Feykir - 13.06.2018, Blaðsíða 2
Þau eru orðin 27 árin síðan Knattspyrnufélagið Þrymur
var stofnað á Sauðárkróki. Það er saga út af fyrir sig af
hverju félagið var stofnað en við vorum nokkrir félagarnir
sem vorum munaðarlausir í fótboltanum og ákváðum að
fara í 4. deildina, sem var þá
starfandi og heitir nú 3. deild
eftir að úrvalsdeildin tók við af
þeirri fyrstu. Kjörorð félagsins
var: „Þrymur í þriðju deild!“
Það hefði tekist þokkalega ef
félagið hefði haldið lengur út
en raunin varð, vegna þessara
breytinga sem að ofan greinir.
Þrymur starfaði í rúman áratug
ef ég man rétt, er ekki alveg með
það á hreinu hve mörg árin voru
en skemmtileg voru þau. Nafnið breyttist í Íþróttafélagið
Þrymur með fjölgun deilda en stundaðar voru fleiri
keppnisíþróttir í nafni Þryms en fótbolti. Þrymur hélt úti
körfuknattleiksdeild þar sem leikið var í 2. deildinni sem og
í bikar og þá var hörku glímudeild þar sem ungir glímu-
kappar af báðum kynjum æfðu og kepptu á landsvísu og
einhverjir titlar unnust í glímunni.
En það þurfti að gera meira en leika sér í íþróttunum.
Manna þurfti stjórn og láta allt virka og eins og allir vita
sem tekið hafa þátt í hvers konar sjálfboðastarfi er sjaldan
sem fólk bankar á dyrnar og býður fram krafta sína. Þá er
farið að leita að einhverjum sem vill fórna tíma sínum fyrir
aðra. Það tókst oftast og því var hægt að halda þessum
félagskap á lífi eins lengi og raun var á.
Stjórnin var mönnuð okkur sjálfum sem stunduðum
íþróttirnar með einni undantekningu og ég held að megi
segja að sá stjórnarmaður hafi skorið sig nokkuð úr
hópnum. En áhugi á íþróttum og það að vera í góðum
félagskap hefur vonandi verið ástæða veru þess stjórnar-
manns. Sá var reyndar sú.
Þarna er ég að tala um Silló Angantýs sem var mun eldri
en aðrir í stjórninni. Hún hafði brennandi áhuga á fótbolta
og kannski meira hjá Þrym en öðrum liðum þar sem sonur
hennar, Björn Ingimarsson, var á meðal leikmanna.
Kannski var hún bara mamma okkar allra. Hún gaf sig alla
í þá vinnu sem stjórnarsetan krafðist og tók virkan þátt í
öðrum uppákomum hjá okkur og átti fast sæti í tipp-
klúbbnum sem hittist einu sinni í viku og tippaði á úrslit
leikja á 1x2. Silló var skemmtilegur félagi og alltaf kát og
hress og dillandi hlátur hennar hljómar í eyrum er maður
minnist hennar.
Í þessum fáu orðum langaði mig til að minnast góðrar
vinkonu og félaga til margra ára en hún var borin til grafar
sl. laugardag að viðstöddu fjölmenni. Blessuð sé minning
Sillóar.
Páll Friðriksson,
ritstjóri
LEIÐARI
Ljúf minning
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Lee Ann Maginnis, bladamadur@feykir.is & 867 3799, Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Fékk
nafnið
Fálkagerði
Ný gata á Blönduósi
Á sveitarstjórnarfundi þann
7. júní sl. samþykkti
sveitastjórn Blönduósbæjar
nafn á nýja götu sem varð
til vegna framkvæmda á
gagnaverssvæðinu á
Blönduósi.
Sveitarstjórn samþykkti
með fjórum atkvæðum að
gatan fengi nafnið Fálka-
gerði. Gerð var tillaga um að
gefa íbúum kost á að koma
með tillögur um nafn á
götuna en var sú tillaga felld.
/LAM
A-listi og N- listi hafa kom-
ist að samkomulagi um
málefnasamning um mynd-
un meirihluta í Húnavatns-
hreppi fyrir komandi
kjörtímabil. Samningurinn
var undirritaður fyrir fyrsta
fund nýrrar sveitarstjórnar,
þann 10. júní 2018.
Jón Gíslason, oddviti A-lista,
verður oddviti sveitarstjórnar
og Ragnhildur Haraldsdóttir,
oddviti N-lista, verður varaodd-
viti. Listarnir sammæltust um
að endurráða Einar Kristján
Jónsson sem sveitarstjóra Húna-
vatnshrepps.
Listarnir telja að Húnavatns-
hreppur sé einstakt sveitarfélag
með sterkar grunnstoðir. Hér
eru góðir skólar og lífleg menn-
ing sem samanstendur af fjöl-
breyttum félagasamtökum og
grasrótarhreyfingum. Við höf-
um blómlegar sveitir. Við viljum
auka fjölbreytni atvinnulífsins
til að fjölga atvinnutækifærum
og laða að fleiri íbúa. Við
leggjum áherslu á jafnræði allra
íbúa, ábyrgð og gegnsæja stjórn-
sýslu. Við munum leggja okkur
fram um að sýna virkt aðhald í
daglegum rekstri sveitarfélags-
ins. Að öðru leyti vísa listarnir í
málefnasamning listanna sem
verður aðgengilegur á heima-
síðu sveitarfélagsins.
Gildi sem höfð verða að
leiðarljósi eru ábyrgð, virðing
og samvinna. /Fréttatilkynning
Húnavatnshreppur
A- og N- listi í meirihluta
Í síðustu viku lönduðu 30 bátar í 59 lönd-
unum á Skagaströnd og var samanlagður
afli þeirra tæplega 243 tonn.
Á Sauðárkróki lönduðu tíu skip og bátar
rúmum 918 tonnum, þar af voru 696 kíló af
rækju sem Silver Firda NO 999 kom með. Á
Hofsósi lönduðu svo tveir bátar tæpum sex
tonnum.
Heildafli síðustu viku á Norðurlandi
vestra var 1.166.990 kíló. /FE
Aflatölur á Norðurlandi vestra 3. – 9. júní 2018
30 bátar landa á Skagaströnd
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HOFSÓS
Hóley SK 132 Grásleppunet 5.193
Geisli SK 66 Handfæri 712
Alls á Hofsósi 5.905
SKAGASTRÖND
Addi afi GK 97 Landbeitt lína 22.491
Alda HU 112 Lína 13.766
Arndís HU 42 Handfæri 756
Beggi á Varmalæk HU 219 Handfæri 644
Bjartur í Vík HU 11 Handfæri 1.095
Blíðfari HU 52 Handfæri 1.252
Blær HU 77 Landbeitt lína 1.019
Bogga í Vík HU 6 Handfæri 778
Dísa HU 91 Handfæri 1.868
Dúddi Gísla GK 48 Lína 25.263
Fengsæll HU 56 Handfæri 546
Geiri HU 69 Handfæri 1.047
Guðmundur á Hópi HU 203Lína 8.075
Guðrún Petrína GK 107 Landbeitt lína 16.929
Guðrún Ragna HU 162 Handfæri 2.282
Hafdís HU 85 Handfæri 546
Jenný HU 40 Handfæri 1.705
Kambur HU 24 Handfæri 756
Katrín GK 266 Landbeitt lína 9.736
Loftur HU 717 Handfæri 508
Lukka EA 777 Handfæri 2.166
Már HU 545 Handfæri 675
Onni HU 36 Dragnót 17.870
Rifsnes SH 44 Lína 38.884
Smári HU 7 Handfæri 2.163
Svalur HU 124 Handfæri 319
Sæunn HU 30 Handfæri 2.064
Víðir EA 423 Handfæri 1.313
Víðir ÞH 210 Handfæri 768
Örvar SH 777 Lína 64.877
Alls á Skagaströnd 242.844
SAUÐÁRKRÓKUR
Drangey SK 2 Botnvarpa 67.115
Gammur II SK 120 Grásleppunet 1.187
Gjávík SK 20 Handfæri 756
Kristín SK 77 Handfæri 1.531
Maró SK 33 Handfæri 1.723
Málmey SK 1 Botnvarpa 149.909
Silver Firda NO 999 Rækjuvarpa 693.011
Steini G SK 14 Grásleppunet 856
Vinur SK 22 Handfæri 757
Ösp SK 135 Handfæri 1.396
Alls á Sauðárkróki 918.241
Skagafjörður
Berglind ráðin til Byggðasafnsins
Berglind Þorsteinsdóttir
hefur verið ráðin í stöðu
safnstjóra Byggðasafns
Skagfirðinga frá 1. júlí 2018
en tveir sóttu um starfið.
Frá þessu er greint á
heimasíðu Sveitarfélagsins
Skagafjörður.
Berglind hefur lokið BA
prófi í fornleifafræði frá
sagnfræði- og heimspeki-
deild Háskóla Íslands sem og
meistaraprófi í menningar-
fræðum frá sama skóla.
Einnig hefur hún lokið ýmsum námskeiðum s.s. í
grafískri miðlun. Berglind
hefur víðtæka reynslu af
störfum við fornleifagröft
jafnt hérlendis og erlendis og
hefur starfað sem verkefna-
stjóri við öflun heimilda og
skráningu safnmuna m.a. hjá
Listasafni Skagfirðinga og
Byggðasafni Skagfirðinga.
Einnig hefur Berglind starfað
sem ritstjóri og blaðamaður
en hún var ritstjóri Feykis árin
2014-2016.
Feykir óskar Berglindi til
hamingju með starfið. /FE
Berlind Þorsteinsdóttir.
MYND: FEYKIR
2 23/2018