Feykir - 30.05.2018, Blaðsíða 10

Heilir og sælir lesendur góðir.
Engum sem til þekkja þarf að koma á óvart
að sá magnaði hagyrðingur, Ingólfur Ómar,
hafi hlotið fyrstu verðlaun fyrir botn sinn
í hagyrðingakeppni sem sett var af stað nú
fyrir skömmu í tengslum við Sæluviku.
Af því tilefni er nú gaman að rifja upp
sléttubandavísu eftir Ingólf, sem jafnframt
er oddhent.
Vakan ljóða eflir óð
örar blóðið streymir.
Stakan góða magnar móð
mælsku óðar geymir.
Get ekki stillt mig um að birta hina útgáfu
vísunnar ef ske kynni að allir lesendur hefðu
ekki áttað sig á hinni merkingunni.
Geymir óðar mælsku móð
magnar góða stakan.
Streymir blóðið örar óð
eflir ljóða vakan.
Ekki feilar Ingólfi í eftirfarandi hringhendu:
Gleði borið getur art
greikkað spor til muna.
Eykur vorið yndisbjart
orku þor og funa.
Kannski hefur það verið þegar vorsins fór að
gæta sem Pétur Stefáns orti um ferðalag.
Ég er heldur heima kær,
hangi að mestu inni.
Álpaðist þó út í gær
með eiginkonu minni.
Kannski hefur það verið um svipað leyti sem
Davíð Hjálmar fór í sitt ferðalag.
Ég skokk´ ekki, skylmist né hjóla
né skálma um brekkur og hóla
né kasta og stekk
en kvöld eitt ég gekk,
og komst milli hægindastóla.
Það mun hafa verið um sumarmálin sem
Páll Imsland orti svo:
Vetur er liðinn og veður hlýna,
vorið á næsta leiti.
Fuglarnir kroppa og fæðu tína
fönnin er lögst í bleyti.
Höskuldur Jónsson mun hafa ort þessa á
svipuðum tíma:
Fuglar syngja, fagnar kór
fljúga meðal kvista.
Sáust bæði sól og snjór
sumardaginn fyrsta.
Þrátt fyrir að komið væri fram í aðra viku
maí varð að loka fyrir umferð tímabundið,
bæði á Öxnadals- og Holtavörðuheiði vegna
snjóa og hálku. Kannski hefur Ármann
Þorgrímsson haft það í huga er hann orti svo:
Kári syngur kaldri raust
klónum hörðum beitir,
Vísnaþáttur 713
færist vorið fram á haust
fýkur mjöll um sveitir.
Held að Guðmundur Arnfinnsson hafi verið
búinn að yrkja þessa lipru hringhendu áður
en maíhríðararnar skullu á.
Hríðarbylur úti er,
inni vil nú kúra,
hringa bil, við hlið á þér
hlakka til að lúra.
Geta lesendur sagt mér hver er höfundur að
eftirfarandi vísu?
Nú er gamalt farið flest
fátt af slíku hirði.
Það sem áður þótti best
þykir einskins virði.
Minnir að næsta vísa sé eftir skáldkonuna
Huldu.
Oft mig dreymir ást og vor,
einskins þá ég sakna,
en mig skortir einatt þor
aftur til að vakna.
Einhverjir muna kannski enn eftir umræðu
er varð þegar ónefndur alþingismaður
fór að láta mynda sig í alþingishúsinu í
auglýsingaskyni. Um svipað leyti varð mikið
fjaðrafok út af bíl sem stóð mannlaus og
yfirgefinn í Esjuhlíðum. Að þessum tíð-
indum spurðum orti Eyþór Árnason, frá
Uppsölum í Skagafirði, svo:
Kveikir elda kjóll á þingi
kólnar loft þó fuglar syngi.
Magalentur í mýrarflesju
er mæddur jeppi uppi í Esju.
Um sama leyti mun eftirfarandi vísa
hafa komist á kreik, eignuð Hjálmari
Freysteinssyni:
Nú vermir landið sumarsól
og „signir fríðan dal og hól“
ríkir kæti um byggð og ból
Björt fer þá í nýjan kjól.
Þegar þau tíðindi spurðust að prinsinn
Hinrik vildi alls ekki láta jarða sig við hliðina
á drottningunni, orti læknirinn svo:
Hinrik og Margrét hvort öðru trú
höllina saman gistu.
Nú skilst mér að þessi skötuhjú
séu skilin að gröf og kistu.
Gott að lokum að leita til séra Tryggva
Kvarans með lokavísuna, sem hann mun
hafa ort um ógiftan samferðamann.
Gulls hjá niftum ungum er
Ari sviptur vonum.
Hefur skipti og hallar sér
helst að giftum konum.
Veriði þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) palli@feykir.is
Bjössi stundar ekki íþróttir – bara golf
Starfskynning 10. bekkjar Árskóla
Hann Eymundur Ás
Þórarinsson var í
starfskynningu hjá okkur á
Feyki dagana 21. – 22. maí.
Fékk hann að kynnast
fjölbreyttu starfi
blaðamannsins og hvernig
Feykir verður til. Fékk
Eymundur m.a. það verkefni
að skrifa ferðasögu 10.
bekkjar Árskólatil
Danmerkur sem birtist í
síðasta blaði og svo átti hann
að taka stutt viðtal við Björn
Sigurðsson, eða Bjössa, sem
liðsinnir Eymundi dags
daglega í skólanum sem og í
starfskynningunni.

Hvað heitir þú? -Björn Sig-
urðsson.
Hvaðan ertu ættaður? -Frá
Stóru-Ökrum í Blönduhlíð,
fríríki Skagafjarðar.
Við hvað vinnur þú? -Stuðn-
ingsfulltrúi í Árskóla.
Hefur þú farið til útlanda. Ef
svo er, hvert? -Alloft, u.þ.b. 20
sinnum. Of langt mál að telja
það upp.
Hvert er skemmtilegast að
fara? Innan og utanlands?
-Heim í Blönduhlíðina.
Hvert er skrítnast að fara.
Innan og utanlands? -Heim
aftur.
Ertu búinn að ákveða hvern
þú ætlar að kjósa? -Nei, ég er
með valkvíða.
Ertu áskrifandi að Feyki?
-Nei, fjármálafulltrúinn á
heimilinu sér um svoleiðis.
Stundar þú einhverja íþrótt?
-Nei, bara golf.
Horfir þú mikið á íþróttir? Ef
svo, hvaða? -Já, mjög mikið.
Næstum allt, alveg langflest.
Hvernig bíl keyrir þú? -Runo.
Trúir þú á geimverur? -Nei.
Hefur þú séð draug/eitthvað
óútskýrt eða dularfullt komið
fyrir þig? -Já, mér finnst
stundum einhver fylgjast með
mér.
Eitthvað að lokum? -Það fer
vonandi að koma sumar. Félagarnir Eymundur og Bjössi kampakátir. MYND: PF
10 21/2018