Feykir - 21.02.2018, Blaðsíða 8
diskinum sínum, annað var
ekki boðlegt í þá tíð.
Hver skeið var mér alger
pína og komst ég í
gegnum þetta með miklum
herkjum. Þetta varð mér
góð áminning um að láta
græðgina ekki hlaupa með
mig í gönur.
- - - - - - -
Vala Rós skorar á
frænku sína Guðrúnu
Þórbjarnardóttur að koma
með pistil.
Ég er fædd og uppalin á
Skagaströnd 1966, þar
var gott að alast upp,
endalaus ævintýri í fjörunni
á höfðanum og engar
dauðar stundir hjá okkur
krökkunum.
Á mínu heimili var enginn
lúxus, bara venjulegt
heimili þar sem pabbi vann
sem smiður og kom heim
í hádeginu í mat og lagði
sig svo í nokkra stund.
Mamma vann það sem til
féll hverju sinni.
Í þá tíð var sælgæti, gos,
ávextir og þess háttar
ekki til nema um jólin,
morgunkorn, Cheerios,
Cocoa Puffs var bara ekki
til og í þau fáu skipti sem
ég komst í þess háttar var
það alger dásemd.
Ég er ein af sex systkinum
og elsti bróðir minn var
fluttur að heiman þegar
ég fæddist. Sumarið sem
ég varð tólf ára fór ég inn
á Blönduós til að passa
börnin hans þrjú. Mjög
skemmtilegur tími enda ég
alltaf verið mikið fyrir börn
og auk þess fékk ég frjálsar
hendur til að baka og
stússa á heimilinu þar sem
þau hjónin unnu bæði úti.
Kona bróður míns á
ættir að rekja á Steiná í
Svartárdal, og fórum við
þangað annað slagið. Í
þetta skipti gistum við og
mikill spenningur fyrir degi í
sveitinni þó ég væri nú ekki
mikil sveitakona í mér. Við
áttum að vísu kött sem hét
Gústi en okkur Gústa kom
ekki vel saman.
Ég vakna um morguninn
spennt að byrja daginn, fer
inn í eldhús og viti menn,
þar stendur Cheerios pakki
á borðum. Ég fékk vatn í
munninn og fyllti skálina
mína vel, einhverra hluta
vegna var mjólkin í könnu
en þannig var það ekki á
mínu heimili. Ég tók fyrstu
skeiðina alveg grunlaus,
auðvitað var mjólkin beint
af spenanum, volg og
engu lík því sem ég átti að
venjast.
Þarna fór græðgin með
mig, en eins og okkur
systkinum var uppálagt
þá kláraði maður alltaf af
ÁSKORENDAPENNINN
Vala Rós Ingvarsdóttir brottfluttur Skagstrendingur
Mjólk er góð!
UMSJÓN
palli@feykir.is
Vala Rós lærði snemma góða lexíu í sveitinni. MYND ÚR EINKASAFNI
101 fór of hratt
Lögreglan á
Norðurlandi vestra
Hjá lögreglunni á Norður-
landi vestra var mikið að
gera í umferðareftirliti um
helgina enda veður gott og
margt fólk á ferðinni í
vetrarfríi skóla. Aksturs-
skilyrði víðast hvar góð
enda vegir víðast orðnir
auðir í umdæminu.
Á Facebooksíðu Lög-
reglunnar á Norðurlandi
vestra kemur fram að um
liðna helgi var 101
ökumaður kærður fyrir of
hraðan akstur en sá sem
hraðast ók mældist á 151
km hraða á klukkustund í
Blönduhlíð í Skagafirði, þar
sem hámarkshraði er 90 km
á klukkustund. Alls hafa
verið kærð, það sem af er
þessu ári, 466 umferðalaga-
brot í umdæminu, þar af
392 mál vegna hraðaksturs.
Fram kemur á síðunni
að framundan sé öflugt
umferðareftirlit. /PF
Farðu út að Fiskihlein,
fullt er þar af draugum.
Sestu þar á Stórastein,
sterkur vertu á taugum.
Þó að kastist kringum þig
kynngimögnuð spenna,
og hún margföld minni á sig,
máttu ekki renna.
Þrekraun er að þola við
þar á steini köldum,
meðan ógn á alla hlið
ýtir burtu tjöldum.
Meinsemdir um myrkrasvið
magni fylltar sveima.
Þar sem ekkert er um frið
eiga djöflar heima.
Herja á þig á hættustað
hrollvekjandi sýnir.
Ef þér tekst að þola það,
þreki seint þú týnir.
Eftir reynslu ramma stund,
raunir ystu slóða,
engan verri vofufund
veröld mun þér bjóða!
Rúnar Kristjánsson
Eldskírn
Fyrsta mót Húnvetnsku liðakeppninnar
fór fram sl. sunnudag í reiðhöllinni á
Hvammstanga. Keppt var í fyrsta skipti
í TREC en það er vinsælt keppnisform
meðal frístundahestamanna víða um
heim en um er að ræða þrautakeppni
sem kallar fram það besta í góðum
reiðhesti.
Á heimasíðu hestamannafélagsins Þyts
segir að fjölhæfni og geðslag íslenska
hestsins séu talin vel til þess fallin að
nota í TREC. Hesturinn þurfi að vera
vel taminn, kjarkaður og hlýðinn til að
farnast vel í greininni en reglur Þyts má
sjá á heimasíðu félagsins http://www.
thytur.123.is.
Mótin verða alls fjögur í vetur og að
auki sameiginlegt lokamót með Skag-
firðingum og Eyfirðingum sem haldið
verður þann 14. apríl næstkomandi.
Annað mótið verður haldið laugar-
daginn 10. mars og þá verður keppt í
fjórgangi V3 í 1., 2. og unglingaflokki, V5
í barnaflokki og 3. flokki.
Þriðja mótið verður haldið sunnudaginn
25. mars og þá verður keppt í fimmgangi
F2 í 1., 2., og unglingaflokki. Tölti T2,
opið öllum flokkum. Börn og 3. flokkur
keppa i þrígangi.
Fjórða mótið verður svo haldið laugar-
daginn 7. apríl og þá verður keppt í tölti
T3 í 1., 2. og unglingaflokki og T7 í barna
og 3. flokki.
Húnvetnska liðakeppnin
Fyrsta mótið með TREC fyrirkomulagi
Í barnaflokki sigraði Dagbjört Jóna Tryggvadóttir
og Dropi frá Hvoli og Indriði Rökkvi Ragnarsson
varð í 2. sæti. MYNDIR: ÞYTUR
Keppt verður í kvenna og karlaliðum.
Eftirfarandi úrslit urðu í öllum flokkum
eftir keppni helgarinnar:
Barnaflokkur:
1. sæti Dagbjört Jóna Tryggvadóttir og
Dropi frá Hvoli 91 stig
2. sæti Indriði Rökkvi Ragnarsson og
Ígull frá Grafarkoti 59 stig
Unglingaflokkur:
1. sæti Rakel Gígja Ragnarsdóttir og
Ronja frá Lindarbergi 84 stig
2. sæti Margrét Jóna Þrastardóttir og
Melodý frá Framnesi 68 stig
3. sæti Bryndís Kristinsdóttir og Kjarval
frá Hjaltastaðahvammi 62 stig
4. sæti Eysteinn Kristinsson og Glóð frá
Þórukoti 40 stig
3. flokkur:
1. sæti Eva-Lena Lohi og Kolla 103 stig
2. sæti Sigrún Eva Þórisdóttir og Skutla
frá Hvoli 80 stig
3. sæti Jóhannes Ingi Björnsson og
Baltasar frá Litla-Ósi 64 stig
2. flokkur:
1.sæti Stine Kragh og Prins frá
Þorkelshóli 121 stig
2. sæti Pálmi Geir Ríkharðsson og Laufi
frá Syðri-Völlum 82 stig
1. flokkur:
1. sæti Fanney Dögg Indriðadóttir og Ísó
frá Grafarkoti 106 stig
2. sæti Elvar Logi Friðriksson og Gutti frá
Grafarkoti 39 stig
/PF
Sigurvegari 1. Flokks, Fanney Dögg Indriðadóttir,
fékk gjafabréf frá Regulator Complete Ís. Í 2. sæti
lenti Elvar Logi Friðriksson.
8 08/2018