Feykir - 07.02.2018, Page 2
Alveg er það merkilegt hvað tíminn er afstætt fyrirbrigði.
Þegar ég lít til baka yfir þetta eina ár sem ég hef unnið á
Feyki finnst mér það vera eins og gerst hafi í gær að ég hóf
hér störf. Þann sama dag var ég
reyndar minnt illþyrmilega á
það hve tíminn líður hratt þegar
ég komst að því að elsti nem-
andinn minn úr grunnskóla var
orðinn 50 ára, og ég bara rétt
nýskriðin upp úr grunnskóla
sjálf!
Ég ætti auðvitað ekkert að vera að
tala um þetta, þá hugsa að
sjálfsögðu allir með sér að ég sé
bara orðin fjörgamalt skar. Ég
ætla því að leyfa mér að benda á það að ég var sjálf lítið eldri
en elstu nemendurnir þegar ég byrjaði að kenna og upplifði
reyndar oft að vera ruglað saman við nemendur mína. Það
var reyndar oft dálítið merkileg lífsreynsla, ef satt skal segja,
og margoft upplifði ég það, þegar ég var á ferðalögum með
elstu nemendunum, að framkoma fólks gagnvart mér, t.d.
starfsfólks á veitingastöðum og sjoppum sem heimsóttar
voru í ferðunum, snarbreyttist þegar ég kynnti mig sem
fararstjóra hópsins. Kuldalegt og fráhrindandi viðmót varð í
einni svipan hið elskulegasta við það eitt að ég breyttist úr
nemanda í kennara. Það er nákvæmlega ekkert sanngjarnt
við það og sýnir vel að unga fólkinu okkar er ekki alltaf sýnd
sú virðing sem það á skilið.
En ég ætlaði alls ekkert að fara að tala um þetta. Ég ætlaði
að skrifa um afstæði tímans. Ég sagði hér fyrr að síðasta ár
hefði liðið eins og hendi væri veifað. Það sama er ekki hægt
að segja um síðasta mánuð, ég held svei mér þá að hann hafi
verið eins langur og allt síðasta ár, allavega í vitund minni. Ég
veit ekki af hverju það stafar, kannski er það í eðli janúar-
mánaðar að virka lengri en aðrir, flestir hafa fengið nóg af
skammdeginu, jólin eru búin og langt til páska, þrátt fyrir að
þorrablótin stytti mönnum stundirnar. Og ekki hjálpar
veðurfarið til, endalaust garg og umhleypingar. En þá er nú
reyndar afskaplega gott fyrir mann að hugsa svona hundrað
ár aftur í tímann, ekki það að ég sé til frásagnar um það, og
þakka fyrir að þurfa ekki að fara milli Hofsóss og Sauðárkróks
á ís eins og austanvatnamenn þurftu að gera frostaveturinn
mikla og sagt er frá í Feyki í dag. Ekki þarf ég heldur að hafa
áhyggjur af því að húfan frjósi föst við höfuðið á mér eins og
húfa bóndans á Þrastarstöðum þar sem það er nú ekki einu
sinni það kalt að ég þurfi að setja upp húfu.
Og ansi er ég nú hrædd um að langt hefði verið gengið á
jafnaðargeðið hjá þeim sem þótti nóg um að vera 100 mínútur
úr Hafnarfirði í Hlíðarhverfi í morgunsárið eins og sagt var
frá á vísi.is í gær við að vera viku í ferðum frá Málmey á
Skagafirði og heim aftur. Já, ætli það sé yfirhöfuð nokkur
ástæða til að kvarta, ég tala nú ekki um þegar janúar er líka
yfirstaðinn.
Fríða Eyjólfsdóttir,
blaðamaður
LEIÐARI
Stutt ár með löngum janúar
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Alls bárust um 443 tonn að landi á Skagaströnd
í síðustu viku og munaði þar mest um tonnin
404 sem Arnar HU 1 færði til hafnar.
Á Sauðárkróki lönduðu eyjarnar tvær,
Málmey og Drangey, rúmum 222 tonnum en
Drangeyjan fór í sinn fyrsta prufutúr í vikunni. Á
Hofsósi var landað tæpum átta tonnum og
tæplega tveimur á Hvammstanga. Alls bárust því
674.858 kíló að landi á Norðurlandi vestra í
vikunni sem leið. /FE
Aflatölur á Norðurlandi vestra 28. janúar – 3. febrúar 2018
Arnar landaði 404 tonnum
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU 4 Dragnót 1.986
Alls á Hvammstanga 1.986
SKAGASTRÖND
Arnar HU 1 Botnvarpa 404.127
Auður HU 94 Landbeitt lína 4.124
Fengsæll HU 56 Landbeitt lína 1.163
Guðmundur á Hópi HU 203 Lína 19.387
Hafdís HU 85 Landbeitt lína 441
Onni HU 36 Dragnót 8.959
Ólafur MagnússonHU 54 Þorskfiskinet 558
Sæfari HU 212 Landbeitt lína 4.206
Alls á Skagaströnd 442.965
SAUÐÁRKRÓKUR
Drangey SK 2 Botnvarpa 26.548
Málmey SK 1 Botnvarpa 195.602
Alls á Sauðárkróki 222.150
HOFSÓS
Ásmundur SK 123 Landbeitt lína 1.718
Onni HU 36 Dragnót 6.039
Iðnaðarhúsið að Borgarflöt 17–19 risið
Framkvæmdir á þorra
Í síðustu viku var grind
hússins við Borgarflöt 17-19
á Sauðárkróki reist en þar
byggir félagið ÞERS Eignir
ehf, iðnaðar- og
geymsluhúsnæði. Húsið
skiptist í 12 bil sem eru
68fm hvert um sig með fimm
metra vegghæð. Eignir ehf,
er í eigu tveggja para,
Ragnars Helgasonar, Erlu
Hrundar Þórarinsdóttur,
Þrastar Magnússonar og
Sigríðar Kristínar
Björnsdóttur.
Að sögn Þrastar var mikill áhugi
fyrir þessu verkefni og fengu
þeir Ragnar ótal fyrirspurnir í
upphafi og því gekk vel að selja
þau bil sem í boði voru. Segir
hann greinilega vöntun eftir
svona húsnæði á Sauðárkróki.
Áætluð afhending til eigenda
verður um 15. apríl nk.
Er eitthvað við húsið eða
bygginguna sem er frábrugðið
öðrum húsum?
„Nei, það er ekki hægt að segja
það. Það er ekkert verið að finna
upp hjólið, en það eru auðvitað
ýmis útfærsluatriði og hönnun
sem við lögðum upp með, svona
praktísk atriði. En þetta er í raun
og veru bara iðnaðar- og
geymsluhúsnæði sem við
byggjum og getur svo hver og
einn aðlagað sitt bil að sínum
þörfum og rekstri,“ segir Þröstur
sem finnur fyrir miklum áhuga
á þessari framkvæmd.
„Það hafa margir gefið sig á
tal við okkur til að hrósa okkur
fyrir framkvæmdina og hvernig
er staðið að öllu. Verkefnið
byrjaði þannig að ég hef verið
síðustu ár að sinna smá
áhugamáli tengt prentun,
skiltum og merkingum. Þetta
áhugamál fór að stækka og varð
eftirspurnin mikil, þegar bíl-
skúrinn minn var orðinn allt of
lítill, eða of mikið af dóti í
honum, fór ég að velta fyrir mér
hvað ég gæti gert. Nokkuð ljóst
var að ekkert iðnaðarhúsnæði
var í boði, og þegar við fórum að
horfa í kringum okkur, þá kom í
ljós að mörg fyrirtæki og
einstaklingar voru í nákvæmlega
sömu stöðu og ég, semsagt
vantar iðnaðar- eða geymslu-
húsnæði undir starfssemi eða
áhugamál. Við ákváðum því að
taka þetta verkefni á okkur að
reisa slíkt hús, og koma þannig á
móts við þessa eftirspurn og
aðstoða þannig smærri fyrir-
tæki og einstaklinga að koma
sér upp aðstöðu,“ segir Þröstur
og bætir við að móttökurnar
hafi verið góðar hjá öllum sem
að verkefninu koma. „Við
höfum verið ótrúlega heppin
með alla aðila, við erum með
framúrskarandi iðnaðarmenn
og fagfólk hér á svæðinu sem
taka brosandi á móti okkur og
leggja sig alla fram við að gera
verkefnið að veruleika. /PF
Húsið risið og bíður þess að verða klætt að utan og þakið neglt á. MYNDIR: ÓAB
Nýja húsið baðað ljósum í morgunmyrkri janúarmánaðar.
2 06/2018