Feykir - 21.02.2018, Blaðsíða 2
Þá er þorrinn liðinn og landinn búinn að þreyja hann,
sumir væntanlega orðnir útkeyrðir af svefnlausum
helgum þar sem menn tóku á honum stóra sínum og
blótuðu þorrann með atgangi
miklum, bæði í neyslu matar og
drykkjar.
Vonandi koma flestir vel undan
slíkum skemmtunum þó viðbúið
sé að einhverjir hafi sleppt fram
af sé beislinu en það er nú
eitthvað sem verður gleymt á
næsta þorrablóti, ja allavega af
öllum nema þá kannski þorra-
blótsskemmtinefndinni sem
skráir allar hrakfarasögur ársins
samviskusamlega bak við bæði eyru. Já, það er nú ekki
öfundsvert, blessað fólkið sem lendir í slíkum nefndum að
þurfa að þefa uppi allt sem gerist og gerist ekki í heilu
sveitarfélögunum og gera því svo skil þannig að sem fæstir
móðgist. Því það er auðvelt að móðgast á þorrablóti, til
dæmis er afar líklegt að sannleikanum um fólk sé hagrætt
illilega og þá er nú komin góð ástæða, nú eða þá það sem
verra er, ef það gleymist bara algjörlega að gera grín að
manni þannig að maður líti ekki út fyrir að teljast maður
með mönnum.
Á þorranum tekur svo fólk til við að eta mat sem alla
jafna sést lítið á borðum landsmanna. Þar eru gömlu
verkunaraðferðirnar hafðar í heiðri og ýmsar súrar krásir
bornar á borð. Það verður annars að teljast nokkuð
merkilegt að þorramaturinn skuli njóta slíkra vinsælda sem
hann gerir enn í dag, þrátt fyrir að verkunaraðferðir fyrri
tíma hafi að sjálfsögðu mótast af því að eina leiðin til að
geyma matvæli var að súrsa þau og salta. En hefðin er sterk
og kannski má líka tala um ákveðna tísku þegar kemur að
því að fá sér þorramat á disk. Meira að segja virðist hafa
skapast þörf fyrir veganþorramat, hvernig í ósköpunum
sem hægt er að telja sér trú um að slíkt sé til.
En ef við skoðum þennan gamla mat aðeins þá er hann í
rauninni algjör snilld. Því þó sumir vilji kalla hann
skemmdan, jafnvel rotinn og ónýtan, þá er langt frá því að
svo sé. Forfeður okkar hafa alveg ótvírætt verið miklir
matarfrumkvöðlar og væru þeir uppi nú á dögum hlytu
þeir sem fundu upp súrsunaraðferðina alveg örugglega
nýsköpunarverðlaun. Að hugsa sér, eftir ellefuhundruð ára
búsetu í landinu erum við líklega að borða samskonar mat
og forfeður okkar sigldu með yfir hafið frá Noregi. Geri
aðrir uppskriftahöfundar betur.
Mér er að minnsta kosti til efs að eftir önnur ellefu-
hundruð ár verði Sous vide matur á borðum landans.
Fríða Eyjólfsdóttir
blaðamaður
LEIÐARI
Að afloknum þorra
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Enn er lítið um að vera og fáar landanir í
höfnunum á svæðinu. Heildarafli síðustu viku
á Norðurlandi vestra voru 291.597 kíló sem
skiptust þannig á hafnir.
Á Sauðárkróki var landað rúmum 284
tonnum, á Skagaströnd sex tonnum og á
Hvammstanga rúmu einu tonni. Engu var landað
á Hofsósi. /FE
Aflatölur á Norðurlandi vestra 11. – 17. febrúar 2018
Fáir á sjó í síðustu viku
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Auður HU 94 Landbeitt lína 1.614
Sæfari HU 212 Landbeitt lína 4.402
Alls á Skagaströnd 6.016
SAUÐÁRKRÓKUR
Drangey SK 2 Botnvarpa 113.769
Gammur SK 12 Rauðmaganet 188
Málmey SK 1 Botnvarpa 170.273
Alls á Sauðárkróki 284.230
HVAMMSTANGI
Harpa HU 4 Dragnót 1.351
Alls á Hvammstanga 1.351
Deiliskipulagstillaga fyrir
hafnarsvæðið auglýst að nýju
Hvammstangi
Á fundi sveitarstjórnar Húnaþings vestra þann
8. febrúar sl. var samþykkt að endurauglýsa
tillögu að deiliskipulagi fyrir hafnarsvæðið á
Hvammstanga en hún var áður auglýst frá 2.
maí til 14. júlí á síðasta ári.
Vegna athugasemda sem komu fram var sú
ákvörðun tekin að auglýsa tillöguna að nýju,
breytta og endurbætta, að undangengnum
íbúafundi sem haldinn var í Félagsheimilinu
Hvammstanga þann 15. janúar 2018.
Helstu breytingar frá fyrri tillögu eru þær að
lóðir við Tanga voru felldar út, rökstuðningi fyrir
vali á íbúðarlóð bætt inn, breytingar gerðar á
lóðarmörkum og ný rútustæði ásamt endurbættri
fornleifaskráningu. Deiliskipulagssvæðið liggur
vestan Strandgötu, Brekkugötu og Höfðabrautar
og er samtals um 11 ha að stærð.
Deiliskipulagstillagan ásamt greinargerð og
fornleifaskýrslu verður til sýnis í ráðhúsi Húna-
þings vestra til og með 27. mars 2018 og á heima-
síðu sveitarfélagsins, www.hunathing.is. /FE
Atriði frá Tónadansi
fékk viðurkenningu
Uppskeruhátíð tónlistarskólanna
Fyrir hönd Tónadans fór eitt
atriði en það voru þær stöllur
Ragnhildur Sigurlaug Guttorms-
dóttir, Bryndís Guðmundsdóttir,
Áróra Ingibjörg Birgisdóttir og
Auður Ásta Þorsteinsdóttir.
Spiluðu þær á klukkuspil og
fiðlur íslensku þjóðlögin Ljósið
kemur langt og mjótt og Móðir
mín í kví kví í útsetningu
Hildigunnar Rúnarsdóttur,
Kristínar Höllu og sinni eigin en
þær voru duglegar að koma að
gerð verksins. Þar sem veður-
guðirnir voru okkur ekki hlið-
hollir komumst við bara í
Varmahlíð þar sem heiðin var
lokuð. Alls fóru frá Skagafirði
sex atriði, eitt frá Tónadansi eins
og áður sagði og fimm frá
Tónlistarskóla Skagafjarðar. Í
Varmahlíð tóku Tónlistar-
skólinn og Tónadans saman
höndum og voru atriði þeirra
tekin upp og send til Akureyrar.
Svo endaði Tónadans í íspartý í
KS Varmahlíð.
Eftir verðlaunaafhendingu í
Hofi kom í ljós að af öllum þeim
atriðum sem tóku þátt (29
atriði) enduðu stúlkurnar frá
Tónadansi í hópi þeirra 10 sem
fengu viðurkenningu fyrir
flutning sinn! Þær fengu
verðlaun í opnum flokki fyrir
frumlegt atriði. Það skilaði
fallegum verðlaunagrip í Skaga-
fjörð. Ekkert atriði frá Skaga-
firði komst þó suður á
lokahátíðina í þetta sinn en
frábær atriði engu að síður frá
báðum skólunum og vel flutt.
Til hamingju öll sem eitt unga
tónlistarfólk.
Vill Tónadans þakka Sveini
og Mikka og fleirum hjá
Tónlistarskólanum fyrir góða
samvinnu og Hönnu Dóru í
Varmahlíðarskóla einnig. Við
vorum samtaka um að gera sem
best úr deginum og getum verið
stolt af því unga tónlistarfólki
sem við eigum! /FE
Nótan, uppskeruhátíð tónlistarskólanna, var haldin hátíðleg
þann 9. febrúar sl. með svæðistónleikum fyrir Norður- og
Austurland sem haldnir voru í Hofi á Akureyri. Alls tóku sex
atriði úr Skagafirði þátt í hátíðinni, eitt frá Tónadansi og fimm
frá Tónlistarskóla Skagafjarðar. Ekki gekk þátttakan
áfallalaust fyrir sig eins og sjá má í eftirfarandi frétt sem
Kristín Halla Bergsdóttir hjá Tónadansi sendi okkur:
Stúlkurnar frá Tónadansi, alsælar með verðlaunagripinn.
MYND: KRISTÍN HALLA BERGSDÓTTIR
2 08/2018