhalds bókin þín og/ eða rithöfundur (og af hverju)? Grát ástkæra fósturmold eftir Alan Paton hafði mikil áhrif á mig. Paton var harður baráttumaður gegn aðskilnaðarstefnunni í Suður- Afríku. En annars er Einar Kárason í mestum metum af núlifandi íslenskum rithöfundum. Orð eða frasi sem þú notar of mikið? „Over my dead body“. Hver var mikilvægasta persóna síðustu 100 ára að þínu mati? Winston Churchill. Ef þú gætir farið til baka í tím- ann, hvert færirðu? Það væri skynsamlegra að fá að fara inn í framtíðina og koma til baka með lærdóminn. Hver væri titillinn á ævisögu þinni? „Króksarinn sem vildi aftur heim“. En ævi mín verðskuldar ekki bókarskrif en kannski sest ég niður og skrifa um samferðamenn mína. Framlenging: Ef þú gætir hoppað upp í flugvél og réðir hvert hún færi, þá færirðu... til Ástralíu að heimsækja frændfólk mitt. Ef þú ættir að dvelja aleinn á eyði- eyju, hvaða þrjá hluti tækirðu með þér? Veiðistöng, eldspýtur og Biblíuna. Nefndu eitthvað þrennt sem þér finnst þú mega til að gera áður en þú gefur upp öndina: Fara á snjósleða þvert yfir Alaska, sjóstangaveiði í Karíbahafinu og dvelja á grískri eyju í sex mánuði og skrifa.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.