Feykir - 06.06.2018, Blaðsíða 4

Hreinsunarátak BioPol og nemenda Höfðaskóla
Mikið um ónýt dekk
og plastrusl í fjörunum
Í síðustu viku sameinuðu
nemendur 6.-10. bekkjar í
Höfðaskóla og starfsfólk
BioPol á Skagaströnd krafta
sína og efndu til hreinsunar-
átaks í fjörunum í nágrenni
Skagastrandar. Átakið var
unnið að frumkvæði BioPol
og hafði Feykir samband við
Karin Zech , starfsmann
BioPol sem var hvatamaður
að því ásamt Þórhildi
Maríu Jónsdóttur.
Karin segir að hreinsunarátak
á Skagaströnd hafi í raun
staðið frá árinu 2014 þegar
BioPol og sveitarfélagið settu
upp skilti á tveimur stöðum í
þorpinu þar sem fólk var hvatt
til að tína upp rusl á
göngutúrum sínum. Það hafi
svo verið í vor, í framhaldi af
átaki Landverndar, Hreinsum
Ísland, sem þær Þórhildur hafi
fengið þá hugmynd að fá
skólann í lið með þeim og
strax fengið góðar undirtektir.
Nemendum var skipt í þrjá
hópa og fylgdu tveir kennarar
og einn starfsmaður BioPol
hverjum þeirra. 6. og 7. bekkur
gengu fjörur frá Finnsstaðanesi
að Salthúsinu. Á því svæði
safnaðist rusl í sjö ruslapoka
og nokkuð var um ónýt dekk
ásamt netadræsum, plasti og
járnarusli. Heildarþungi þess
var 220 kíló.
8. og 9. bekkur fengu
svæðið frá Vindhælisstapa að
Skagaströnd. Þar voru dekk
mest áberandi og var þeim
safnað í haug og sótt síðar en
til þess þurfti tvær ferðir á
vörubíl.
10. bekkur fór alla leið út í
Kálfshamarsvík og hreinsaði
hana og víkina utan við. Þar
söfnuðust um 90 kíló af rusli
og var plastefni ýmiss konar
áberandi.
Karin vonast til þess að
leikurinn verði endurtekinn
að ári, þá vonandi fyrr eða í
tengslum við norræna strand-
hreinsidaginn. Þá gæti gefist
ráðrúm til þess að ræða
verkefnið betur við börnin
eftir á sem ekki náðist núna
þar sem aðeins einn dagur var
eftir af skólaárinu. /FE
Prjónagleði á Blönduósi
Forsetafrúin veitir verðlaun
fyrir fullveldispeysuna
Prjónagleði á Blönduósi verður haldin í þriðja sinn
um næstu helgi, dagana 8.–10. júní. Hátíðin er haldin af
Textílsetri Íslands og samstarfsaðilum og sækir fyrir-
mynd sína til árlegrar prjónahátíðar í Fanö í Danmörku.
Á Prjónagleði kemur áhugafólk um prjónaskap saman og
deilir þekkingu og reynslu hvert með öðru og er hátíðin
opin öllu prjónafólki, hvort sem það hefur mikla eða litla
reynslu, eða jafnvel alls enga.
Prjónað í hring – Prjónagjörningu á Prjónagleði 2017. MYNDIR: PRJÓNAGLEÐI
Innsendar peysur verða til
sýnis á hátíðinni ásamt prjóna-
verkum grunnskólanemanna.
Frú Eliza Reid forsetafrú mun
afhenda verðlaun á hátíðar-
kvöldverði Prjónagleðinnar og
Einar Kr. Guðfinnsson, for-
maður afmælisnefndarinnar,
mun flytja ávarp. Einnig tóku
allir skólar í Austur-Húna-
vatnssýslu þátt í verkefninu og
prjónuðu stykki í fánalitunum
og verða stykkin sett saman í
teppi sem verður til sýnis á
Prjónagleðinni. Í framhaldinu
verður prjónlesið frá skólunum,
ásamt öðru sem prjónað hefur
verið af prjónagröffurum á
Blönduósi, hengt upp í Leifs-
stöð.
Er prjón
hamingjuaukandi?
Á hátíðinni verða ýmis for-
vitnileg námskeið í boði og er
námskeiðsgjald fyrir flest
þeirra 12.000 krónur. Þar
kennir margra grasa, t.d. verður
kennt að prjóna tvöfalt kaðla-
prjón, mósaíkmunstur og
dómínóprjón svo eitthvað sé
nefnt. Tveir fyrirlestrar verða í
boði auk fyrirlesturs sem
fluttur verður á opnunarhátíð
Prjónagleðinnar sem haldin
verður í bíósal Félagsheimilisins
klukkan 17:15, föstudaginn 8.
júní. Þórdís Kolbrún Reykfjörð
Gylfadóttir, atvinnumála- og
nýsköpunarráðherra, setur
hátíðina og Kristín Linda
Jónsdóttir, sálfræðingur og
ritstjóri Húsfreyjunnar, heldur
fyrirlestur er nefnist Er prjón
hamingjuaukandi?
Einnig verður sagt frá upp-
runa þjóðbúninga og munu
allir sem mæta í þjóð-
búningum fá frítt á opnunar-
hátíðina.
Í tilefni af verkefninu 100
ára fullveldi Íslands verður
aðgangur ókeypis inn á hátíðar-
svæðið og markaðstorgið.
Eftirfarandi opnun verður á
markaðstorginu; föstudag kl.
16:00-18:00, laugardag kl.
10:00-18:00 og sunnudag kl.
10:00-16:00. Kaffihúsið verður
opið alla daga á sama tíma og
markaðstorgið.
Örfá pláss eru laus á alla við-
burðina svo það er um að gera
að kynna sér hvað í boði er á
heimasíðu hátíðarinnar, www.
prjonagledi.is og á Facebook-
síðunni Prjónagleði 2018
Knitting Festival Icelandic
Textile Center. /FE
Að þessu sinni verður boðið
upp á mörg mismunandi
prjónatengd námskeið og verða
þau haldin í Kvennaskólanum
á Blönduósi. Einnig verða á
hátíðinni haldnir fyrirlestrar
um efni er viðkemur prjóna-
skap. Þeir verða í bíósalnum í
Félagsheimilinu á Blönduósi.
Þar verður einnig markaðstorg
þar sem úrval prjónatengdrar
vöru verður á boðstólum, svo
og kaffihús.
Einnig má nefna ýmsa
skemmtun, sýningar, setningu
hátíðar og hátíðarkvöldverð.
Í tilefni af 100 ára afmæli
fullveldis Íslands voru valin 100
verkefni sem eru á dagskrá árið
2018 og er Prjónagleði 2018
eitt þeirra. Haldin var prjóna-
samkeppni þar sem hanna
skyldi peysu með 100 ára
afmæli fullveldisins sem þema.
Áhugasamir nemendur á námskeiði hjá Helgu Jónu sem kennir fjögur námskeið á
Prjónagleði í ár.
Erlendir gestir að kanna aðstæður á Prjónagleði 2017.
10. bekkur og umsjónarmenn í Kálfshamarsvík. MYND: JAMES KENNEDY
Mikið fannst af ónýtum dekkjum. MYND: VALTÝR SIGURÐSSON
4 22/2018