Feykir - 18.04.2018, Blaðsíða 9
Ég fór í mínar fyrstu göngur á
Auðkúluheiði árið 1998, seinni
göngur, sem farnar eru eftir réttir
til að smala því fé sem eftir hefur
orðið eftir fyrri göngur. Við fórum
saman við pabbi heitinn en hann
hafði ekki farið í mörg ár og
langaði til að líta á heiðina aftur.
Við vorum á fellunum sem kallað
er fyrsta daginn í sól og góðu
veðri, einhvern örlítinn feil gerðum
við nú, fórum vestur í fjöll þegar
Fellunum lauk í stað þess að halda
stefnu í Hveravelli, en það kom nú
ekkert að sök. Í Hveravelli er alltaf
gaman að koma, Gunna á Kúlu var
matráðskona og það klikkaði nú
ekki viðurgjörningurinn hjá henni,
svo var farið í laugina og tekið
lagið og sopið af fleyg, og sungið
meira þegar inn var komið, Jóhann
í Holti var gangnaforingi og ég
gleymi því aldrei hvað hann söng
fallega millirödd við lagið Ég vitja
þín æska.
Daginn eftir var áfram haldið til
leitar að fé, ég man nú ekki hvar
við pabbi vorum á göngum þann
daginn en gott var að koma í
Áfanga í dagslok og fá heitt kakó
hjá Gunnu og Döddu, en Dadda
á Orrastöðum var til aðstoðar
Gunnu þessar göngurnar, og svo
veislumaturinn um kvöldið, grillaðir
lambahryggir að hætti Gunnu.
Þriðja og síðasta daginn hélt
smölun áfram, ég man nú svo sem
lítið hvernig hann gekk fyrir sig,
hlýtur að hafa verið tíðindalítill, en
út að heiðargirðingu komumst við
og riðum svo niður í Hrafnabjörg
og geymdum hestana þar til næsta
dags.
Ég hef farið í margar seinni göngur
síðan og það grípur mann alltaf
sérstök tilfinning strax og maður
er aðeins kominn fram á heiðina,
loftið er tærara og frelsið felst í
víðáttunni, ekkert áreiti. Ég hef nú
oftast verið síðasta dag gangna
einhverstaðar nálægt Blöndugili,
þar er dásamlegt að ríða meðfram
og horfa á hrikalegt gilið og
náttúrufegurðina sem allt umlykur,
fara yfir Vallgilið og koma svo í
Landsenda sem er út við girðingu
niðri við gil, grasi gróinn og alveg
sér á parti, það er eitthvað hrífandi
við heiðina, einhver þrá til hennar
sem aldrei dvín.
Með vind í fangið, fé og strangar glímur
fylgi rangri götu, þarna er á
syngjum langar seinni gangna rímur
svona þangað til að lokast brá.
- - - - - - -
Ég skora á Jón Gíslason á Stóra
Búrfelli að koma með pistil.
ÁSKORENDAPENNINN
Ásmundur Óskar Einarsson Grænuhlíð
Fyrstu göngurnar
UMSJÓN
palli@feykir.is
Hvernig nemandi varstu? Ég vona
að ég hafi verið ágætur nemandi,
áhugasöm og dugleg varðandi
efni sem ég hafði áhuga á þó
að ýmislegt gæti hafa verið sett í
skammtímaminnið.
Hvað er eftirminnilegast frá
fermingardeginum? Þar sem að
ég er gríðarlegt afmælisbarn og
fermdist á afmælisdaginn minn
man ég mest eftir því hvað ég var
ánægð með DVD spilara sem ég
fékk í fermingargjöf því þar fékk
ég ástæðu til þess að fara út á
næstu videoleigu, leigja mér DVD
mynd, segja kennitöluna mína og
þannig fá aðra afmæliskveðju frá
starfsmanninum.
Hvað ætlaðir þú að verða þegar
þú yrðir stór? Ég ætlaði mér að
verða rannsóknarlögreglumaður,
arkitekt eða lýtalæknir og varð því
augljóslega ferðamálafræðingur.
Hvert var uppáhalds leikfangið
þitt þegar þú varst krakki? Það
voru dúkkulísur sem afi klippti út
fyrir mig og ég litaði síðan. Ég á
þær ennþá.
Besti ilmurinn? Allt sem á ein-
hvern máta má tengja við jólin.
Hvað varstu að hlusta á þegar
þú fékkst bílprófið? Ég og besta
vinkona mín vorum ákaflega
duglegar við að tína saman bestu
lög hvers tíma og lögðum hug
okkar og hjarta í að búa til safn-
diska sem var það eina sem
hlustað var á í rauðgulu Nissan
Micrunni sem var farartækið mitt á
þeim tíma. Á diskunum mátti finna
allt frá Snoop Dog til Karlakórsins
Heimis – en hvert lag var sérvalið.
Hvaða lag er líklegast að þú takir
í Kareókí? I Will Survive með
Gloriu Gaynor - fyrirgefið allir sem
hafa eða munu heyra mig í kareókí.
Hverju missirðu helst ekki af í
sjónvarpinu? Áramótaskaupinu.
Besta bíómyndin? Cry Baby,
vegna þess að ég á bara góðar
minningar með mömmu tengdar
þeim skiptum sem ég hef horft á
hana.
Hvaða íþróttamanni hefurðu
mestar mætur á? Íslenska
kvennalandsliðinu í fótbolta, í
heild.
Hvað gerir þú betur en allir aðrir
á þínu heimili? Keyri gokartbíla.
Hvert er snilldarverkið þitt í
( RABB-A-BABB ) oli@feykir.is
NAFN: Guðríður Hlín Helgudóttir en alltaf kölluð Gauja.
ÁRGANGUR: 1987.
FJÖLSKYLDUHAGIR: Í sambúð með Ólafi Tryggvasyni og eigum
við saman Tryggva Gunnar (5 ára) og Helga Leó (4 ára) en svo
á ég líka stjúpdótturina Júlíu Jöru.
BÚSETA: Á besta stað á Hvammstanga.
STARF/NÁM: Ferðaskrifstofustjóri Seal Travel, verkefnastjóri
Selasetursins og nýkjörin formaður Ferðamálasamtaka
Norðurlands Vestra.
HVAÐ ER Í DEIGLUNNI: Það er sjaldan lognmolla í kringum mig
en í augnablikinu er ég að ljúka við gerð smáforrits (e. app)
sem er leiðsögn og upplýsingaforrit fyrir ferðamenn, og
aðra, um Húnaþing vestra, við erum einnig að ljúka við DMP
vinnu fyrir Norðurland, undirbúa sumarið á Selasetrinu
ásamt ýmsum öðrum skemmtilegum verkefnum með stjórn
Ferðamálasamtakanna.
Gauja Hlín
eldhúsinu? Þar sem ég er með
ofnæmispésa á heimilinu hef ég
þurft að læra nýjar leiðir í mörgu en
ætli það sé ekki döðlukakan mín.
Hættulegasta helgarnammið?
50% afslátturinn í Hagkaup, hef án
gríns keyrt 200 km fyrir hann.
Hvernig er eggið best? Þar sem
sonur minn er með mikið eggja-
ofnæmi þá finnst mér eggið best
sem lengst í burtu frá honum.
Hvað fer mest í taugarnar á þér
í fari þínu? Get verið fullkomn-
unarsinni hvað varðar sjálfa mig.
Hvað fer mest í taugarnar á
þér í fari annarra? Fordómar og
ókurteisi.
Uppáhalds málsháttur eða til-
vitnun? Það gerist það sem á að
gerast.
Hver er elsta minningin sem þú
átt? Einn leikskóladaginn minn
grófum ég og vinur minn göng
undir hliðið út af leikskólalóðinni og
hlupum til fjölskylduvinar sem bjó
nálægt. Komum stuttu seinna til
baka með alla vasa fulla af Daim
súkkulaði. Ég hef verið um 4 ára.
Hvaða teiknimyndapersóna höfð-
ar mest til þín? Dóra í Leitin af
Nemo – Just keep swimming.
Hvaða fræga manneskja mundir
þú helst vilja vera? Ég myndi
vilja vera Jeff Bezos [stofnanda
Amazon-netverslunarinnar] og nýta
alla frægðina hans og peninginn í
það að gera heiminn betri fyrir alla.
Hver er uppáhalds bókin þín
og/eða rithöfundur? Dóttir
Veðurguðsins er frábær bók til
að lesa fyrir eða með börnunum
sínum. Helga Sv. Helgadóttir er
ekki bara snillingur þegar kemur að
því að skrifa bækur sem höfða til
allra heldur er hún líka uppáhalds
mamman mín.
Orð eða frasi sem þú notar of
mikið? „mmmbæ” skilst mér á
þeim sem hafa talað við mig í síma.
Hver var mikilvægasta persóna
síðustu 100 ára að þínu mati?
Að mínu mati eru það amma mín
og afi.
Ef þú gætir farið til baka í tímann,
hvert færirðu? Færi til ársins 1950
og myndi hanga með ömmu og afa.
Afi var stórskemmtilegur söngfugl
frá Skagafirði svo að það var aldrei
leiðinlegt í kringum þau tvö.
Hver væri titillinn á ævisögu
þinni? „Ég sagði ykkur að þetta
myndi reddast”
Framlenging:
Ef þú gætir hoppað upp í flugvél
og réðir hvert hún færi, þá
færirðu... beint til Spánar með alla
sem ég elska
Ef þú ættir að dvelja alein á
eyðieyju, hvaða þrjá hluti tækirðu
með þér? Hníf, Sriracha sósu og
bjór.
Nefndu eitthvað þrennt sem þér
finnst þú mega til að gera áður en
þú gefur upp öndina: Vera partur af
uppbyggingu og vexti ferðaþjónustu
á Norðurlandi, fá súkkulaði nefnt
eftir mér og auðvitað þetta sígilda:
að sjá börnin mín vaxa og dafna.
Gauja Hlín. MYND ÚR EINKASAFNI
Ásmundur með tvo til reiðar. MYND ÚR EINKASAFNI
15/2018 9
Ert þú búinn
að kíkja til okkar?
Feykir.is