Feykir - 28.03.2018, Blaðsíða 11

SVÖR VIÐ VÍSNAGÁTU OG LÍKAMSRÆKT FEYKIS: Sláttur.
Feykir spyr...
Hvað á að
gera um
páskana?
Spurt á Facebook
UMSJÓN palli@feykir.is
„Er að fara út að kenna
um páskana.“
Barbara Wenzl
„Borða páskaegg
og vera í ömmuleik.“
Jóna Hjaltadóttir
KROSSGÁTUSMIÐUR Páll Friðriksson
Krossgáta
Tilvitnun vikunnar
Sá er ekki ríkur, sem mikið á, heldur hinn sem lætur sér nægja.
– Jón Vídalín
Sælkeraýsa
og súkkulaðikökur
á eftir
Sigríður Margrét Ingimarsdóttir, yfirþroskaþjálfi í Árskóla, og
Þorgeir Gunnarsson, sölumaður í lagnadeild KS verslunarinnar
Eyri, gefa okkur girnilegar uppskriftir að þessu sinni. Þau búa á
Sauðárkróki ásamt dætrum Sigríðar Margrétar, þeim Sigurbjörgu
og Margréti en auk þess á Þorgeir soninn Sigurð Helga.
Þorgeir hefur gaman af að elda og prufa eitthvað nýtt og sér
gjarnan um að matbúa meðan Sigríður Margrét sér frekar um eftir-
réttina, sem henni þykja ómissandi. Sælkeraýsuna fann Þorgeir í litlu
riti frá kvenfélagi á Álftanesi og er í miklu uppáhaldi hjá honum.
AÐALRÉTTUR
Sælkeraýsa
(fyrir 4-6)
800 g ýsuflök (roðlaus og
beinlaus)
100 g rjómaostur
1 dl rjómi
2 tsk karrí
1 tsk Kød og grill
eða annað sambærilegt
½ tsk sítrónupipar
1 stk. laukur
1 stk. paprika
4 stk. gulrætur
2 stk. gul eða græn epli
1 msk olía til steikingar
Aðferð: Afhýðið eplin og skerið í
teninga. Skerið laukinn og
paprikuna í bita og gulræturnar í
sneiðar. Mýkið laukinn á pönnu,
bætið papriku út í og látið krauma
með lauknum og að síðustu eplin
og gulræturnar. Stráið karrí yfir
pönnuna og látið rjómaostinn því
næst bráðna á pönnunni og hellið
rjómanum yfir. Skerið fiskinn í lítil
stykki og leggið yfir pönnuna.
Stráið Kød og grill og sítrónupipar
yfir.
Látið lokið á pönnuna og sjóðið
við vægan hita í 5 – 10 mínútur. Ef
vill, þá má nota sósujafnara (ég geri
það aldrei).
Meðlæti: Hrísgrjón eða kartöflur
og gott hvítlauksbrauð.
EFTIRRÉTTUR
Blautar
súkkulaðikökur
140 g smjör
140 g 70% súkkulaði
2 egg
3 eggjarauður (til viðbótar)
140 g flórsykur
60 g hveiti
Aðferð: Smjörið og súkkulaðið
brætt saman yfir vatnsbaði. Eggin
og eggjarauðurnar eru þeyttar
saman. Flórsykrinum er bætt út í
blönduna og síðan er hveitið sett
saman við. Í lokin er súkkulaði-
blöndunni hrært varlega saman við
með sleikju.
Þetta er sett í 6-8 lítil
bökunarform, smurð að innan
(einnig hægt að nota pínulítil
álform). Ofnhiti: 220 gráður (ekki
blástur).
Þetta er sett í ofninn þegar
hann er orðinn heitur. Ef deigið er
við stofuhita er þetta bakað í 11-12
mínútur. Ef deigið er tekið úr kæli
og bakað þá skal þetta bakast í 14
mínútur. Þegar formin eru tekin úr
ofninum þá er gott að bíða í 3
mínútur, hvolfa hverju og einu á
disk, þá dettur kakan léttilega úr
forminu. Borið fram heitt með ís
eða rjóma.
Það er hægt að búa deigið til og
geyma í ískáp í nokkra daga áður
en það er notað.
Verði ykkur að góðu!
Það eru Kristín Snæland og
Sigurður Leó Ásgrímsson sem fá
áskorun frá Þorgeiri og Sigríði.
Þorgeir og Sigríður Margrét. MYND ÚR EINKASAFNI
„Vinna.“
Andri Már Sigurðsson
„Um páskana ætla ég
fyrst og fremst að slaka á í
faðmi fjölskyldunnar eftir
annasaman tíma í vinnunni.
Einnig er stefnan sett á að
ná að hitta vinina sem hafa
rækilega setið á hakanum frá
jólum. Án vina og fjölskyldu
er maður nefnilega lítið.“
Jón Stefán Jónsson
( MATGÆÐINGAR VIKUNNAR ) frida@feykir.is
Sigríður Margrét og Þorgeir á Sauðárkróki
Sudoku
Jessheim í Noregi. MYND AF NETINU
13/2018 11
Ótrúlegt – en kannski satt..
Páskarnir eru ekki alltaf á sama tíma og er ástæðan sú að atburðirnir
sem við tengjum páskum samkvæmt Nýja testamentinu eru þar
miðaðir við samnefnda hátíð gyðinga. Á Vísindavefnum segir að
reglan um páska í kirkjum Vesturlanda sé sú að páskadagur er
fyrsti sunnudagur eftir fyrsta fulla tungl frá og með 21. mars, en
þá eru yfirleitt vorjafndægur. Ótrúlegt, en kannski satt, þá getur
páskadagur í fyrsta lagi fallið á 22. mars og í síðasta lagi á 25. apríl en
allar dagsetningar þar á milli koma til greina.
Vísnagátur Sigurkarls Stefánssonar
Finna skal út eitt orð
úr línunum fjórum.
Ólga blóðs í æðunum.
Annatími smábændum.
Hofmóður í heimskingjum.
Hinsta úrráð félausum.
FEYKIFÍN AFÞREYING