Feykir - 16.05.2018, Blaðsíða 4

X18 AÐSENT : Axel Kárason skrifar
Íþróttasamfélagið Skagafjörður
Ég vil byrja á því að þakka íbúum
Skagafjarðar fyrir stuðninginn við
okkur strákana í Tindastól á nýliðnu
tímabili. Það er ekki sjálfgefið að fólk
hafi áhuga á því sem
maður fæst við og ekki
hægt annað en að vera
auðmjúkur yfir
stuðningnum og
áhuganum sem við
höfum fundið fyrir í vetur
og í vor.
Fyrir samfélag eins og
Skagafjörð liggur grunn-
urinn að árangri og sam-
stöðu líkt og náðist í vetur í
öflugu barna- og unglinga-
starfi í héraðinu. Mikilvægi þess að
börn og ungmenni eigi þess kost að
stunda íþróttir verður seint metið til
fjár. Fornvarnargildi íþrótta- og æsku-
lýðsstarfs hefur sannað sig svo um
munar, og að auki er það mín reynsla
að íþróttir geta gefið ungmennum ýmis
verkfæri til að fóta sig í lífinu. Má þar
nefna getuna til að starfa í hóp,
vinnusemi og að læra af
mistökum sínum. Því
skiptir öflugt íþróttastarf
miklu fyrir samfélag eins
og okkar.
Við Framsóknarmenn
viljum auka þátttöku barna
og unglinga í íþróttastarfi
um allt hérað og höfum
sýnt það í verki með þeim
fjölmörgu framkvæmdum
sem ráðist hefur verið í og
boðaðar hafa verið til að
bæta íþrótta- og æskulýðs-
starf í héraðinu. Má þar nefna upp-
byggingu á gervigrasvelli á Sauðár-
króki, nýju parketgólfi í íþróttahúsinu á
Sauðárkróki, fyrirhugaðri uppbygginu
á útikörfuboltavelli í Varmahlíð og á
Hofsósi, nýrri skíðalyftu í Tindastóli,
endurbótum á sundlaug Sauðárkróks,
nýrri rennibraut við sundlaugina í
Varmahlíð og fyrirhugaðri uppbygg-
ingu á íþróttahúsi á Hofsósi.
Á síðasta kjörtímabili voru gerðar
breytingar á reglum sveitarfélagsins
um hvatapeninga og þær rýmkaðar.
Til-gangurinn með því var að koma
betur til móts við þann kostnað sem af
því hlýst að börn stundi fleiri en eina
íþrótt.
En lífið er að vera í stöðugri
framför, og á stefnuskrá Fram-
sóknarflokksins fyrir komandi kjör-
tímabil er áfram lögð mikil áhersla á
íþrótta- og æskulýðsmál. Sem dæmi
þá viljum við hækka hvatapeninga
umtalsvert strax í upphafi kjörtíma-
bilsins. Æfingagjöld í sveitarfélaginu
eru lág í samanburði við önnur
sveitarfélög og við þurfum að tryggja
að svo verði áfram. Samhliða því að
hvatapeningar verða hækkaðir þarf
sveitarfélagið að gera samning við
UMSS um æfingagjöld þannig að
hækkun hvatapeninga muni ekki leiða
af sér hækkun æfingagjalda. Það er
forsenda þess að hækkun hvatapen-
inga skili sér til íbúa sveitarfélagsins.
Við viljum einnig endurskoða styrki
sveitarfélagsins til UMSS til að gera
íþróttafélögum betur kleift að sinna
iðkendum í þeim fjölmörgu íþrótta-
greinum sem boðið er upp á.
Sveitarfélagið Skagafjörður er íþrótta-
samfélag og á að vera svo áfram.
Með kveðju,
Axel Kárason,
sem skipar 4. sæti á lista
Framsóknarflokksins í Svf. Skagafirði
X18 AÐSENT : Sigurlaug Vordís skrifar
Ég er íbúi í Skagafirði
Það er svo margt sem ég elska við
Skagafjörð, við eigum magnaðar
náttúruperlur sem við erum svo
heppin að fá að njóta á hverjum
degi, við eigum stórkostlegt mannlíf
og afar mörg virk
starfandi félagssamtök.
Við getum verið afar
stolt af allri upp-
byggingunni sem á sér
stað í Skagafirði í íþrótta
og tómstundastarfi. Við
eigum endalaust af
glæsilegum viðburðum
og glæsilegu fólki sem er
tilbúið að gefa tíma sinn
og vinnu í óeigingjarnt
starf fyrir samfélagið
sitt, hvort sem það er í
þágu menningar, íþrótta,
einstaklinga, fjölskyldu eða sérstaks
málefnis. Samfélagið okkar hefur þá
sérstöðu að vera umhugað um
hvert annað, þá sérstöðu þurfum
við að passa upp á.
Skagafjörður er afar dreifð byggð, á
4,180 km2 búum við næstum 4000
manns. Við veljum að búa í t.d.
Fljótum, Hofsósi, Varmahlíð, Sauðár-
króki og þar með veljum við að búa í
Skagafirði. Í mannréttindayfirlýsingu
Sameinuðu þjóðanna segir „Allir eru
bornir frjálsir og jafnir öðrum að
virðingu og réttindum“. Því miður
hnýt ég við orðið réttindi, því
sveitarfélagið mitt sem ég elska, er
því miður ekki að standa pliktina
gagnvart íbúum Skagafjarðar í þeim
efnum. Árið er 2018 og þá er mér
spurn hví heitt vatn sé forréttindi en
ekki mannréttindi. Hví er ekki jafn
réttur íbúa Skagafjarðar til þeirra
gæða og þjónustu sem kostuð er af
almannafé og nýtist mönnum til að
vaxa og dafna. Hví er
boðið upp á heimsendan
heitan mat til eldra fólks
einungis á Sauðárkrók en
ekki í öllum Skagafirði.
Hví gildir ekki jafnrétti
óháð búsetu í fallega
samfélaginu okkar. Rétt-
lætiskennd mín grætur
svo sárt yfir svona
ójöfnuði sérstaklega þar
sem mörgu af þessu er
svo hæglega hægt að
breyta án mikils til-
kostnaðar t.d. auðveldlega væri hægt
að nýta skólamötuneyti hvers þétt-
býliskjarna, hvort sem eldra fólk
myndi vilja og hefði getu til að fara í
mötuneytið í hádeginu eða að sendill
yrði ráðinn á hverjum stað til að
sendast með matinn. Þannig myndast
einnig svæðisbundin störf.
Samkvæmt 1. gr Grunnþjónustu
skv. lögum um félagsþjónustu sveitar-
félaga er markmið félagsþjónustu á
vegum sveitarfélaga að tryggja fjár-
hagslegt og félagslegt öryggi og stuðla
að velferð íbúa á grundvelli sam-
hjálpar. Skal það gert með því
a. að bæta lífskjör þeirra sem standa
höllum fæti,
b. að tryggja þroskavænleg uppeldis-
skilyrði barna og ungmenna,
c. að veita aðstoð til þess að íbúar geti
búið sem lengst í heimahúsum,
stundað atvinnu og lifað sem
eðlilegustu lífi,
d. að grípa til aðgerða til að koma í
veg fyrir félagsleg vandamál.
Sveitarfélög eiga skv. X. kafla félags-
þjónustulaganna að stuðla að því að
aldraðir geti búið við eðlilegt
heimilislíf svo lengi sem verða má og
tryggja framboð á hentugu húsnæði
fyrir þá og stofnanaþjónustu þegar
hennar er þörf. Í því felst að það hvílir
ekki ófrávíkjanleg skylda á sveitar-
félögum að reka dvalarheimili, þjón-
ustuíbúðir eða önnur húsnæðisúr-
ræði fyrir aldraða. Það fer eftir
aðstæðum á hverjum stað og mati á
þörf. Hins vegar er sveitarfélögum
skylt að veita öldruðum heimaþjón-
ustu, aðgang að félags- og tómstunda-
starfi og sjá þeim fyrir heimsendingu
matar. Þetta er sú grunnþjónusta sem
sveitarfélögum ber að veita öldruð-
um. Þessu er sveitarfélagið okkar því
miður ekki að sinna fyrir allan
fjörðinn.
Látum mannréttindi, jafnrétti
óháð búsetu og félagslegt réttlæti vera
keppikefli næstu sveitastjórnar. Áður
en við framkvæmum eitthvað annað,
skulum við sameinast í að styrkja
innviði og mannauð Skagafjarðar og
koma þessum grundvallar réttindum í
lag. Við getum það öll saman.
Sigurlaug Vordís Eysteinsdóttir
Höfundur skipar 3. sæti VÓ –
Vinstri græn og Óháð.
Þriðjudaginn 8. maí komu félagar
í Veðurklúbbnum á Dalbæ saman
til fundar í því skyni að huga að
veðurhorfum í maímánuði. Fundurinn
hófst kl. 13:55 og voru fundarmenn
tíu talsins sem fóru yfir sannleiksgildi
síðustu spár og voru fundarmenn að
vonum sæmilega ánægðir með hvernig
til hefði tekist. Að vísu hafði veður
verið heldur kaldara en ráð var fyrir
gert, en spáin vel innan skekkjumarka
eins og gjarnan er sagt um spár af
hvaða tagi sem þær svo sem eru.
Nýtt tungl kviknar 15. maí kl. 11:48
í suðaustri og er það þriðjudagstungl.
Gert er ráð fyrir að veður verði svipað
og verið hefur undanfarið, þ.e. rysjótt
og frekar kalt miðað við árstíma.
Reikna má með hvítasunnuhreti með
snjókomu og kulda. Vindáttir verða
breytilegar og margt bendir til að
sumarið verði frekar kalt, a.m.k.
framan af. Ýmsar tilfinningar og
draumar eru forsendur fyrir þessari
veðurspá fyrir næsta mánuð og
framtíðarlíkum, en nánar um það síðar.
Fundi lauk síðan kl. 14:20
Veðurvísa mánaðarins:
Í apríl sumrar aftur,
þá ómar söngur nýr.
Í maí flytur fólkið
og fuglinn hreiður býr.
Með góðri kveðju,
Veðurklúbburinn á Dalbæ
/PF
Veðurklúbburinn á Dalbæ
Hvítasunnuhret
og kuldi
4 19/2018