Feykir - 06.06.2018, Blaðsíða 8

Einu sinni fyrir nokkuð löngu
hitti ég Jón Hjörleifsson, vin
minn út í búð. Við tókum tal
saman um daginn og veginn.
Hann spurði mig alvarlegur
í bragði: „Hefur þér tekist
að kristna einhverja í dag?“
Eftir stutta umhugsun varð
ég að viðurkenna að líklega
hefði ég engan kristnað
þann daginn. Þetta fannst
okkur báðum fyndið, hlógum
að slælegri frammistöðu og
kvöddumst svo.
Ég og Nonni erum gamlir
sveitungar. Við eigum sama
afmælisdag og framan af
hélt ég því víst fram að við
værum jafn gömul. Þann
misskilninginn tókst að
leiðrétta. Oft hef ég leitt
hugann að þessari spurningu
þó henni væri varpað fram í
hálfkæringi. Í rauninni er það
einmitt þetta sem ætlast er
til af prestum að þeir leiði
fólk til trúar eða kristni fólk.
Rétt eins og smiður smíðar
hús, bílstjóri ekur bíl, kennari
kennir og svo framvegis. En
hvernig get ég vitað hvort
að mér tekst að kristna
einhverja og hvenær kristna
ég nógu marga?
Í vetur hef ég verið frá
störfum eins og margir
Króksarar hafa tekið eftir. Ég
ákvað að venda mínu kvæði
í kross, sótti um námsleyfi
og las stjórnunarfræði
við Háskólann á Bifröst.
Stjórnunarnám er mjög í
tísku enda bendir margt til
að framgangur fyrirtækja
standi og falli með hæfni og
getu stjórnenda. Stjórnun er
kennd í viðskiptafræðideild
og þar var margt framandi
fyrir guðfræðinginn. Í mjög
einfölduðu máli miðar námið
að því að kenna fólki að
setja markmiðið í rekstri
fyrirtækja og stofnana og
hafa sýn til framtíðar, það sé
lykill að árangri. Mikilvægt
er að mæla árangurinn
reglulega og þegar einu
markmiði er náð (eða ekki),
að setja sér annað.
Í námsleyfinu hef ég kynnst
nýjum hugmyndum og
mögnuðu fólki úr ýmsum
geirum atvinnulífsins. Það
var hressandi að skipta
um viðfangsefni um stund,
víkka sjóndeildarhringinn og
ÁSKORENDAPENNINN
Sigríður Gunnarsdóttir Sauðárkróki
Að meta árangur
UMSJÓN
palli@feykir.is
takast á við ný verkefni. En
best finnst mér samt að ég
hlakka til að koma aftur til
vinnu og þjóna í kirkjunni.
Ef ég reyni að nýta mér
námið í starfi er rökrétt að
ég setji mér markmið, t.d
eins og að kristna einhverjar
sálir, helst á hverjum degi.
Vandast málið þegar kemur
að því að finna hvaða aðferð
er heppilegust til að mæla
árangurinn.
- - - - -
Ég skora á æskuvinkonu
mína Hrefnu Jóhannesdóttur
á Silfrastöðum, skógarbónda
og hreppsnefndarkonu að
taka við pennanum.
hann. Síðan hélt hún til norðurs
og í átt að Málmey en þar hættu
flugmenn við að skjóta á vitann
þar vegna þess að börn voru að
leik. Þetta voru helstu komur
Þjóðverjanna en einnig er vitað
að hér sáust þýskir kafbátar í
firðinum a.m.k. í þrígang.“
Ágúst segir að Bretar
hafi ekki hernumið Ísland
að ástæðulausu. „Í upphafi
stríðs þurftu Bretar að flytja til
landsins milljón tonn á viku og
þurfti til þess á þriðja þúsund
kaupskipa. Þeir vissu sem svo að
ef Þjóðverjar myndu hernema
Ísland yrðu þeir í vondum
málum. Churchill á að hafa
sagt við Hermann Jónasson,
forsætisráðherra Íslands, að
ef Þjóðverjar hefðu hernumið
Ísland hefðu Bretar þurft að
gera árás á landið. „Staðreyndin
er sú að Adolf Hitler og hans
kumpánar höfðu gert áætlun
sem hét Íkarus, um hernám
Íslands. En flotaforingjar Hitlers
ráðlögðu honum eindregið frá
því. Sennilega var skýringin sú
að Þjóðverja vantaði flota til að
birgja landið upp.“
Sem betur fer reyndu Þjóð-
verjar ekki að yfirbuga breska
hersetuliðið enda ekki víst að
varnir hefðu haldið.
„Það má minnast á það að
eftir að hermennirnir fóru héðan
voru Sigurður sýslumaður og
Sigurður Brynjólfsson lög-
reglumaður kvaddir að Hótel
Tindastóli. Þar höfðu, undir
útitröppum, fundist tveir fullir
kassar af bensínsprengjum eða
Molotov kokteilum. Það má
draga þá ályktun að hermenn-
irnir hafi vitað það að þeir
gátu aldrei varið bæinn fyrir
þrautþjálfuðum Þjóðverjum,
sem nýlega höfðu hernumið
Noreg. Með þessu hafi þeir
beinlínis ætlað að brenna bæinn
á flóttanum. Þetta sýnir hvað
stríð er mikil firring.“
Byrjaður á öðru
skemmtilegu verkefni
Skrif Ágústs um hernámið
á Sauðárkróki var heilmikið
verkefni en hann segist ekki
alveg hættur. Hann er byrjaður
með nýtt verkefni sem hann
segir að sé mjög skemmtilegt.
„Maður er alltaf að reyna að
bauka eitthvað. Ég er núna að
rifja upp og bera saman mannlíf
og sérstaklega kaupmennskuna
á Króknum árið 1971 við
daginn í dag. Þetta afmælisár
voru u.þ.b. 34 verslanir á
Króknum. Hugsaðu þér að
fara í bæinn á Þorláksmessu
þetta ár og bókstaflega búð
við búð á Aðalgötunni og
allir kaupmennirnir að vinna
í búðunum sjálfir. Allir með
sín sérkenni allt skreytt allt
öðruvísi andrúmsloft. Þetta er,
á sinn hátt, miklu skemmtilegra
verkefni vegna þess að það eru
svo margir lifandi sem ég get
talað við. Til dæmis má minn-
ast frábærra hjóna sem settu
sannarlega svip á bæinn, Eðvald
Gunnlaugsson og Málfríði
Eyjólfsdóttur sem versluðu í
Skemmunni er var í horninu
á nýja Búnaðarbankahúsinu
sem tekið var í notkun árið
1967, þá í desember. Málfríður
var glæsileg kona alltaf klædd
eftir nýjustu tísku. Þetta var
frábært fólk, samkvæmisljón,
góðborgarar og margt má fleira
nefna.
Hvenær má eiga von á því að
þetta líti dagsins ljós? „Miðað
við fyrri reynslu er best að lofa
engu,“ segir Ágúst og skellir upp
úr. Aðspurður hvort hann sé
að skrifa fyrir Skagfirðingabók
segir hann svo ekki vera. „Ég
er bara að reyna að safna þessu
saman eins vel og ég get og sjá
hvort að ekki komi eitthvað
skemmtileg út úr þessu. T.d. er
Matthías Angantýsson búinn
að skrifa fyrir mig ágætis kafla
um búð sem faðir hans rak
á Hólmagrund 1. Þar er ég
kominn með fínar upplýsingar.
Þetta kemur smám saman.“
En hvað skyldi hafa orðið
þess valdandi að frásagnarpenn-
inn var dreginn fram hjá Ágústi.
„Það myndaðist þónokkur tími
þegar ég hætti hjá Kaupfélaginu.
Þannig að nú hefur maður tíma
fyrir raunverulega áhugamálið,
að reyna að safna saman ein-
hverjum heimildum og pára
eitthvað um þær,“ segir hann að
lokum.
Rétt er að minnast á það í
lokin að hægt er að nálgast
Skagfirðingabók og jafnvel gerast
áskrifandi í síma 453 6261 eða
með því að senda tölvuskeyti í
netfangið: saga@skagafjordur.is
Höfundur stendur við skotgrafir á Gránumóum, sem eru mjög greinilegar í landslaginu.
MYND: PF
Sigga og Tóti með nýútskrifaðan Eymund Ás úr Árskóla. MYND AF FB
8 22/2018