Feykir - 07.02.2018, Síða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
06
TBL
7. febrúar 2018 38. árgangur
Frétta- og dægurmálablað á Norðurlandi vestra : Stofnað 1981
Ásdís Aþena og
Hrafnhildur Ísabella
sungu til sigurs
Söngvarakeppni Grunnskóla Húnaþings
Árleg söngvarakeppni Grunnskóla Húnaþings
vestra fór fram í Félagsheimilinu á Hvammstanga
fimmtudaginn 25. janúar. Að þessu sinni tóku 20
nemendur þátt í keppninni en keppt var í tveimur
flokkum, yngri flokki þar sem þátttakendur voru
17 talsins úr 4.–7. bekk og í eldri flokki en þar háðu
þrír nemendur úr 8.–10. bekk keppni.
Í yngri flokki sigraði Hrafnhildur Ísabella Harðar-
dóttir en hún flutti lagið Perfect. Í öðru sæti var Dag-
björt Jóna Tryggvadóttir og Axel Noi Thorlacius í
þriðja sæti.
Í eldri flokki voru aðeins veitt verðlaun fyrir fyrsta
sætið og var það Ásdís Aþena Magnúsdóttir sem hlaut
þau fyrir flutning sinn á laginu Titanium.
Sérstök verðlaun voru veitt fyrir sviðsframkomu og
komu þau í hlut Dagbjartar Jónu Tryggvadóttur.
Dómarar voru Eyþór Ágústsson, Greta Clough og
Sveinbjörg Rut Pétursdóttir. /FE
Stólarnir fengu hluta lógósöfnunar
Körfuknattleiksdeild Tindastóls
Fyrir stuttu birti Feykir kveðjur til
bikarmeistara Tindastóls í
körfubolta frá fyrirtækjum og
stofnunum á Norðurlandi vestra.
Vel gekk að safna kveðjunum og í
tilefni af því ákvað Nýprent, sem
gefur blaðið út, að láta hluta
andvirðisins renna til deildarinnar.
Einnig fékk plaggat af
bikarmeisturunum, með myndum
Hjalta Árna, að fljóta með ásamt
upplýsingum um gengi liðsins í
keppninni.
Það var Sigríður Garðarsdóttir,
starfsmaður Nýprents, sem afhenti
stjórn körfuknattleiksdeildar kr.
200.000,- ásamt plaggatinu góða.
Þeir Stefán Jónsson, Björn Hansen
og Ingólfur Jón Geirsson voru
Kampakátir stjórnarmenn körfuboltadeildar Tindastóls, Stefán Jónsson, Björn Hansen og
Ingólfur Jón Geirsson ásamt Sigríði Garðarsdóttur. MYND: PF
ánægðir með höfðinglega gjöf
Nýprents sem þeir sögðu að kæmi
sér vel í rekstri deildarinnar.
Plaggatið var síðan hengt upp við
vesturinngang íþróttahússins þar
sem hægt er að skoða það í hvert
sinn er fólk mætir á heimaleiki í
Síkið.. /PF
www.skagafjordur.is
SVEITARFÉLAGIÐ SKAGAFJÖRÐUR
Auglýsing um
skipulagsmál
Vinnslutillaga að breytingum á Aðalskipulagi Skagafjarðar 2009-2021.
Breytingar A-F.
Blöndulína 3, Sauðárkrókslína, virkjanakostir, urðunarsvæði, tengivirki
og efnistökusvæði.
Sveitarstjórn Skagafjarðar samþykkti þann 23. janúar 2018 að kynna drög að breytingum á
Aðalskipulagi Skagafjarðar 2009-2021. Í vinnslutillögu felst (A) kynning á valkostum fyrir legu
Blöndulínu 3 (raflína), (B) færsla á legu Sauðárkrókslínu, (C) áframhaldandi frestun á skipulagi
fyrir virkjanakosti í Skagafirði, (D) urðunarsvæði við Brimnes er fellt út, (E) nýtt tengivirki og lega
jarðstrengs á Sauðárkróki og (F) ný efnistökusvæði vegna framkvæmda.
Í vinnslutillögu er gerð grein fyrir forsendum breytinga, útfærslu og umhverfisáhrifum skv. lögum
nr. 105/2006. Skipulagsgögnin verða aðgengileg á heimasíðu sveitarfélagsins, skagafjordur.is, og
á bæjarskrifstofum, Skagfirðingabraut 21 550 Sauðárkróki.
Athugasemdafrestur við vinnslutillöguna er til og með 9. mars 2018.
Ábendingum og athugasemdum við drögin má koma á framfæri til skipulags- og byggingarfulltrúa
á netfangið jobygg@skagafjordur.is.
Haldinn verður opinn kynningarfundur um vinnslutillöguna
og verður hann auglýstur síðar.
Vinnslutillaga að deiliskipulagi
tengivirkis í Varmahlíð
Í vinnslutillögunni felst afmörkun lóðarmarka og afmörkun byggingarreits. Samkvæmt vinnslu-
tillögu er heimilt að byggja nýtt tengivirki innan byggingarreits ásamt möstrum og girðingu.
Vinnslutillagan verður aðgengileg á heimasíðu sveitarfélagsins, skagafjordur.is, og á bæjarskrif-
stofum, Skagfirðingabraut 21, 550 Sauðárkróki.
Athugasemdafrestur við vinnslutillöguna er til og með 23. febrúar 2018.
Skipulagsfulltrúi verður til svars um tillöguna 8. febrúar kl. 15-16 á bæjarskrifstofum. Ábendingum
og athuga-semdum við drögin má koma á framfæri til skipulags- og byggingarfulltrúa á netfangið
jobygg@skagafjordur.is.
Skipulags- og byggingarfulltrúi Skagafjarðar
Sigurvegari yngri flokks, Hrafnhildur Ísabella, fyrir miðju. Dagbjört
Jóna (t.v.) varð í öðru sæti og Axel Noi (t.h.) í því þriðja.
MYNDIR: RAGNHEIÐUR SVEINSDÓTTIR
Keppendur í eldri flokki, frá vinstri Sigurbjörg Emily Sigurðardóttir,
Ásdís Aþena Sigurðardóttir sem hlaut í sigurlaun bikar til eignar
ásamt farandbikar og Guðmundur Grétar Magnússon.
Dagbjört Jóna Tryggvadóttir fékk sérstök verðlaun fyrir sviðsframkomu.