Feykir - 14.03.2018, Blaðsíða 4
4 11/2018
Óska eftir
að kaupa land undir léttan
iðnað og íbúðarhús.
U.þ.b. 1/4 - 1 hektara að minnsta kosti.
Aðgengi að 3ja fasa rafmagni, vatni
og helst hitaveitu er skilyrði.
Uppl. í síma 452-2679 og 680-6361
Starf landpósta
Óskað er eftir
umsóknum/tilboðum
í starf landpósta
frá Sauðarkróki
Íslandspóstur óskar eftir ráða landpósta
sem aka og dreifa pósti frá Sauðarkróki,
um er að ræða verktakastarf. Ekið er
annan hvern dag eftir áætlun, en reikna
má með aukaferðum í desember.
Um tvær leiðir er að ræða, önnur leiðin er með
305 km en hin 290 km.
Gerður verður verktakasamningur um verkið.
Starfið gæti hentað aðila í öðrum rekstri t.d.
búskap eða öðru slíku. Viðkomandi þarf
að útvega hentuga bifreið til verksins. Krafa
er að umsækjandi sé jákvæður og hafi ríka
þjónustulund.
Nánari upplýsingar um starfið gefur Hannes
Guðmundsson í síma 580 1264 og Valborg
Gunnarsdóttir stöðvarstjóri á Sauðarkróki í síma
517 6046.
Fyrirspurnir/umsóknir skulu sendar til Íslands-
pósts í tölvupósti á netfangið hannesg@
postur.is sem fyrst. Í umsókn skal koma fram
upplýsingar um umsækjanda, strafsreynsla,
meðmæli bifreiðakost og óskir umsækjanda
um greiðslu á ferð (kr/km).
Réttur er áskilinn til að taka hvaða tilboði sem er
eða hafna öllum.
Í tengslum við aðalfund
Rauða krossins í Skagafirði í
síðustu viku var Pétri Erni
Jóhannssyni veitt sérstök
viðurkenning frá Rauða
krossinum vegna
skyndihjálparafreks hans á
síðasta hausti þegar hann
veitti vinnufélaga sínum,
Richard Zarikov, fyrstu hjálp
þegar hann fór í hjartastopp.
Pétur segir Richard hafa verið í
vinnu hjá honum á Áka
bifreiðaþjónustu. Richard var
kominn til vinnu á undan Pétri
þennan morgun en örstuttu
eftir að Pétur mætti fékk
Richard krampakast sem varði í
stutta stund og hneig svo niður,
meðvitundarlaus. „Ég byrjaði á
að taka púls en hann varð strax
náfölur og fór svo að blána.
Þegar ég fann engan púls fór ég
að hnoða og hringdi svo á
neyðarlínuna. Þeir voru mjög
snöggir á staðinn, ég held þeir
hafi verið innan við fimm
mínútur. Ég hélt bara áfram þar
til þeir komu og tóku við en það
tók þó nokkra stund að ná
honum í gang aftur,“ segir Pétur.
Aðspurður um hvernig til-
finning það sé að lenda í svona
aðstæðum segir Pétur að þetta
sé náttúrulega mjög sérstakt.
„Ég gerði mér fljótt grein fyrir
því að það væri ekki allt eðlilegt
svo ég ákvað að reyna að halda
ró minni og byraði að hnoða
áður en ég hringdi eftir hjálp.
Ég var rólegur allan tímann en
eftir að sjúkraliðið var farið þá
kláraði ég einn bíl en svo hafði
ég ekki orku í meira og fór
heim. Þá var klukkan orðin
svona hálf ellefu.“
Hvetur alla til að
læra skyndihjálp
Atvikið varð á föstudags-
morgni og á laugardagskvöld
fékk Pétur fréttir af því að
Richard væri kominn til
meðvitundar. „Það létti nú
mikið á að vita að hann væri
vaknaður þannig að ég keyrði
strax suður á sunnudagsmorg-
un til þess að kíkja á hann á
sjúkrahúsinu.“
Richard er ungur maður,
ekki nema 21 árs, og óvenjulegt
er að svo ungt fólk fari í hjarta-
stopp. Pétur segir að engin
ástæða hafi fundist fyrir því að
þetta gerðist, þrátt fyrir miklar
rannsóknir. Richard er nú kom-
inn með gangráð og heilsast vel.
Pétur tók skyndihjálpar-
námskeið þegar hann var við
nám í Fjölbrautaskólanum.
„Það er orðið langt síðan,“ segir
Pétur, „en kom engu að síður að
góðum notum. Persónulega
hvet ég sem flesta til að fara á
skyndihjálparnámskeið og rifja
það upp reglulega. Eftir þetta
atvik hef ég talað um það við
marga, að þetta sé eitthvað sem
fólk þarf að gera, þó svo að mér
hafi ekki þótt það áður.“
Rauði krossinn í Skagafirði
stendur reglulega fyrir nám-
skeiðum í skyndihjálp. Guðný
Zoëga, formaður, segir Rauða
krossinn í Skagafirði búa svo
vel að hafa fjóra skyndihjálpar-
kennara í héraðinu og bara á
síðasta ári hafi 490 manns
komið á 44 námskeið sem
haldin voru. Þá hefur Rauði
krossinn í Skagafirði gefið
grunnskólunum námskeið fyrir
10. bekk. Við lítum svo á að það
sé samfélagsleg skylda okkar að
koma þessu á framfæri og
leggjum mjög mikla áherslu á
það,“ segir Guðný. /FE
Veitt viðurkenning
fyrir skyndihjálparafrek
Pétur Örn Jóhannsson bjargaði vinnufélaga sínum
Karl Lúðvíksson, Halla Þóra Másdóttir og Guðný Zoëga hjá Rauða krossinum í Skagafirði veittu Pétri Erni viðurkenningu fyrir skyndi-
hjálparafrek sitt. Auk viðurkenningarskjals fékk hann gjafabréf á skyndihjálparnámskeið og skyndihjálpartösku. MYND: FE
Lögreglan á Norðurlandi vestra hafði í nógu
að snúast um liðna helgi en alls voru 117
ökumenn kærðir fyrir of hraðan akstur í
umdæmi hennar og einn aðili var handtekinn
vegna gruns um akstur bifreiðar undir áhrifum
fíkniefna. Þá sinnti lögreglan útkalli vegna
umferðarslyss og maður var handtekinn eftir
að hafa brotið rúðu á dvalarheimili aldraðra á
Sauðárkróki.
Umferðarslys varð sl. sunnudag á Siglu-
fjarðarvegi við Mýrarkot en þar valt bifreið með
þeim afleiðingum að stúlka slasaðist á öxl og var
hún flutt á sjúkrahúsið til aðhlynningar. Að sögn
lögreglu var stúlkan ekki með öryggisbelti spennt
þar sem hún hafði verið að klæða sig úr úlpu og
spennti frá sér beltinu á meðan.
Aðfaranótt laugardagsins var lögregla kölluð
að dvalarheimili aldraðra á Sauðárkróki en þar
hafði maður í annarlegu ástandi brotið rúðu í
hurð og komist inn í húsið. Var maðurinn hand-
tekinn og vistaður í fangaklefa. /PF
Braut rúðu á dvalarheimili aldraðra
Sauðárkrókur