Feykir - 06.06.2018, Blaðsíða 10
Hvernig nemandi varstu? Ætli
það megi ekki segja að ég
hafi látið kennarana vinna fyrir
kaupinu sínu.
Hvað er eftirminnilegast frá
fermingardeginum? Vínrauði
mittislindinn og slaufan sem ég
var með í stíl við rauðu broddana
mína.
Hvað ætlaðir þú að verða þegar
þú yrðir stór? Atvinnumaður í
handbolta.
Hvert var uppáhalds leikfangið
þitt þegar þú varst krakki? Ég
lék mér aðallega með bolta, bæði
handbolta og fótbolta, en einnig
playmo og tindáta.
Besti ilmurinn? Af bolta með
harpixi á. Vekur upp góðar
minningar.
Hvað varstu að hlusta á þegar
þú fékkst bílprófið? Af erlendum
hljómsveitum voru það Pearl
Jam, Nirvana, R.E.M og U2 en af
íslenskum Ný dönsk, SSSól og
Sálin.
Hvernig slakarðu á? Í heitu baði.
Hverju missirðu helst ekki af í
sjónvarpinu? Góðum norrænum
sakamálaþáttum.
Besta bíómyndin? Schindler´s
List – hún hreyfir alltaf við manni.
Hvaða íþróttamanni hefurðu
mestar mætur á? Ég hafði miklar
mætur á Duncan Ferguson,
fyrrum sóknarmanni Everton, sem
gaf aldrei tommu eftir á vellinum.
Í dag er það Gylfi Sigurðsson
leikmaður Everton.
Hvað gerir þú betur en allir aðrir
á þínu heimili? Flokka ruslið.
Hvert er snilldarverkið þitt í
eldhúsinu? Er frekar slappur í
eldhúsinu en nokkuð liðtækur
þegar kemur að því að grilla.
Hættulegasta helgarnammið?
Snakk.
Hvernig er eggið best? Spælt
öðru megin og með stökku
beikoni.
Hvað fer mest í taugarnar á þér
í fari þínu? No comment.
Hvað fer mest í taugarnar á þér
í fari annarra? Óheilindi og leti.
( RABB-A-BABB ) oli@feykir.is
NAFN: Leó Örn Þorleifsson.
ÁRGANGUR: 1975.
FJÖLSKYLDUHAGIR: Giftur Ölmu Láru Hólmsteinsdóttur og saman
eigum við fjögur börn og einn hund.
BÚSETA: Hvammstangi.
HVERRA MANNA ERTU OG HVAR UPP ALINN: Foreldrar mínir eru
Akureyringarnir Þorleifur Leó Ananíasson og Ingveldur
Brimdís Jónsdóttir. Ég er fæddur og uppalinn á Akureyri en
flutti suður til háskólanáms þegar ég var 25 ára gamall og á
Hvammstanga að námi loknu þar sem ég hef búið í að verða
12 ár.
STARF/NÁM: Forstöðumaður Fæðingarorlofssjóðs / lögfræð-
ingur.
HVAÐ ER Í DEIGLUNNI: Að njóta íslenska sumarsins og fara svo
með fjölskyldunni til Flórída í haust.
Leó Örn
Uppáhalds málsháttur eða
tilvitnun? Hverjum þykir sinn
fugl fagur.
Hver er elsta minningin sem
þú átt? Ein af þeim gömlu góðu
er þegar móðurfjölskyldan mín
hittist á sunnudögum hjá ömmu
og afa í kaffi og kökum og horfði
svo saman á Húsið á sléttunni
eða Grenjað á gresjunni.
Hvaða fræga manneskja
mundir þú helst vilja vera? Gylfi
Sigurðsson knattspyrnumaður
því þá væri ég að fara spila fyrir
Ísland á HM í fótbolta. Það væri
geggjað.
Hver er uppáhalds bókin þín og/
eða rithöfundur? Íslandsklukkan
eftir Halldór Kiljan Laxness. Hún
er einfaldlega meistaraverk.
Orð eða frasi sem þú notar of
mikið? … nú jæja.
Hvaða þremur persónum vildirðu
bjóða í draumakvöldverð?
Þeim bræðrum Gísla, Eiríki og
Helga. Það gæti orðið áhugaverð
kvöldstund.
Ef þú gætir farið til baka í
tímann, hvert færirðu? Ég færi
til Grikklands hins forna til að
upplifa mótun og upphaf vest-
rænnar menningar.
Hver væri titillinn á ævisögu
þinni? „Geng sáttur frá borði“.
Framlenging:
Ef þú gætir hoppað upp í flugvél
og réðir hvert hún færi, þá
færirðu... til Rússlands á HM í
fótbolta.
Bucket list spurningin: Nefndu
eitthvað þrennt sem þér finnst
þú mega til að gera áður en þú
gefur upp öndina: Ferðast um
Grikkland, fara á leik með Everton
og læra að fljúga flugvél.
Leó Örn ásamt systursyni sínum og nafna, Kristian Leó Guðfinnssyni. MYND ÚR EINKASAFNI
Laugardaginn 2. júní hófst
sumaropnun Búminjasafnsins
í Lindabæ í Sæmundarhlíð. Af
því tilefni komu í heimsókn
rúmlega þrjátíu félagar
í Fergusonfélaginu frá
Reykjavík, Hvammstanga og
Skagafirði.
Fyrir hönd félagsins afhenti
Þór Marteinsson þeim Sigmari
og Helgu formlega styrk sem
Fergusonfélagið ákvað að gefa
til Búminjasafnsins.
Sigmar þakkaði kærlega
þeirra framlag og sagði að
upphæðin færi til uppgerðar á
Ferguson dráttarvél frá 1949.
Síðan skoðuðu gestirnir safn-
ið, bæði uppgerðar vélar og
einnig þær sem bíða yfirhaln-
ingar.
Búminjasafnið í Lindabæ
verður opið alla daga í sumar
til 15. ágúst milli kl. 13 og 17.
/Fréttatilkynning
Búminjasafnið opnar
Fergusonfélagið afhendir
Búminjasafninu styrk
Ferguson með ámoksturstækjum var mikið þarfaþing í sveitum á árum áður.
Vel var mætt í opnun Búminjasafnsins þetta sumarið.
Þór Marteinsson afhendir þeim Sigmari og Helgu í Lindabæ styrk frá Fergusonfélaginu.
AÐSENDAR MYNDIR
10 22/2018