Feykir - 13.06.2018, Síða 1

23
TBL
13. júní 2018
38. árgangur : Stofnað 1981
Frétta- og dægurmálablað
á Norðurlandi vestra
BLS. 6–7
BLS. 11
Hjálmar Björn og Ingibjörg
Signý eru matgæðingarnir
Japanskur
kjúklingaréttur og
skyrterta
BLS. 8
Litið við hjá
ferðaþjónustuaðilum
Boðið á bæi í
Lýtingsstaða-
hreppi
Rætt við Ómar Braga
Stefánsson um Landsmótið
Íþróttaveisla
fyrir alla
Holræsa- og stífluþjónusta
Bjóðum alhliða lagnahreinsun
og lagnamyndun
Leitið nánari upplýsinga í síma 452 2958.
Sími 452 2958 | Oddagata 18 | 545 Skagaströnd | gamar.is | vilhelm@gamar.is
Við þjónustum bílinn þinn!
Hesteyri 2 Sauðárkróki Sími 455 4570
Verkstæðið okkar annast viðgerðir fyrir einstaklinga
og fyrirtæki. Menntaðir og hæfir tölvuviðgerða-
menn með áralanga reynslu.
Þú hringir í síma 540 2700
Í gærmorgun kl. 9 lauk fjörutíu ára
samfelldum veðurathugunum á
Bergstöðum í Skagafirði. Það þykir
nokkuð merkilegt að sama fólkið
hafi sinnt veðurathugunum í svo
langan tíma.
Hjónin Sigrún Aadnegard og Viðar
Ágústsson hafa sinnt veðurathugun-
um sjö sinnum á dag allt árið um kring.
„Veðrið er tekið klukkan 6, 9, 12, 15, 18,
21 og á miðnætti,“ segir Viðar.
Veðurævintýrið hófst fyrir fjörutíu
árum fyrir tilviljun. „Það var maður
sem hafði lofað sér í þetta en sagði svo
nei og þá vorum við beðin um þetta.
Veðurstöðin hafði verið niðri á Krók
og hafði farið svolítið á milli manna,“
segir Sigrún. „Ef einhversstaðar voru
vandræði var Sigrún sótt og beðin um
að bjarga málunum, hún gerði það
alltaf og hér erum við fjörutíu árum
seinna,“ segir Viðar.
Veðurathuganirnar eru mjög ítar-
legar, þar er meðal annars mældur hiti,
úrkoma, vindátt, vindhraði, skyggni og
hæð skýja. „Ég nota Mælifellshnjúkinn
til að mæla hæð skýjanna, en hann er
1.140 metrar á hæð,“ útskýrir Viðar.
„Einnig þurfum við að setja inn heiti
skýjanna,“ bætir Sigrún við. Mikil
vinna liggur að baki veðurathugunum
en einnig þarf að senda öll gögn til
Veðurstofunnar. Það er ein bók fyrir
hvern mánuð og má því reikna með að
hjónin séu búin að fylla út um 480
bækur á þessum fjörutíu árum. „Við
hreinskrifum í aðra bók og sendum
hana til Veðurstofunnar, frumritin eru
svo hér hjá okkur,“ útskýrir Viðar.
Hér áður fyrr hringdi Veðurstofan á
Bergstaði sjö sinnum á sólarhring en
öllum veðurathugunum á Norðurlandi
vestra var safnað saman af starfs-
mönnum staðsettum í Brú í Hrútafirði.
Fjörutíu ára samfelldum veðurathugunum lokið
Veðurathugunum hætt á Bergstöðum
Nýttu þér
netverslun
Skoðaðu vöruúrvalið
á lya.is
mt ...
MYND: LAM
Síðasta veðurathugunin
frá Bergstöðum:
Alskýjað, 3 m/s, 9 stiga hiti
og skyggni 50 metrar.
„Þau hringdu nú stundum og ráku á
eftir okkur en það er mjög mikilvægt að
taka veðrið sem næst réttum tíma.
Núna gerum við þetta allt í gegnum
tölvuna,“ segir Viðar.
Spurð um veðrið þessi fjörutíu ár þá
segja þau að veðrið hafi breyst þó
nokkuð. „Það er töluvert minni snjór
núna en áður. Veturnir hafa orðið betri
en sumrin hafa jafnast nokkuð út,“
útskýrir Sigrún.
Veðurstöðin á Bergstöðum verður
lögð niður en Veðurstofan mun áfram
halda út vindmæli á Bergstöðum. „Það
er mjög mikilvægt að mæla vindhrað-
ann hér enda er þetta mikið rokrassgat
og umferðin á þessu svæði mjög mikil,“
segir Viðar að lokum. /LAM