Feykir - 25.04.2018, Blaðsíða 8

Við hjónin fórum til Gran Canary
í byrjun febrúar og dvöldum þar í
fjórar vikur. Við höfum ekki komið
á þessar slóðir líklega um 17 ár,
höfum í staðinn dvalið í Suður
Evrópu á haustin til að lengja
sumarið.
En nú fannst okkur kominn tími
til að endurnýja kynni okkar af
Canary, drifum okkur á Netið og
pöntuðum delux Bungalow eins
og það var kallað í Maspalomas,
rólegur og góður staður en ég hafði
ekki höfuð í að átta mig á deluxinu,
en það er önnur saga. Dvölin þarna
var að sjálfsögðu ljómandi góð,
hitastig var +18-23°C alla daga
en gat verið nokkuð hráslagalegt á
nóttunni, sérstaklega ef skýjað var
seinni part dags eða jafnvel rigning.
Ótrúlegur fjöldi Íslendinga á
eftirlaunaaldri virðist dvelja þarna
í talsverðan tíma yfir veturinn,
Jóhanna konan mín sagði einhverju
sinni að hún hefði á tilfinningunni
að heimilismenn Grundar hefðu
tekið sig til og fjölmennt til Canary.
Einhverju sinni fórum við á
kínverskan veitingastað og þegar
inn var komið hljómaði söngur
Björgvins Halldórssonar í salnum,
mér fannst að kínversk tónlist væri
frekar viðeigandi. Skýringin kom
um það leyti sem við vorum að
fara, þá fylltist allt af Íslendingum
sem voru greinilega búnir að hita
sig upp fyrir matinn og voru í góðu
stuði.
Það fór ekki fram hjá manni
í þetta skiptið frekar en í öll
önnur skipti sem farið er út fyrir
landsteinana, nema þegar farið er
til Norðurlandanna, hvers konar
ræningjabusiness er stundaður í
verslunum hér á landi. Það getur
hins vegar verið að þeim sem
lifa og starfa í þessum löndum
þar sem okkur finnst allt svo
ódýrt, finnist það sama um sína
kaupmenn vegna þess að launin
eru þar lægri en hjá okkur. Ég hélt
þó að Þýskaland væri ekki neitt
láglaunasvæði en það gildir það
sama þar þegar keyptur er fatnaður
eða í matinn.
Sama er að segja um gatnakerfi
það virðist alls staðar vera betra
en hér, þar sem ég hef komið, að
undanskildu Póllandi og Möltu. Ég
verð þess nokkuð var þar sem ég er
alltaf með bíl þar sem ég dvel.
Hvað sem fleira má segja um ágæti
annarra þjóðfélaga er það svo að
við Íslendingar höfum það að mínu
mati mjög gott.
Ég dreg í efa að það sé nokkurs
staðar betra að búa, ef fólk er
tilbúið að leggja eitthvað á sig,
eiga allir með fulla heilsu, auðvelt
með að eignast íbúð. Rekstrar-
kostnaður húsnæðis er fremur
lítill hjá meirihluta landsmanna,
menntun þjóðarinnar góð,
heilbrigðiskerfið gott og mikið
niðurgreitt af Sjúkratryggingum.
Í raun er hér gott veðurfar þótt það
sé að jafnaði fremur kalt, vetrarhiti
yfirleitt einhverjar gráður sitt hvoru
megin við frostmarkið og algengasti
sumarhiti 12-16° með nokkrum
undantekningum.
Já, það er gott að búa á Íslandi,
það er land tækifæranna fyrir þá
sem bera sig eftir þeim.
- - - - - - -
Gunnar skorar á Sigurjón
Guðbjartsson á Skagaströnd að
koma með pistil.
ÁSKORENDAPENNINN
Gunnar Pálmason er brottfluttur Skagstrendingur
Pistill Gunnars birtist hér aftur þar sem svo óheppilega vildi til að
niðurlag hans vantaði í fyrri birtingu í 14. tbl. Feykis 2018
Er gott að búa á Íslandi?
UMSJÓN
palli@feykir.is
Gunnar nýtur lífsins á Kanarí. MYND ÚR EINKASAFNI
Ráðstefna að Hólum í tilefni aldarafmælis fullveldis Íslands
Auður skólans ærinn og framtíðin björt
Dagana 19. og 20. apríl var
haldin ráðstefna á Hólum í
Hjaltadal sem bar yfir-
skriftina „Áhrif skólahalds á
Hólum í Hjaltadal á
samfélagsþróun: Frá
fullveldi til framtíðar“.
Markmið ráðstefnunnar var
að varpa ljósi á hlutverk og
áhrif skólahalds á Hólum á
einstaklinga og samfélag.
Ráðherra mennta- og menn-
ingarmála, Lilja Alfreðsdóttir,
setti ráðstefnuna og sló
tóninn fyrir umræðu ráð-
stefnunnar. Mál fyrirlesara
einkenndist af mikilli virð-
ingu fyrir verkum þeirra sem
starfað og numið hafa við
skólann, í tíð bændaskólans
sem og háskólans. Vægi
skólahalds í fræðilegu,
svæðisbundnu og sögulegu
samhengi var ótvírætt dýr-
mætt að mati ráðstefnugesta
og ber merki fyrirhyggju,
áræðni og staðfestu. Fram-
sögur fyrrverandi nemenda
gáfu jafnframt til kynna að
nám við skólann veiti ein-
staklingum gott veganesti til
eigin atvinnusköpunar,
tengslanet til framtíðar og
hvetji til framsækni í leik og
starfi. Orka Hólastaðar umlék
ráðstefnugesti í sumarbyrjun.
Augljóst er að skólahald að
Hólum í Hjaltadal hefur, í
bráð og lengd, haft djúpstæð
áhrif á íslenskt samfélag með
menntun einstaklinga, víðs-
vegar af landinu, sem hafa
brennandi áhuga á fræða-
sviðum sínum og sterkar
taugar til skólans. Auður
Háskólans á Hólum og
íslensks samfélags er ærinn
og framtíðin björt.
Á ráðstefnunni voru hald-
in 13 erindi auk þess sem
fulltrúar 15, 25 og 50 ára
afmælisárganga deildu upp-
lifunum sínum frá náms-
dvölinni og lífi að loknu námi
með ráðstefnugestum. Einnig
var ásýnd Hóla í 100 ár gerð
skil í myndasýningu Hjalta
Pálssonar og teiknararnir
Elín Elísabet Einarsdóttir og
Lóa Hlín Hjálmtýsdóttir
fönguðu efni ráðstefnunnar á
myndrænan hátt. Að kvöldi
fyrri ráðstefnudags, sumar-
dagsins fyrsta, var hátíðar-
kvöldverður þar sem Gunnar
Rögnvaldsson stýrði dagskrá
og af því tilefni skellti hann í
brag um skólastarfið.
Erindi á ráðstefnunni
fluttu: Jón Torfi Jónasson,
Menntahugmyndir fara á flug
– Hólar í upphafi 20. aldar,
Jón Bjarnason, Um endur-
reisn Hólaskóla 1981 - Átök og
hollráð að tjaldabaki, Allyson
Macdonald, Gæði samfélags
– geta til aðgerða, Anna
Guðrún Edvardsdóttir, Þekk-
ing í þágu samfélags, Sigríður
Þorgrímsdóttir, „Skólinn er
hjarta samfélagsins“, Jón
Eðvald Friðriksson, Háskóli í
héraði, Þórólfur Sveinsson,
Hólaskóli um 1970, minn-
ingar og vangaveltur, Guðrún
Stefánsdóttir, Sérhæft hesta-
nám við Hólaskóla og mikil-
vægi þess fyrir Íslandshesta-
heiminn, Arnar Bjarki
Sigurðarson, Reiðkennsla án
landamæra, Áskell Heiðar
Ásgeirsson, Viðburðaríkt líf
eftir nám, Arnþór Gústavs-
son, Er skynsamlegt að nema
fiskeldisfræði?, Knútur Rafn
Ármann, Friðheimar - Hestar,
garðyrkja og ferðaþjónusta,
Svava H. Guðmundsdóttir,
Þegar einar dyr lokast opnast
aðrar.
Ráðstefnan var samstarfs-
verkefni Háskólans á Hólum,
Sveitarfélagsins Skagafjarðar
og Hjalta Pálssonar og var
viðburðurinn styrktur af
afmælisnefnd fullveldis Ís-
lands.
Lilja Alfreðsdóttir, mennta- og menningarmálaráðherra, setti ráðstefnuna.
MYNDIR: HÓLASKÓLI
UMFJÖLLUN
Erla Björk Örnólfsdóttir
Erla Björk Örnólfsdóttir, rektor Hákólans á Hólum.
8 16/2018