Feykir - 11.04.2018, Side 4

Enn á ný stendur Safnahús
Skagfirðinga fyrir vísnakeppni í
aðdraganda Sæluviku og telst
umsjónarmanni til að nú sé komið að
þeirri 43. en keppninni var komið á
árið 1976. Reglurnar eru sem fyrr
einfaldar og góðar; annars vegar að
botna fyrirfram gefna fyrriparta og
eða semja vísu um ákveðið málefni.
Ekki er nauðsynlegt að botna allt og
einnig er í lagi að senda bara inn vísu.
Að þessu sinni var umsjónarmaður
óvenju frjálslegur og leyfði fyrriparta-
smiðum að ráða efnistökum annars
fyrripartsins en hörð fyrirmæli fengu
þeir um að setja eitthvað saman sem
viðkemur ferðamönnum og Skagafirði.
Þá fáið þið lesendur góðir, að spreyta
ykkur á því að setja saman vísu um það
hvernig þið sjáið fyrir ykkur persónu/r
úr Sturlungasögu heimsækja Skagafjörð
eða Skagfirð-inga í nútímanum. Þá er
um að gera að láta ímyndunaraflið ráða
för og láta vaða á eina stöku.
Vetur hopar, vorið nær
völdum næstu daga
Fjallahringur fagur hér
ferðalanga tælir
Vorið skilið vísu á
í veðurblíðu sinni
Frá setningu Sæluvikunnar vorið 2017. MYND: PF
Vísnakeppni Safnahúss Skagfirðinga 2018
Kosningarnar koma brátt
með kosti sína og galla
Ekki virðist amalegt
yfir fjörð að líta
Freystandi er að láta einn fyrripart í
viðbót koma í tilefni sveitarstjórna-
kosninga.
Kosningarnar koma brátt
með kosti sína og galla.
Veitt verða tvenn peningaverðlaun,
annars vegar fyrir bestu Sturlunga-
vísuna og hins vegar fyrir besta botninn.
Ekki er skilyrði að allir fyrripartar séu
botnaðir og einnig er leyfilegt að senda
einungis vísu.
Vísur og botnar verða að hafa borist
Safnahúsi Skagfirðinga, Faxa-torgi 550
Sauðárkróki í síðasta lagi miðvikudaginn
25. apríl nk. Nauðsynlegt er að vísurnar
séu merktar dunefni, en rétt nafn og
símanúmer fylgi með í lokuðu umslagi.
Einnig er hægt að senda vísur og botna í
tölvupósti á netfangið bokasafn@
skagafjordur.is og verður þá viðkomandi
höfundi gefið dul-nefni, ef það fylgir
ekki með, áður en vísunar fara til
dómnefndar.
Úrslit verða tilkynnt sunnudaginn
29. apríl við setningu Sæluviku
Skagfirðinga, í Safnahúsinu á
Sauðárkróki. /PF
Veðurklúbburinn á Dalbæ
Svipað
veður og
verið hefur
Þriðjudaginn 3. apríl komu félagar
í Veðurklúbbnum á Dalbæ saman til
fundar í því skini að huga að
veðurhorfum í nýbyrjuðum mánuði.
Fundurinn hófst kl. 13:55 og voru
fundarmenn átta talsins. Í
tilkynningu frá klúbbnum segir að
fundarmenn hafi verið nokkuð
sáttir við hvernig síðasta spá gekk
eftir. Páskahretið var þó öllu minna
en ráð var fyrir gert. Það er að
segja á okkar svæði.
Nýtt tungl kviknar 16. apríl kl.
01:57 í norðri og er það mánu-
dagstungl og jafnframt sumartunglið.
Gert er ráð fyrir að veðurfar verði
svipað og verið hefur. Reikna má með
einhverri snjókomu og umhleyp-
ingasömu veðri og fremur kalt miðað
við árstíma. Klúbbfélagar hvetja alla
til að njóta veðursins og minna á að
þrátt fyrir allt verður alltaf eitthvert
veður.
Fundi lauk síðan kl. 14:20
Veðurvísa mánaðarins:
Í apríl sumrar aftur,
þá ómar söngur nýr.
Í maí flytur fólkið
og fuglinn hreiður býr.
/PF
Mörgum verður oft tíðrætt um
vonina sem er vissulega mikil blessun
í lífi flestra manna:
Hvert líf er dýrmætt lífs á jörð,
það leiðardæmin sanna.
Og alltaf heldur vonin vörð
í veröld okkar manna.
Margt gera menn sér til gamans þegar
glettni ríkir á veigafundum. Mér var
sögð saga af tilteknu uppátæki í þeim
dúr og kvað þá:
Tóti lúrði listavel
lífs við drauma gengi.
Hafði í fangi fleginn sel,
faðmaði hann vel og lengi!
Þegar systir mín fór full tilhlökkunar
suður á tónleika hjá Kris Kristofferson
kvað ég:
Gott er að fara ei góðs á mis,
gleðin fær þá öflugt ris.
Leiftrandi sem logablys
Linda fór að hlusta á Kris!
Eitt sinn sem oftar kom ég í gamla
kirkjugarðinn í Reykjavík og stóð þar
um stund við leiði Sigurðar
Breiðfjörðs. Kvaddi svo þar með
eftirfarandi vísum:
Legstein Breiðfjörðs lít ég hér
líkt og marga fleiri.
Kveðin fram því kveðjan er,
kannski að Siggi heyri!
Honum fulla þökk ég þyl
þrátt frá mínu hjarta.
Meðan hann var hérna til
hljóma vakti hann bjarta.
Bind ég við hans bragarslóð
bróðurhugsun trygga.
Þannig yljar þelið góð
þökkin til hans Sigga.
Þegar ég las endurminningar Þórarins
frá Stóra-Hrauni kvað ég að loknum
lestri:
Það mun engum undan sárna
efnistökum Þórarins.
Hann er sonur séra Árna,
sannur niðji gæðakyns.
Oft getur maður glaðst innilega yfir
því hvað andleg og yljandi nánd getur
orðið sterk í tengslum við kveðskap.
Þá biður maður þess að sem flestir
megi finna það:
Skíni um storðu stuðlaföllin björtu,
straum og hita leiði í mannleg hjörtu.
Bliki í hugum sónar leifturlogar,
leiki þar sem vígðir sigurbogar.
Pétur Beinteinsson frá Grafardal var
einn af þeim sem féll fyrir ,,hvíta
dauðanum”:
Pétur orti af heitum huga,
hóf sig yfir dag og nótt.
Vildi í öllu vera og duga
en varð að kveðja allt of fljótt.
Og þegar minnst er á vegferð manna
og vald dauðans í þessum heimi,
verða vísur - eins og sú sem kemur
hér - oft til:
Þó menn kveðji fjör og fold,
fæst sú náð sem bætir.
Andinn sem er æðri en hold
öðru lífi mætir.
Og þar við mætti í viðbót kveða:
Við erum öll á vegi þeim,
ég veit ei sviðið þrengra,
að kveðja þennan kalda heim
og komast eitthvað lengra!
Ritað 31.3. 2018,
Rúnar Kristjánsson
Rúnar Kristjánsson
,,Skíni um storðu stuðlaföllin björtu!”
4 14/2018