Feykir - 28.03.2018, Blaðsíða 2

Nú stendur yfir á Alþingi vinna sem miðar að því að
lækka kosningaaldur í sveitarstjórnarkosningum en
annarri umræðu um málið lauk sl. fimmtudag. Lagt er til
að hver íslenskur ríkisborgari sem hefur náð 16 ára aldri á
kjördag í sveitarstjórnarkosn-
ingum fái kosningarrétt.

Í greinargerð segir að frum-
varpið sé lagt fram til að styðja
við lýðræðisþátttöku ungs fólks
og auka tækifæri þess til að hafa
áhrif á samfélagið sem virkir og
ábyrgir þátttakendur og munu
þá nærri 9.000 manns fá tæki-
færi til að hafa á kjördegi áhrif á
mikilvægar ákvarðanir sem
varða líf þeirra og umhverfi sem
ekki njóta þessara grundvallarréttinda lýðræðisins að
óbreyttum lögum.
Í frumvarpinu kemur fram að oftar en ekki sé það yngra
fólkið sem leiðir eldri kynslóðir áfram til framtíðarinnar
með hugmyndum sínum um jafnrétti og lýðræði. Með því
að veita ungu fólki á aldrinum 16–18 ára kosningarrétt yrði
stigið stórt skref í þá átt að efla rödd ungs fólks í samfélaginu,
samfélaginu sjálfu til heilla, auk þess sem yngra fólk fengi
þar tækifæri til að móta líf sitt og framtíð á sama hátt og
aðrir borgarar.
Á vef Hagstofu Íslands er hægt að finna samantekt um
kosningaþátttöku fólks í alþingiskosningunum 28. október
2017. Þar segir að kosningaþátttaka hafi aukist í öllum
aldurshópum en mest hjá yngstu kjósendunum 18-19 ára,
úr 68,7% árið 2016 í 75,2% árið 2017, eða 9,5%. Minnst var
þátttakan hjá aldurshópnum 20–24 ára (69,6%) en mest hjá
kjósendum 65–69 ára (91,2%). Kosningaþátttaka jókst
lítillega frá kosningunum 2016 þegar hún var 79,2%, 79,5%
meðal kvenna en 78,8 meðal karla.
Mikil umræða hefur skapast í þjóðfélaginu um þetta
frumvarp og er það eðlilegt. Margir velta því fyrir sér hvort
rétt sé að fólk sem skilgreind eru sem börn, öðlist þennan
rétt eða þurfi yfir höfuð að bera þann kaleik að standa í
þessu veseni. Þetta unga fólk er ekki sjálfráða hvað þá
fjárráða, hafa ekki leyfi til að aka bíl og mega hvorki kaupa
né afgreiða tóbak eða áfengi í verslunum. Svo er allskostar
óvíst að þessi börn hafi yfir höfuð einhvern áhuga á þessu
máli.
Ég ræddi við minn ungling, sem er á sextánda ári, og
spurði um áhuga hans á kosningum í vor. Á skalanum 1 til
100 er áhuginn 0.
Ég hugsaði, mér til skelfingar, að ef unglingurinn minn,
16 ára, væri að fara að kjósa í vor myndi það líklega vera
vegna þess að ég drægi hann á kjörstað. Og hvað myndi
hann kjósa? Líklega það sem ég segði honum að gera!
Páll Friðriksson, ritstjóri
LEIÐARI
Lækkun kosningaaldurs
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í síðustu viku var landað 1.342.165 kílóum í
höfnum á Norðurlandi vestra. 14 skip og bátar
lönduðu á Skagaströnd rúmum 400 tonnum.
Tæplega 940 tonnum var landað á Sauðár-
króki en þar af voru tæp 600 tonn af rækju sem
komu með flutningaskipinu Silver Framnes. /FE
Aflatölur á Norðurlandi vestra 18. – 24. mars 2018
Arnar með 317 tonn til Skagastrandar
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Alda HU 112 Lína 1.475
Auður HU 94 Grásleppunet 1.214
Arnar HU 1 Botnvarpa 317.110
Bergur sterki HU 17 Handfæri 2.591
Dagrún HU 121 Þorskfiskinet 9.679
Fengsæll HU 56 Landbeitt lína 601
Hafdís HU 85 Handfæri 873
Hafdís HU 85 Landbeitt lína 56
Hafrún HU 12 Dragnót 34.963
Húni HU 62 Handfæri 6.657
Katrín GK 266 Landbeitt lína 4.029
Onni HU 36 Dragnót 10.893
Ólafur Magnússon Þorskfiskinet 10.460
Sæfari HU 212 Landbeitt lína 920
Sæunn HU 30 Handfæri 1.974
Alls á Skagaströnd 403.495
SAUÐÁRKRÓKUR
Badda SK 113 Grásleppunet 3.932
Drangey SK 2 Botnvarpa 168.618
Fannar SK 11 Landbeitt lína 612
Gammur SK 12 Grásleppunet 1.622
Gammur SK 12 Rauðmaganet 429
Hafey SK 10 Handfæri 2.226
Málmey SK 1 Botnvarpa 140.440
Már SK 90 Handfæri 523
Sigurborg SH 12 Rækjuvarpa 30.797
Silver Framnes (LJLQ3) NO 999 Rækjuv. 588.139
Vinur SK 22 Handfæri 1.332
Alls á Sauðárkróki 938.670
Breytingar framundan í stjórnun
Blönduós
Um næstu mánaðamót verða breytingar á
stjórnun Blönduósbæjar þegar Arnar Þór
Sævarsson lætur af störfum eftir ellefu ár í
starfi sveitarstjóra. Arnar tók við starfinu í
október árið 2007 af Fanneyju Friðriksdóttur
sem lét þá af störfum. Valgarður Hilmarsson
mun taka við starfi sveitarstjóra þann 1. apríl.
Á fundi sveitarstjórnar Blönduósbæjar þann 20.
mars var samþykkt að Anna Margrét Jónsdóttir
verði forseti bæjarstjórnar í stað Valgarðs og að
Zophanías Ari Lárusson verði fyrsti varaforseti
sveitarstjórnar. Var það samþykkt án mótatkvæða.
Einnig var ráðningarsamningur við nýjan sveitar-
stjóra kynntur og samþykktur með smávægilegum
breytingum með þremur atkvæðum en tveir sátu
hjá.
Fulltrúar J-listans, þau Oddný María Gunnars-
dóttir og Hörður Ríkharðsson, lögðu fram
svohljóðandi bókun: „J-listinn telur ástæðulaust
að ráða sveitarstjóra. Starfsmenn sveitarfélagsins
eru fullfær[ir] að annast þau störf sem annast þarf
fram yfir kosningar“.
Í lok fundar voru Arnari Þór þökkuð vel unnin
störf í þágu sveitarfélagsins. /FE
Átök vegna sýndarveruleika
Sigurjón kærir málsmeðferð sveitarstjórnar
Sigurjón Þórðarson, vara-
fulltrúi Skagafjarðarlistans í
Svf. Skagafjörður hefur sent
kæru til sveitarstjórnarráðu-
neytisins þar sem óskað er
eftir aðkomu þess vegna
ólögmætrar stjórnsýslu
Sveitarfélagsins Skaga-
fjarðar, á grundvelli 109 gr.
laga nr. 138/2011. Um er að
ræða samninga sveitarfélags-
ins við Sýndarveruleika ehf.
og samning við hugbúnaðar-
fyrirtæki um hönnun og
stjórnun á uppbyggingu á
húsnæði við Aðalgötu 21 á
Sauðárkróki, fyrir starfsemi
Sýndarveruleika ehf.
Í kærunni segir að ljóst sé að
meðferð málanna hafi hingað
til stangast algerlega á við
fyrrgreind lög (103 gr. sveitar-
stjórnarlaga nr. 138/2011) sem
segir til um skyldu sveitar-
stjórna til að upplýsa íbúa um
mál sem hafa verulega fjárhags-
lega þýðingu og langtíma
skuldbindingar fyrir sveitarfél-
agið, auk þess sem það sé í anda
góðra stjórnsýsluhátta.
„Íbúum Skagafjarðar hafa
ekki verið veittar lögbundnar
upplýsingar með greinargóðum
hætti um umfang, tímalengd
og eðli þeirra fjárhagslegu
skuldbindinga og ívilnana sem
sveitarfélagið hyggst veita
fyrirtækinu. Því síður um
tengdan kostnað sem af
ákvörðunum hlýst, svo sem við
að finna starfsemi Byggðasafns
Skagfirðinga aðra aðstöðu fyrir
starfsemi sína en því var áður
ætluð,“ ritar Sigurjón í kæru
sinni.
Hann segir að við umfjöllun
málsins hafi minnihluta
sveitarstjórnar verið þröngur
stakkur skorinn og í kjölfar
ræðu sinnar um safnamál á
síðasta fundi sveitarstjórnar,
hafi honum verið tilkynnt að
framganga hans á fundinum
myndi hafa afleiðingar fyrir
störf hans á vegum sveitarfélaga
á Norðurlandi vestra.
Fer Sigurjón fram á að
ráðuneytið taki málið til af-
greiðslu og afgreiði fyrir næsta
sveitarstjórnarfund svo málin
fái lögmæta meðferð. /PF
Sigurjón Þórðarson. MYND AF FACEBOOK
2 13/2018