Feykir - 30.05.2018, Blaðsíða 16

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
21
TBL
30. maí 2018 37. árgangur
Frétta- og dægurmálablað á Norðurlandi vestra : Stofnað 1981
87 nemar brautskráðust
Skólaslit FNV
Fjölbrautaskóla Norðurlands vestra var slitið í 39. sinn
við hátíðlega athöfn í íþróttahúsinu á Sauðárkróki
föstudaginn 25. maí, að viðstöddu fjölmenni. Alls
brautskráðust 87 nemendur frá skólanum að þessu
sinni en í máli skólameistara, Ingileifar Oddsdóttur,
kom m.a. fram að 2.577 nemendur hafa brautskráðst
frá skólanum frá upphafi skólahalds haustið 1979.
Á vef FNV segir að í ræðu sinni greindi skólameistari
m.a. frá fjölbreyttu námsframboði skólans í þágu
atvinnulífs á svæðinu og þakkaði fyrirtækjum, stofn-
unum og sveitarfélögum fyrir afar ánægjulegt samstarf
í þeim efnum. Þá greindi hún frá viðurkenningu SFR
þar sem skólinn er í hópi fimm fyrirmyndarstofnana
árið 2018. Hún greindi frá könnun sem sýnir að
skólinn kemur afar vel út þegar kemur að námsgengi
fyrrum nemenda skólans í námi við Háskóla Íslands
auk þess að greina frá könnun á vegum Samtaka
atvinnulífsins sem sýnir að skólinn skilar nemendum
mjög vel undirbúnum til háskólanáms. Þennan
árangur þakkaði hún m.a. góðum starfsanda hjá
frábæru starfsliði skólans og dyggum stuðningi
sveitarfélaga og atvinnulífs. /ÓAB Nánar á Feykir.is
www.skagafjordur.is
Kæru brautskráningarnemendur
frá Fjölbrautaskóla Norðurlands vestra
Sveitarfélagið Skagafjörður sendir ykkur
hamingju- og heillaóskir í tilefni áfangans
Við þökkum samfylgdina á liðnum árum
og hlökkum til að eiga samleið
með ykkur sem flestum í framtíðinni
AÐSENT : Gunnar Rögnvaldsson skrifar
Verðandi sveitarstjórnarfólk
Nú er ljóst að allnokkrar
mannabreytingar verða í
komandi sveitarstjórn
Skagafjarðar. Allir þeir sem
þar gefa kost á sér eiga þakkir
skyldar fyrir að
ganga fram fyrir
skjöldu og sýna
þann áhuga og vilja
sem þarf til að
stjórna okkar
ágæta samfélagi.
Kröfur íbúa eru
mismunandi eftir
aldri og búsetu og
rísa þar hæst
samkvæmt venju
atvinnu- og
skólamál. En miklu
fleira skapar gott samfélag og
þar eru fjölbreytileiki þess,
félagsvitund og metnaður
fyrir heimabyggðinni
mikilvægir
þættir.
Á vakt komandi sveitastjórnar
hljóta byggðirnar út með
Skagafirði beggja vegna að verða
umræðuefni hennar. Hvað er
hægt að gera til að hægja á þessari
hnignun hefur oftlega verið
spurt? Tíminn er skammur.
Vissulega veit ég að ekki eru til
neinar skyndilausnir, en
sveitarstjórnin á að beita sér fyrir
þeim úrræðum sem mögulega
geta hvatt fólk til búsetu á slíkum
stöðum. Það hefur sýnt sig að
tvær til þrjár ungar fjölskyldur
sem flytja á réttu staðina geta
snúið þróuninni algerlega við. Því
er kominn tími á að skattaíviln-
anir verði að veruleika. Slík inn-
grip létta undir þar sem vega-
lengdir eru miklar
og fólk er jafnvel
knúið til að sækja
vinnu langar leiðir
að heiman. Og
hvað með opinberu
störfin? Með til-
komu ljósleiðara-
væðingar, eru þá
nokkur vandkvæði
á að hýsa einhver
þeirra t.d. í Fljótum,
nú þegar leggja á
skólann niður?
Húsnæði og starfsfólk á svæðinu.
Talandi um opinber störf.
Hversu vel skila þau sér í raun
inn í sveitarfélagið? Gaman væri
að fá tölur yfir þá opinberu
starfs-menn sem vissulega vinna
í Skagafirði a.m.k að hluta, en
búa annars staðar og greiða þar
með gjöld sín til annarra
sveitarfélaga og taka um leið
væntanlega lítinn þátt í daglegu
lífi þess. Erfitt er að skikka fólk
til búsetu, en þar sem margir
sækja um störf á þessum
vettvangi á þetta að vera einn
þeirra þátta sem taka á tillit til.
Svo er það vitundin. Nýleg
könnun benti til mikillar
lífshamingju okkar Skagfirðinga.
Það er vel og við eigum líka að
rækta hana, halda á lofti og
minna gesti okkar á hvar þeir eru
staddir. Ég veit ekki hversu oft ég
hef nefnt við þar til bæra aðila að
það vantar skilti á sýslumerki
Húnavatns og Skagafjarðar-
sýslu úti á Skaga og gott ef ekki
líka úti í Fljótum. Það eru nefni-
lega fleiri leiðir inn og út úr
sýslunni en Vatnsskarð og
Öxnadalsheiði.
Á ferðum mínum um landið
rekst ég stundum á tilvitnanir í
rithöfunda og skáld í gluggum
bygginga, sýnilegar ferðafólki.
Hvar eru tilvitnanir í Hannes
Pétursson, Guðrúnu frá Lundi,
Sigga Hansen í gluggum
Skagafjarðar? Einfalt og ódýrt og
þar getur Sveitarfélagið farið fyrir
og skreytt sínar byggingar leiftr-
andi tilsvörum og kveðskap.
Sjálfsagt er verið að vinna að
fjölmörgum göfugum málefnum
sem við meðaljónarnir vitum
ekki af og eiga eftir að koma
okkur til góða eins og ljósleiðara
og hitaveituvæðingin eru sannar-
lega. Enn eru þó svæði sem seint
eða aldrei munu fá hitaveitu frá
samveitu, þeim verður einnig að
sinna og bæta úr því sem brýnast
er áður en það er um seinan.
Gangi ykkur vel sem til forystu
veljist og munið að Skagafjörður
er víðfeðmur framan úr dölum og
út til annesja.
Gunnar Rögnvaldsson
Hluti brautskráningarnema FNV vorið 2018. MYND: PIB