Feykir - 25.04.2018, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
16
TBL
25. apríl 2018 38. árgangur
Frétta- og dægurmálablað á Norðurlandi vestra : Stofnað 1981
Húsfyllir í afmælisboði Heimis
Karlakórinn Heimir 90 ára
Hvert sæti var skipað í Miðgarði
þann 15. apríl sl. þegar Karlakórinn
Heimir blés til hátíðar í tilefni af 90
ára afmæli sínu seint á síðasta ári.
Var þetta fyrri hátíðin af tveimur en
kórinn hyggst endurtaka leikinn
laugardaginn 5. maí.
Þrátt fyrir háan aldur er óhætt að
segja að kórinn sé hinn reffilegasti og
beri aldurinn vel. Kórfélagar hafa
sjálfsagt aldrei verið fleiri og sérlega
ánægjulegt er að unga kynslóðin á þar
marga fulltrúa. Í máli Gísla Árnason-
ar, formanns kórsins sem gerði sögu
kórsins skil, kom fram að aldurs-
munurinn á elsta og yngsta kórfélag-
anum er um 70 ár.
Dagskráin var samspil söngs og
talaðs máls en þeir Agnar Gíslason á
Miklabæ og Björn Björnsson á
Sauðárkróki röktu á gamansömum
nótum sögu kórsins í samantekt
Gunnars Rögnvaldssonar og einnig
voru nokkur atriði úr sögunni túlkuð
af leikurum úr Leikfélagi Hofsóss og
nokkrum kórfélögum.
Eins og vera ber í afmælishófi var
gestum var svo boðið til herlegrar
kaffiveislu að hætti eiginkvenna
Heimsmanna og var þar enginn
svikinn enda hafði formaður kórsins
orð á að skagfirskir karlar væru líklega
betur kvæntir en gengur og gerist. /FE
Ungliðar kórsins túlka upphafið að stofnun hans.
Kjördæmismót í
skólaskák og sumarfrí
Skák
Reglulegu vetrarstarfi Skákfélags Sauðárkróks lauk
síðasta vetrardag með atskákmóti. Tefldar voru fimm
umferðir með 15 mínútna umhugsunartíma og voru
þátttakendur sex talsins.
Efstur varð Jón Arnljótsson með fjóra vinninga. Þrjá
vinninga hlutu þeir Pálmi Sighvatsson, Hörður
Ingimarsson og Örn Þórarinsson. Guðmundur
Gunnarsson hlaut tvo vinninga en Pétur Bjarnason var
án vinnings.
Á heimasíðu klúbbsins kemur fram að fyrirhugað er
að hafa tvær til þrjár æfingar stuttu fyrir Landsmót
U.M.F.Í. sem verður haldið á Sauðárkróki í sumar. Teflt
verður 14. júlí, fimm umferðir, 25 mínútna skákir.
Skráning er á heimasíðu Landsmótsins, en Skákfélag
Sauðárkróks sér um framkvæmd mótsins. /PF
Kórinn ásamt stjórnanda sínum, Stefáni R. Gíslasyni, og kynnum tveim, Agnari Gunnarssyni og Birni Björnssyni.
MYNDIR: FE
Guðmundur Valtýsson flutti kveðju í
bundnu máli frá Karlakór Bólstaðarhlíðar-
hrepps.
Fyrrverandi formaður kórsins, Þorvaldur
Óskarsson á Sleitustöðum, árnaði heilla.
Fjöldi gesta samfagnaði afmælisbarnainu.
Simmi póstur fékk mynd
af Farmall kubb í síðustu
póstferðinni
Draumamyndin í Búvélasafnið í Lindabæ
Sögulega stund varð
þann 18. apríl þegar
Simmi póstur, Sigmar
Jóhannsson í Lindabæ,
kom í sína síðustu póst-
ferð í Hóla.
Við það tilefni var
honum færð gjöf frá
háskólanum, mynd af
Farmall Cub traktor, en að
sögn Guðmundar B.
Eyþórssonar, fjármála- og
starfsmannastjóra skól-
ans, var Simmi alloft
búinn að spyrjast fyrir um
þá mynd, til að hafa í
búvélasafninu sínu.
Óhætt má segja að
myndin eigi eftir að sóma
sér vel á Búvélasafninu í
Lindabæ en þar er til húsa
margir góðir gripir sem
vert er að skoða.
„Sveitungar þakka Simma
pósti kærlega fyrir árin 17
og þrjá mánuði betur, og
óskum við honum til
hamingju með tímamót-
in,“ segir Guðmundur
sem sendi Feyki myndina
af Simma með Farmall-
myndina góðu. /PF
Simmi ánægður með Farmallmyndina sem honum var færð í síðustu
póstferðinni í Hóla. MYND: GUÐMUNDUR B. EYÞÓRSSON
Feykir.is
Bara nokkuð sprækur!