Feykir - 14.03.2018, Blaðsíða 14
14 11/2018
Séra Guðni Þór Ólafsson
er sóknarprestur á
Melstað í Miðfirði en auk
Melstaðar heyra fjórar
aðrar sóknir undir
prestakallið. Á þessu vori
fermir Guðni tíu börn í
fjórum athöfnum. Hann
segist sannfærður um að
undantekningalítið séu
börnin mjög jákvæð
gagnvart kristinni trú og
fermingin skipti þau
miklu máli.
Guðni hefur verið prestur á
Melstað með hléum frá árinu
1982. Hann er uppalinn á
Suðurlandinu en leiðin lá í
Miðfjörðinn eftir prestnám
þegar Melstaðarprestakall,
ásamt tveimur öðrum, var
auglýst laust til umsóknar og
hann og félagar hans tveir sóttu
hver um sitt brauð og fengu
þau.
En hvað skyldi hafa ráðið
starfsvali Guðna?
„Þetta var það sem ég var búinn
að ganga með í maganum frá
því ég var í menntaskóla og
kannski lengur. Svo þegar kom
að því að fara í háskólann þá
hitti þetta mig bara í hjartað og
ég fór í námið með það í huga
að gerast prestur ef ég skyldi
duga til þess. Það var bara
svona persónuleg upplifun að
þetta starf væri þess virði að
helga sig því.“
Að Guðna sögn skipuðu
trúarbrögð ekki áberandi sess í
uppeldi hans utan kirkjuferðir
og kvöldbænir eins og tíðkaðist
víðast hvar. Hann segist þó hafa
tekið sér það fyrir hendur,
veturinn eftir fermingu, að lesa
alla Biblíuna og man ekki betur
en hann hafi komist yfir að lesa
hana alla enda hafi honum þótt
efnið áhugavert og það hafi
höfðað til hans.
Guðni segir fermingardaginn
vera minnisstæðan dag þó
hann hafi kannski ekki verið
margbrotinn. Hann fermdist
árið 1965 og á þeim tíma voru
fermingarveislur haldnar í
heimahúsum og ekki stórar.
„Það kom móður- og föður-
fjölskyldan, ég hugsa að það
hafi verið svona 20 manns, og
ég man enn eftir fermingar-
gjöfunum og fólkinu sem kom
og smávegis úr athöfninni
sjálfri. Presturinn, sr. Stefán
Lárusson frá Miklabæ í Blöndu-
hlíð, lagði út af þessu klassíska,
„Legg þú á djúpið“, sem var
eftirminnilegt.“
Hefur fermingarfræðslan tekið
miklum breytingum frá því þú
fermdist?
„Já, hún var ekki mikil og ekki
flókin þegar ég fermdist. Við
lærðum sálmana mest í skól-
anum og ritningarvers og svo
mættum við svona 3-4 sinnum
í kirkjuna til að fara í gegnum
bókina. Þetta var frekar þurr
bók sem við áttum að styðjast
við og ég held við höfum verið
fyrsti fermingarárgangur sr.
Stefáns. Svo hittist svo
skemmtilega á að 35 árum síðar
var ég að þjóna í Kópavogskirkju
og þá bjó hann í sókninni sem
prestur á eftirlaunum og tók
stundum þátt í athöfnum þar til
að létta undir. Það var mjög
gaman.“
Á þessum tíma voru börnin
látin læra 5-10 sálma og auk
þess ritningarvers og bænir.
Guðni segist sjálfur hafa sett
börnunum fyrir að læra marga
sálma og ritningarvers fyrstu
árin sín sem prestur en það hafi
dregið úr því í seinni tíð. „Þetta
eru tveir sálmar sem við höfum
haldið í. Og í raun hefur ferm-
ingarfræðslan breyst svo mikið
frá því að vera lærdómur í það
að vera upplifun. Við reynum
að láta börnin upplifa hvernig
kristið samfélag er og hvað það
leggur áherslu á. Það er hægt að
hafa þetta skemmtilegt í stað
þess að lærdómurinn verður
staglkenndur og svo eiga mörg
börn erfitt með utanbókar-
lærdóm og hafa litla þjálfun í
honum. Hér áður lyfti skólinn
undir með fermingarfræðsl-
unni þannig að börnin lærðu
þar kjarnaatriðin í kristinni trú
en núna má það alls ekki. Nú
má presturinn helst ekki vera í
skólanum, ef hann ætlar að
koma þangað verður hann
eiginlega að kljúfa sig í tvennt
og skilja prestinn eftir úti. Það
er mjög dapurlegt hvað sam-
starf kirkju og skóla hefur verið
skorið niður. Ég tek þó fram að
ég hef gott samband við skóla-
stjóra og kennara, þessi stefna
kemur annars staðar frá.“
Börnin sem Guðni fermir
ganga í skóla á Hvammstanga
þar sem annar sóknarprestur
þjónar. Prestarnir tveir hafa
gjarnan haft samstarf um
fermingarfræðsluna og skipta
börnunum þá oft upp í hópa
eftir öðrum reglum en búsetu
þeirra, til dæmis eftir kynjum
og segir Guðni að samstarfið
gefist vel.
Í hverju er fermingarundirbún-
ingurinn helst fólginn?
„Við erum með fermingar-
börnin fimm daga í Vatnaskógi
þar sem þau eru í fræðslu-
stundum. Svo fá þau heimsókn
frá hjálparstarfinu í hálfan dag
og eru frædd um mikilvægi
þess og hvernig það tengist
kristinni trú. Við fáum líka fólk
sem stýrir poppmessu með
okkur og svo skiptum við
krökkunum í hópa þar sem þau
vinna ýmis verkefni eins og t.d.
að gera stuttmynd um boðorðin
eða sögulegt yfirlit um Hallgrím
Pétursson. Svo eru kvöldvökur
og messur sem þau taka þátt í.
Staðurinn Vatnaskógur er mjög
mótaður af kristilegu starfi og
þar er mjög sterkur andi
kristilegs samfélags.
Síðan er líka undirbúningur
og þátttaka í messum yfir
veturinn, þau eru mjög virk í
því bæði fyrir aðventukvöld og
æskulýðsmessur. Þá er það
námsbókin sjálf. Þau mæta í 15
fræðslustundir yfir veturinn
þar sem mikið er lagt upp úr
umræðum og að þau séu
virkjuð í að tjá sig frá eigin
brjósti um það hvernig þau vilji
bregðast við í aðstæðum
Halla Rut. MYND: FE
Séra Guðni Þór Ólafsson, sóknarprestur á Melstað í Miðfirði
Börnin eru orðin miklu
virkari þátttakendur
í kirkjustarfinu en áður
VIÐTAL
Fríða Eyjólfsdóttir
Séra Guðni Þór, sóknarpresturinn á Melstað í Miðfirði. MYND: FE