Feykir - 14.03.2018, Blaðsíða 19

11/2018 19
Það er Kristín Sigurrós
Einarsdóttir, grunnskóla-
kennari við Grunnskólann
austan Vatna á Sólgörðum í
Fljótum, svæðisleiðsögu-
maður og fyrrum blaðamaður
hjá Feyki, sem leyfir okkur að
skyggnast aðeins í
bókaskápinn sinn. Eins og
gefur að skilja er Dalalíf
Guðrúnar frá Lundi í miklu
uppáhaldi hjá henni en á
síðasta ári setti hún upp á
Sauðárkróki, ásamt Marín
Guðrúnu Hrafnsdóttur,
sýninguna Kona á skjön sem
fjallaði um ævi og störf
Guðrúnar. Sýningin hefur
verið í Borgarbókasafninu
undanfarið en var opnuð um
síðustu helgi á Bókasafni
Akraness.
Hvers konar bækur lestu
helst?
-Ég hef nokkuð fjölbreyttan
bókmenntasmekk. Mér finnst
ákaflega gaman að grúska í
fræðibókum, sérstaklega
byggðasögu, þjóðlegum fróð-
leik og ferðahandbókum.
Einnig les ég mikið af skáld-
sögum, þá einkum eftir íslenska
höfunda og norræna krimma.
Ljóðabækur glugga ég stundum
í, en þá sérstaklega ef ég er að
leita að einhverjum tækifæris-
ljóðum.
Hvaða bækur voru í uppáhaldi
hjá þér þegar þú varst barn?
-Ef ég fer alveg aftur til fortíðar
minnist ég þess fyrst að
bækurnar um Emmu og Tuma
hafi verið í miklu uppáhaldi.
Síðan tóku við bókmenntir eins
og Öddu bækurnar, Nancy
bækurnar, Ævintýrabækurnar,
bækur eftir Guðrún Helga-
dóttur og Astrid Lindgren, Ole-
Lund Kirkegard og fleiri sígilda
höfunda. Mesta nostalgían
fylgir bókinni um Pál Vil-
hjálmsson. Ég og yngsta systir
mín bjuggum okkur til
ímyndaðan vin að hans fyrir-
mynd, sem, að okkar sögn, bjó í
veggnum á milli herbergjanna
okkar. Ef ég man rétt var
Ævintýraeyjan fyrsta „stóra
bókin“ sem ég las. Löngu áður
en ég hafði aldur til reyndi ég
að lesa einhverja innbundna
ástarsögu sem ég fann á
( BÓK-HALDIÐ ) frida@feykir.is
Las ástarsögur eftir Eðvarð Ingólfsson
og Andrés Indriðson um fermingu
Kristín Sigurrós Einarsdóttir / grunnskólakennari / Sólgörðum í Fljótum
Kristín klædd að hætti Guðrúnar frá Lundi. MYND ÚR EINKASAFNI
náttborðinu hjá mömmu, en
hún var óskaplega leiðinleg og
enn í dag þykja mér ástarsögur
frekar leiðinlegar bókmenntir.
Af því þetta er fermingarblað
verð ég þó að játa að um
fermingu lá ég í bókum eftir
Eðvarð Ingólfsson, Andrés
Indriðason og fleiri sem voru
að skrifa ástarsögur fyrir ungl-
inga.
Hver er uppáhaldsbókin af
þeim sem þú hefur lesið
gegnum tíðina?
-Þetta er nú næstum eins
ósanngjarnt og að spyrja hvert
sé uppáhaldsbarnið þitt! Fyrst
skal þó telja Dalalíf eftir
Guðrúnu frá Lundi, sem ég hef
lesið oftar en nokkrar aðrar
bækur. Reisubók Guðríðar eftir
Steinunni Jóhannesdóttur er
ein áhrifamesta bók sem ég hef
lesið. Mig langar einnig að
nefna bækurnar um Auði
Djúpúðgu eftir Vilborgu
Davíðsdóttur. Svo verð ég að
nefna eina Íslendingasögu og
þar kemur Egils saga sterk inn,
en ég hafði óskaplega skemmti-
legan kennara í framhalds-
skóla, Hörpu Hreinsdóttur,
sem gerði söguna enn skemmti-
legri.
Hverjir eru þínir uppáhaldsrit-
höfundar og hvers vegna?
-Hér er einnig erfitt að gera upp
á milli. Ég nefni þó að sjálfsögðu
þá höfunda sem nefndir voru
hér á undan og gæti til dæmis
bætt við Arnaldi Indriðasyni,
Kristínu Steinsdóttur, Steini
Steinarr, Camillu Läckberg og
ýmsum fleirum.
Hvaða bækur eru á náttborð-
inu hjá þér þessa dagana?
-Á mínu heimili dugar ekki
náttborðið til! Þar liggja þessa
dagana Sakramentið eftir Ólaf
Jóhann, sem er frumraun mín í
lestri bóka eftir hann, Löggan
eftir Jo Nesbö, Kuldi eftir Yrsu
og Byggðasaga Skagafjarðar,
Skammt undan er stórt borð
sem ég nota fyrir bækurnar
sem ég er að grúska í vegna
heimildarvinnu og inniheldur
það stóran bunka bóka sem
ég sem ég hef sankað að mér
um Fljótin, sem og annan
skagfirskan fróðleik, Skólaljóð
(þessi gamla bláa) og
Afdalabarn eftir Guðrúnu frá
Lundi.
Ertu fastagestur á einhverju
bókasafni?
-Ég fer mjög reglulega á
bókasafnið á Króknum og
finnst gaman að koma þangað,
sérstaklega eftir endurbæturn-
ar þar. Vegna breyttrar búsetu
hef ég svo bætt við bóka-
söfnunum á Hofsósi og Siglu-
firði, sem eru bæði ákaflega
heimilisleg og skemmtileg. Ég
vil líka nefna að mér finnst
gaman að koma á bókasöfnin á
Ísafirði og Akureyri og notaði
gjarnan tækifærið til þess þegar
ég fór í náms- og vinnuferðir á
þessa staði.
Áttu þér uppáhalds bókabúð?
-Fornbókasalan hjá Erni vini
mínum og nágranna á Ökrum
er klárlega í mestu uppáhaldi.
Næst þar á eftir kemur
Eymundsson á Akureyri. Ég
kíki gjarnan í bókabúðir
erlendis, en hef ekki lagt nöfn
þeirra sérstaklega á minnið.
Hvað áttu margar bækur í
bókahillunum heima hjá þér?
-Ég á líklega um 700 bækur
sem um þessar mundir skiptast
á tvö heimili, annað á Króknum
og hitt í Fljótum. Eitthvað er
svo í kössum í geymslunni.
Hvað kaupirðu eða eignast að
jafnaði margar nýjar bækur
yfir árið?
-Ég eignast líklega um þrjátíu
bækur á ári (vona að eigin-
maðurinn lesi ekki blaðið!),
enda eru þær, ásamt súkkulaði
og gömlum kaffibollum,
eitthvað sem ég freistast til að
kaupa þó ég eigi nóg af því.
Eru ákveðnir höfundar/bækur
sem þú færð „alltaf“ í jólagjöf?
-Nei, ekki er það nú, en synir
mínir gefa mér gjarnan Byggða-
söguna eða aðra sagnfræði í
jólagjöf.
Hefur einhver bók sérstakt
gildi fyrir þig?
-Biblía í fallegu skinnbandi sem
ég erfði eftir móðurömmu
mína og er upphaflega komin
frá Kristínu langömmu minni á
Neskaupsstað. Einnig þykir
mér óskaplega vænt um allar
bækurnar sem ég erfði eftir
pabba, Gísla afa og Valda
afabróður minn.
Hefur þú heimsótt staði sem
tengjast bókum eða rithöf-
undum þegar þú ferðast um
landið eða erlendis?
-Ég hef farið margar ferðir með
ferðamenn á slóðir Guðrúnar
frá Lundi. Ég stoppa oft á
stöðum þar sem tengjast
skáldum eða bókmenntum á
ferðalögum mínum. Ég hef
ekki gert mér ferð á slóðir
einstakra höfunda eða bóka
erlendis en það er á þriggja ára
áætlun.
Ef þú ættir að gefa einhverjum
sem þér þykir vænt um bók,
hvaða bók yrði þá fyrir valinu?
-Það fer algjörlega eftir við-
takandanum og tilefninu.
Fólkinu mínu í Noregi gef ég
gjarnan bækur eftir íslenska
höfunda. Eins finnst mér
gaman að gefa bækur með
tilvitnunum og spakmælum.
Manstu eftir einhverjum bók-
um sem þú fékkst í ferm-
ingargjöf?
-Í fermingargjöf fékk ég Lilju
frá sóknarprestinum okkar,
afmælisdagabók og hinar hefð-
bundnu gestabækur með
myndaalbúmi og skeytamöppu,
sem voru „trend“ þess tíma.