Feykir - 30.05.2018, Blaðsíða 6
Lífið um borð
Hvað gerir bátsmaður?
Þau eru margvísleg störfin
sem sjómenn þurfa að leysa
af hendi á sjónum og fyrir
algeran landkrabba, eins og
undirritaður er, segir það
manni ekkert hvað bátsmaður
er eða hvað hann gerir. Var
því sendur póstur á einn
slíkan í tilefni sjómannadags-
helgar, Harald Birgisson sem
er í áhöfn Málmeyjar SK-1, og
hann spurður út í ýmislegt er
tengist sjónum.
Hvenær byrjaðir þú að stunda
sjóinn? -Árið 1988, þegar
Fiskiðjan Skagfirðingur keypti
sinn fyrsta togara, Skagfirðing.
En áður hafði ég af og til farið
á trillum. Svo var sullað á
árabátum og smátrillum í
fjörunni á Bakka við silunga-
og rauðmagaveiðar.
Hvað er skemmtilegast við
sjómennskuna? - Það er margt
sem getur verið skemmtilegt
við sjómennskuna t.d. eru allar
veiðar skemmtilegar þegar vel
veiðist og vel viðrar. Svo hefur
maður kynnst mörgum
eftirminnilegum til sjós.
Hvað er erfiðast við sjó-
mennskuna? -Það er fjarlægðin
við manns nánustu og sér-
staklega þegar eitthvað bjátar á
í landi. Þá er maður eðlilega
fastur um borð og getur lítið
gert.
Hvaða stöðu gegnir þú um
borð? -Bátsmaður.
Geturðu lýst venjulegum degi
eða vakt hjá þér um borð?
-Bátsmaður er yfirmaður ann-
arrar vaktarinnar, nokkurs-
konar verkstjóri hásetanna.
Hann fer upp í brú og stjórnar
spilum þegar híft er. Vaktin eru
átta klst. og vaktaskipti á
hádegi, kl 20 og svo 04 um
nóttina. Þannig gengur það
túrinn á enda. Þegar trollið
hefur verið híft fer mann-
skapurinn í aðgerð þ.e. að gera
að aflanum og koma honum
niður í lest. Svo þarf auðvitað
að viðhalda veiðarfærum þegar
tími gefst til. /PF
Bárður Eyþórsson og Haraldur Birgisson klárir í slaginn á Málmey. MYND. FB
Karlaboltinn
Víðir sigraði lið Tindastóls
Karlalið Tindastóls lék
fjórða leik sinn í 2. deildinni
í sumar sl. laugardag við
frekar blautar aðstæður.
Leikið var á Sauðárkróks-
velli sem er nú enn ekki
kominn í sína fagurgrænu
fegurð heilt yfir. Það var lið
Víðis í Garði sem heimsótti
Stólana og líkt og í fyrri
leikjum sumarsins fóru
Stólarnir halloka. Lokatölur
1-3 fyrir Víði.
Lið Tindastóls byrjaði
fyrsta heimaleik sumarsins
með glæsibrag því Stefan
Antonio Lamanna gerði
fyrsta mark leiksins strax á 2.
mínútu en forysta Stólanna
entist aðeins í um 20 mínútur
því á 23. mínútu jafnaði Tonci
Radovnikovic metin. Heima-
menn urðu síðan fyrir áfalli
þegar Andri Gíslason kom
Víðismönnum yfir í upp-
bótartíma fyrri hálfleiks.
Ekki tókst Tindastólsmönn-
um að jafna leikinn í síðari
hálfleik en Fannar Orri
Sævarsson bætti við þriðja
marki gestanna á 66. mínútu
og þar við sat.
Næsti leikur er gegn liði
Kára á Akranesi næstkom-
andi sunnudag/ÓAB
Meirihlutinn hélt í Svf. Skagafirði
Úrslit sveitarstjórnarkosninga á Norðurlandi vestra
Nú er rykið farið að setjast eftir
spennandi sveitarstjórnar-
kosningar og fólk víða farið að
spá í spilin með framhaldið.
Sumstaðar náðu framboð
hreinum meirihluta eins og í
Húnaþingi, Blönduósi og
Skagaströnd en í Húnavatns-
hreppi er ekki búið að mynda
meirihluta en samkvæmt
heimildum Feykis eru fulltrúar
A Lista fólksins og N Listans
að ræðast við og semja sín á
milli. Í Skagafirði hélt meirihluti
Framsóknar og Sjálfstæðis,
þrátt fyrir mikla blóðtöku frá
fyrri kosningum en í Akrahreppi
og Skagabyggð var óhlutbundin
kosning.
Í Sveitarfélaginu Skagafirði
urðu mikil tíðindi er hið nýja
afl, Byggðalistinn, fékk góða
kosningu, 20,9% og tvo menn
inn og níu atkvæðum færra en
Sjálfstæðisflokkur sem einnig
fékk tvo menn og 20,9%.
Vinstri græn og óháð reynist
næst stærsti flokkurinn með
24,3% atkvæða og einnig með
tvo menn en Framsóknar-
flokkur fékk þriðjung atkvæða,
33,9% og missti tvo menn frá
síðustu kosningum.
Á Blönduósi voru tveir listar í
framboði og varð mjótt á
munum þar sem L-listinn fékk
51,20% og fjóra menn en Ós-
listinn 48,80% og þrjá menn.
Á Skagaströnd fékk Skaga-
strandarlistinn afgerandi
kosningu, 60,90% og þrjá
menn en Við öll 39,10% og
tvo menn.
Í Húnavatnshreppi buðu þrír
listar fram og fékk Listi
framtíðar flest atkvæði eða
41,42% og þrjá menn.
N-listinn er nýtt framboð og
náði fjórðungi atkvæða
25,00% og tvo menn og Nýtt
afl fékk 33,58% og tvo menn.
Í Húnaþingi vestra voru tveir
listar í boði og náði B-listi
Framsóknar og annarra
framfarasinna meirihluta með
54,75% atkvæða og fjóra menn
en Nýtt afl 45,25% og þrjá
menn.
Í Skagabyggð var óhlutbundin
kosning líkt og í Akrahreppi
en þar skipa konur efsta sæti
hvors lista.
Dagný Rósa Úlfarsdóttir
fékk flest atkvæði í Skaga-
byggð en með henni sitja
Magnús Jóhann Björnsson,
Kristján S Kristjánsson, Karen
Helga R Steinsdóttir og
Magnús Bergmann Guð-
mannsson.
Hrefna Jóhannesdóttir fékk
mestan fjölda atkvæða í Akra-
hreppi en með henni eru Eyþór
Einarsson, Þorkell Gíslason,
Drífa Árnadóttir og Einar
Gunnarsson.
Útstrikanir
Þrátt fyrir stórsókn Bjarna
Jónssonar, oddvita Vinstri
grænna og óháðra í Skagafirði,
var oftast strikað yfir nafn
hans eða 52 sinnum en
yfirkjörstjórn hefur yfirfarið
kjörseðla þar sem strikað hefur
verið yfir nöfn frambjóðenda
í Svf. Skagafirði. Yfirstrikanir
í heild voru 188 og höfðu ekki
áhrif á úrslit kosninga eða
röðun á lista.
B-listi Framsóknarflokks, 73
útstrikanir alls, oftast strikað
yfir nafn Stefáns Vagns Stefáns-
sonar eða 50 sinnum.
D-listi Sjálfstæðisflokks, 48
útstrikanir alls, oftast strikað
yfir nafn Gunnsteins Björns-
sonar eða 37 sinnum.
L-listi Byggðalistans 4 útstrik-
anir alls, oftast strikað yfir
nafn Jóhönnu Ey Harðardóttur
eða 3 sinnum.
V-listi Vinstri hreyfingarinnar
græns framboðs og Óháðra, 63
útstrikanir alls, oftast strikað
yfir nafn Bjarna Jónssonar eða
52 sinnum.
Nánar er hægt að sjá hverjir
lentu í ónáðinni hjá kjósendum
á Feyki.is. /PF
Sveitarfélögin á Norðurlandi vestra.
Svf. Skagafjörður
B og D áfram í meirihluta
Framsóknar- og
Sjálfstæðisflokkur hafa
ákveðið að endurnýja
samstarf sitt í Sveitarstjórn
í Sveitarfélaginu Skagafirði
en Byggðalistinn hafnaði
þátttöku í meirihlutasam-
starfi.
Eftir niðurstöður sveitar-
stjórnarkosninga í Sveitar-
félaginu Skagafirði er ljóst að
meirihluti Framsóknar-
manna og Sjálfstæðismanna
heldur þar sem Framsókn
fékk þrjá menn kjörna og
Sjálfstæðisflokkur tvo. Nú-
verandi meirihlutaflokkar
hafa tekið ákvörðun um að
endurnýja samstarfssamning
flokkanna fyrir næstu fjögur
ár.
Í tilkynningu frá odd-
vitum flokkanna, Stefáni
Vagni Stefánssyni og Gísla
Sigurðssyni segir að unnið
verði að gerð nýs málefna-
samnings næstu daga sem
verður kynntur þegar hann
liggur fyrir.
Flokkarnir hafa þegar
boðið Byggðalistanum, sem
fékk tvo menn kjörna í
sveitarstjórn, aðkomu að
nýjum meirihluta en því
tilboði var hafnað.
Ásta Pálmadóttir, sveitarstjóri
Sveitarfélagsins Skagafjarðar
undanfarin átta ár, gefur ekki
kost á sér til áframhaldandi
starfa á þeim vettvangi og
verður því auglýst eftir nýjum
sveitarstjóra. /PF
6 21/2018