Feykir - 11.04.2018, Blaðsíða 2
Ég skrapp til Reykjavíkur um síðustu helgi – ekki í
frásögur færandi. Ég fór lítið sem ekkert í búðir – það er
kannski í frásögur færandi. Í staðinn skelltum við mæðgur
okkur í sund og ráfuðum aðeins um í miðbænum.
Sundlaugin sem við heimsóttum
var hin nýuppgerða Sundhöll
Reykjavíkur. Það var aldeilis
ljómandi fín sundferð, við
svömluðum í þessum fína potti
og höfðum nóg pláss og svo var
líka hægt að synda í
sundlauginni þannig að þetta
var nú alveg ágætt. Svo
skruppum við á Laugaveginn.
Þar var fullt af útlendingum eins
og vera ber og þar var líka margt í boði fyrir útlendingana.
Þar sem við vorum orðnar nokkuð svangar ákváðum við að
tylla okkur einhvers staðar inn og fá okkur eitthvert snarl.
Nóg var af veitingastöðunum, þeir buðu meira segja
flestir upp á þá þjónustu að hafa matseðlana til sýnis úti,
sumir þeirra voru meira að segja á íslensku líka - og verðið
fylgdi. Það var líka eins gott, að minnsta kosti fyrir pyngjuna
mína. Ég sá samt fljótlega að verðið var líklega einungis
ætlað útlendingum.
Loks fundum við stað sem bauð upp á verðlag fyrir
íslenskan blaðamannsræfil og fátækan námsmann. Að
sjálfsögðu gerði þjónustan sem í boði var ekki ráð fyrir að
nokkur Íslendingur léti sjá sig á þessum slóðum. Ágæt
þjónusta - á ensku. Við spjöruðum okkur nú bara vel
mæðgurnar og náðum alveg að gera okkur skiljanlegar.
Um kvöldið fór ég með eiginmanninum og orðum
skrýddu Lionsfólki út að borða á Sögu. Það var fínt, lamb og
lakkrísdesert. Svo kíktum við aðeins niður í bæ. Fórum inn
á tvo veitingastaði. Þar þýddi nú lítið að ætla að nota þessa
íslensku sem manni var kenndi í æsku ef maður ætlaði að fá
einhverja þjónustu. En þetta hafðist nú allt enda höfum við
hjónakornin komið til útlandanna og pantað okkur „beer“.
En þar sem ég sat þarna á Icelandic Craft Bar og sötraði
minn beer rann það skyndilega upp fyrir mér hvað við
Íslendingar erum heppnir. Við þurfum ekki lengur að
splæsa í dýrt flug og hótel til að upplifa útlenska stemningu,
það er nóg að skreppa í miðbæ Reykjavíkur og allt er eins
og við séum í útlandinu. Þvílíkur munur.
Fríða Eyjólfsdóttir,
blaðamaður
LEIÐARI
Í Reykjavík City
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Nú eru grásleppuveiðar hafnar og var nokkur
fjöldi grásleppubáta á sjó í síðustu viku. Tíu
skip og bátar lönduðu á Skagaströnd og var afli
þeirra 333 og hálft tonn.
Rúmlega 377 tonn bárust að landi með tíu
skipum og bátum á Sauðárkróki og til tíðinda
telst að landað var á Blönduósi en þar landaði
dragnótabáturinn Onni 27 tonnum. Heildar-
aflinn í vikunni var 737.874 kíló. /FE
Aflatölur á Norðurlandi vestra 1. – 7. apríl 2018
Onni landaði á Blönduósi
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Auður HU 94 Grásleppunet 2.752
Arnar HU 1 Botnvarpa 272.874
Dísa HU 91 Handfæri 1.544
Fengsæll HU 56 Grásleppunet 5.876
Hafrún HU 12 Dragnót 21.434
Húni HU 62 Handfæri 923
Loftur HU 717 Handfæri 865
Már HU 545 Grásleppunet 7.767
Sæunn HU 30 Handfæri 1.586
Þorleifur EA 88 Þorskfiskinet 17.923
Alls á Skagaströnd 403.495
SAUÐÁRKRÓKUR
Badda SK 113 Grásleppunet 6.576
Dagur SK 17 Rækjuvarpa 15.042
Drangey SK 2 Botnvarpa 147.243
Fannar SK 11 Grásleppunet 8.944
Fálki ÞH 35 Grásleppunet 8.490
Gammur SK 12 Grásleppunet 5.603
Hafey SK 10 Grásleppunet 256
Málmey SK 1 Botnvarpa 151.450
Már SK 90 Grásleppunet 8.417
Sigurborg SH 12 Rækjuvarpa 25.254
Alls á Sauðárkróki 938.670
BLÖNDUÓS
Onni HU 36 Dragnót 27.055
Alls á Blönduósi 27.055
Smekklega settir ljóðstafir
Stefjagróður Ingólfs Ómars
Út er komin ljóðabókin Stefjagróður eftir
Skagfirðinginn Ingólf Ómar Ármannsson. Hann
er fæddur á Sauðárkróki 1966 og ólst þar
upp, byrjaði snemma að yrkja og er í dag einn
þekktasti hagyrðingur landsins.
„Hefðbundna ljóðið er sívinsælt meðal
Íslendinga. Háttbundin hrynjandi, fallegt og vel
útfært rím og smekklega settir ljóðstafir, allt á þetta
einhverja dularfulla samsvörun í tilfinningalífi
okkar. Þegar við heyrum vel ort ljóð, þar sem öllum
þessum þáttum eru gerð skil, gleður það eyrað á
einhvern þann hátt sem ekkert annað getur gert,“
segir höfundur á bókarkápu.
Ingólfur Ómar hefur stundað vinnu til sjós
og lands og þekkir bæði landið og miðin,
hestamaður af lífi og sál og náttúruunnandi og
því má sjá bregða fyrir í kveðskap hans. /PF
Rannsóknarstofur Iceprotein fá meira pláss
Verkefnin breytast og stækka
Örverurannsóknarstofa
Iceprotein á Sauðárkróki er
kominn á nýjan stað og er nú
staðsett á annarri hæð nýja
hluta Versins þar sem Matís
var áður með sína
rannsóknastofu. Einnig er
stefnt á að hafa lífvirkni-
rannsóknir þar. Efnarann-
sóknirnar verða eftir sem
áður á annarri hæð gamla
hluta Versins og frumurann-
sóknirnar færast einnig
þangað.
Stefanía Inga Sigurðardóttir,
rannsóknastofustjóri, segir að
Iceprotein hafi gert stefnu-
breytingu vorið 2013 er tekin
var ákvörðun um að þjónusta
betur matvælafyrirtæki í
Skagafirði og nágrenni með
efna- og örverumælingum.
„Fyrst var byrjað smátt, fengum
¼ af rannsóknarstofuplássi
Hólaskóla, sem fljótlega varð
helmingurinn af rannsókna-
stofu þeirra. Eftir því sem
tegundum mælinga fjölgaði
þurftum við meira pláss og
aðgreiningu á milli tegunda
mælinga. Haustið 2014 var
ákveðið að flytja örveru-
rannsóknirnar í annað herbergi
sem er frekar lítið, borðplássið
er rétt um 3m á lengd en þetta
var yfirdrifið nóg pláss fyrir
okkur á þeim tíma.“
Stefanía segir að starfsemin
hafi byrjaði mjög rólega.
„Upphaflega var þetta bara
loðdýrafóður sem við vorum
að skoða. Síðan bættist FISK
Seafood inn hægt og rólega,
síðan Mjólkursamlagið og svo
komu fleiri fyrirtæki í kjölfarið.
Verkefnin breytast, stækka og
starfsfólkinu fjölgar. Við höfð-
um verið að velta fyrir okkur
frá vorinu 2017 hvert við
gætum mögulega flutt örveru-
rannsóknirnar, því þær voru
löngu búnar að sprengja utan af
sér þetta litla herbergi og þurfti
mjög öguð vinnubrögð og gott
skipulag til að hægt væri að
klára öll þau mörgu og misjöfnu
verkefni sem við erum að fást
við á átta tíma vinnudegi.
Matís flutti rannsókna-
aðstöðuna sína suður núna í
byrjun árs og fannst okkur þá
kjörið að nýta þá frábæru
aðstöðu sem þau höfðu haft
með því að flytja örveru og
lífvirkni rannsóknirnar okkar
þangað,“ segir Stefanía. Í dag
erum við að örverugreina fyrir
hátt í fimmtán fyrirtæki í
hverjum mánuði. /PF
Mikil ánægja er meðal starfsfólks Iceproteins með nýju aðstöðuna
MYND: FB SÍÐA ICEPROTEINS
2 14/2018