Feykir - 14.03.2018, Blaðsíða 16

16 11/2018
Nú til dags er svo margt breytt,
meira að segja bara síðan ég
fermdist (og það er nú ekkert
svo hrikalega langt!) en allt er
þetta í rétta átt, þetta er allt að
verða svona lausara í sniðum.
Þá á ég við að það er ekki orðið
eins mikið um eitthvert mót
sem allir eiga að fara eftir, t.d.
merking á servíettur, það
heyrir hér um bil sögunni til,
fólk velur bara frekar ein-
hverjar litskrúðugar eða
skemmtilegar servíettur sem
lífga upp á fallega skreyttan
salinn. Eins eru þessar hefð-
bundnu prúðubúnu ferming-
arstyttur eins og allir voru með
að verða sjaldséðari, í dag er
jafnvel bara notuð mynd eða
falleg tréstytta sem getur lýst
karakter fermingarbarnsins,
t.d. eins og þessar sem fást á
kirkjuhusid.is (Willow Tree).
Svo má fara alveg óhefðbundna
leið og notast við skemmtilegar
fígúrur, það er þá eitthvað sem
fermingarbarnið getur svo átt
til framtíðar sem táknrænt
skraut!
Hvað varðar borðskreyt-
ingar er þetta einmitt enn á ný,
búið að taka miklum breyt-
ingum, margir eiga eflaust, eða
muna eftir að hafa keypt, fleiri,
fleiri kassa af skrautsteinum til
þess að skreyta borðin þar sem
gestirnir sitja. Í dag er bara
notast við sælgæti ef skreyta á
borðin hjá gestunum eða jafn-
vel gæti verið skemmtilegt að
hafa bara fallegar skálar með
ýmsum berjategundum í,
eitthvað sem gestir geta nartað
í og gestgjafinn situr ekki uppi
með fjölmargar pakkningar af
hlutum sem hafa ekkert nota-
gildi. Eins er með kertastjaka
eða blómavasa á borð, margir
nota krukkur undir kertin og
ég á til dæmis slatta af kók-
flöskum úr gleri sem ég
hreinsaði allt af fyrir nokkrum
árum og nota sem blómavasa.
Það er skemmtileg og ódýr
lausn sem er í raun hlutur sem
á að spá í, að finna ódýrar og
skemmtilegar lausnir því það
að halda svona veislu er ekki
ókeypis.
Borð skreytt með Skittles-sælgæti og kókflöskur sem blómavasar. MYNDIR: HRAFNHILDUR
Hrafnhildur Skaptadóttir í Blóma- og gjafabúðinni
Heilræði fyrir undirbúing
fermingarveislunnar
Fermingarundirbúningur er örugglega eitthvað sem mörgum vex í augum. Til
dæmis spurningar á borð við: Hvað á ég að bjóða upp á? Hvernig á ég að hafa
þetta? Hverju er ég að gleyma? Í sjálfu sér er ferming og fermingarundirbúningur
tími fermingarbarnsins, tími sem þú átt að reyna að virkja einstklinginn sem
ferma skal sem mest, leyfa honum að velja litaþema, velja til dæmis eitthvað af
uppáhalds veitingum barnsins og þar fram eftir götunum.
En eitt hefur bæst við
„undirbúningslistann“ síðustu
ár og tel ég það vera af hinu
góða. Það er að útbúa
kortakassa sem fólk setur
kortin í. Oft eru jú háar
fjárhæðir innan í þessum
umslögum og þá er tilvalið að
halda þeim öllum á einum og
sama staðnum, þau gætu
nefnilega hæglega týnst, til
dæmis þegar verið er að fara
með gjafirnar heim og þess
háttar. Kortakassana má útbúa
á margvíslegan hátt, sem dæmi
má bara nota skókassa, pakka
honum inn og skreyta
skemmtilega, eða bara pappa-
kassa innan hæfilegra stærðar-
marka. Á kassanum sem er á
myndinni hér fyrir neðan
límdi ég saman myndaramma
og skar út pappa og límdi ofan
á – skemmtilegt og fljótlegt!
Þetta eru svona helstu heil-
ræðin sem ég gæti leiðbeint
fólki með, að ótöldu þemanu í
veislunni. Það er í raun alltaf
einhver sérstakur litur sem
fermingarbarnið velur. Það er
alltaf að færast í aukana, og
finnst mér það mun
skemmtilegra, að raða saman
nokkrum skemmtilegum
litum sem tóna fallega saman,
svo fléttar maður áhugamál
barnsins inn í þemað, hvort
sem það er með skemmtilegri
köku tengdu áhugamálinu eða
bara reiðskóm og hnakk sem
skrauti úti í sal! Það er alltaf
svo skemmtilegt að nýta
hlutina úr lífi barnsins til að
lífga upp á salinn!
Ég vona að þetta nýtist
einhverjum, og óska ég öllum
fermingjarbörnum og fjöl-
skyldum þeirra til hamingju
með daginn!
Hrafnhildur
UMSJÓN
Fríða Eyjólfsdóttr
Tertan lýsir áhugamáli barnsins.
Kortakassar eru að ryðja sér til rúms enda þarfaþing.
Fermingarborð tónlistarmannsins.
Nammibarir njóta sívaxandi vinsælda í fermiingarveislum.