Feykir - 13.06.2018, Blaðsíða 9
Veðurklúbburinn á Dalbæ
Góður kafli upp úr 20. júní
Þriðjudaginn 5. júní komu félagar í
Veðurklúbbnum á Dalbæ saman til fundar í
því skyni að huga að veðurhorfum í
júní-mánuði. Fundurinn hófst kl. 14:00 og
voru fundarmenn tólf talsins.
Að venju var farið yfir eftirfylgni síðustu
veðurspár og voru spámenn ágætlega sáttir
með hvernig til hefði tekist. Sem betur fer varð
þó minna úr hvítasunnuhreti en spáð hafði
verið fyrir um.
Nýtt tungl kviknar 13. júní kl. 19:43 í vestri
og er það miðvikudagstungl. Gert er ráð fyrir
að veður verði svipað og verið hefur
undanfarið, þó má búast við þokulofti og
heldur kaldara veðri. Um eða upp úr 20. júní
má reikna með góðum kafla, sem stendur út
mánuðinn.
Veðurklúbburinn tekur sér frí í júlí, en vill
þó láta þess getið að í júlímánuði verði heilt
yfir ágætis veður.
Fundi lauk síðan kl. 14:20
Veðurvísa mánaðarins:
Í júní sest ei sólin,
þá brosir blómafjöld.
Í júlí baggi er bundinn
og borðuð töðugjöld.
Með góðri sumarkveðju,
Veðurklúbburinn á Dalbæ
Söfnun í gangi á Karolina Fund
Bletturinn 60 ára í sumar
Hjónin Sigurður H.
Eiríksson og Ingibjörg
Pálsdóttir á Hvammstanga
eiga 60 ára skógræktar-
afmæli í ár en árið 1958
gróðursettu þau sín fyrstu
tré á grýttu og ómerkilegu
túni sem nú er fullt af lífi og
þakið hinum ýmsum
tegundum trjáa. Í tilefni
þess hefur hópfjármögnun
verið sett af stað fyrir
komandi verkefnum
sumarsins og nú þegar
tæpur mánuður er til
stefnu hafa safnast 39%
af áætluðu markmiði.
Ingibjörg Pálsdóttir og Sigurður
H. Eiríksson, oftast kölluð Lilla
og Siggi, hafa öll sín búskaparár
átt heima á Hvammstanga. Þar
hafa þau verið drjúg í upp-
byggingu ungmennastarfs og
annarra tómstunda í héraðinu
og taka enn virkan þátt, komin
á níræðisaldur. Áhugi þeirra á
skógrækt hefur sett fallegan
svip á Húnaþing vestra en rétt
sunnan við Hvammstanga má
sjá fallegan skógræktargarð
sem hefur verið þeirra frí-
stundagaman í tugi ára. Fyrir
60 árum óskuðu þau eftir landi
til að rækta á og varð þeim að
ósk sinni. Landið var grýtt tún
sem talið var ógerlegt til
ræktunnar og þar sem enginn
fjárbóndi hafði áhuga á landinu
fyrir sínar kindur var þeim
hjónum afhent það til ræktunar.
Í dag er þetta land ótrúlega
líflegur og fallegur gróður-
ræktarblettur sem í daglegu tali
ber heitið Bletturinn. Á þessum
60 árum hefur hann fengið að
vaxa og dafna en Lilla og Siggi
hafa sinnt honum af mikilli
ástríðu og elju frá fyrsta degi. Í
Blettinum má finna trjáteg-
undir frá öllum heimshornum,
sumar hverjar sjaldséðar á
Íslandi, gróðurhús þar sem
helst eru ræktaðar mismunandi
tegundir af plómum og einnig
fjöldann allan af lundum þar
sem hægt er að setjast niður og
njóta náttúrunnar
Fyrir 60 árum voru Lilla og
Siggi að nálgast þrítugsaldurinn
en eru nú farinn að nálgast
níræðisaldurinn. Þrátt fyrir
ótrúlega mikla elju og ástríðu
til að stunda áhugamál sitt
hefur aldurinn sagt til sín og á
síðustu árum hefur hægst á
þeim hjónum. Vegna aldurs eru
ýmis verkefni, sem áður voru
þeim auðleysanleg og létt, nú
orðin töluvert þyngri og
erfiðari. Bletturinn þarfnast
mikils viðhalds. Göngustígar
eru horfnir, brýr yfir læki eru
brotnar, klósettaðstaðan orðin
engin og sláttur- og dráttarvélar
þarfnast viðgerða.
Í tilefni þess að Bletturinn á
60 ára afmæli í sumar hefur
verið sett af stað hópfjármögn-
un þar sem einblínt verður á að
ráðast í þessi verkefni. Almenn-
ingur hefur tekið vel í þetta og
deilt fjármögnunarsíðunni og
lagt sitt í verkefnið. Umbunað
er fyrir hvert framlag með
ýmsum hætti, allt frá þökkum í
þakkarpósti í lok fjáröflunar til
grillveislu, plómuhappdrættis
og næturgistingar í tjaldi eða
bústaði á Blettinum. Nú þegar
er búið að úthluta einum
bústaðargistingu í lok fjáröfl-
unar og framundan er
skemmtileg og lífleg grillveisla.
Þetta sýnir manni hvað
mannfólkið er ótrúlega gott og
hjálpsamt og tilbúið að veita
aðstoð þegar á reynir. Fyrir þá
sem vilja leggja sitt af mörkum
þá má finna fjáröflunarverk-
efnið á eftirfarandi slóð: https://
www.karolinafund.com/project/
view/2040
/Benjamín Freyr Oddsson
Siggi og Lilla hafa skapað fallegan sælureit og þurfa nú hjálp við að hressa upp á
hann. MYND AÐSEND
Þokubakki á Skagafirði MYND: ÓAB
Háskólinn á Hólum
Brautskráning nemenda
Brautskráðir nemendur frá Háskólanum á Hólum ásamt deildarstjórum og rektor. MYND: HOLAR.IS
Háskólinn á Hólum brautskráði nemendur
sl. föstudag, 8. júní, við hátíðlega athöfn
sem fram fór í Menningarhúsinu Miðgarði í
Varmahlíð. Athöfnin var með hefðbundnu
sniði, flutt voru ávörp og tónlistaratriði sem
voru í höndum þeirra Dönu Ýrar Antonsdóttur
og Daníels Andra Eggertssonar.
Að loknu ávarpi rektors, Erlu Bjarkar Örnólfs-
dóttur, tóku deildarstjórar við og brautskráðu
nemendur af sínum brautum.
17 nemendur brautskráðust með BS-próf í
reiðmennsku og reiðkennslu. Viðurkenningu
fyrir framúrskarandi námsárangur hlaut Caeli
Elizabeth Peters Cavanagh.
Einn nemandi var brautskráður með diplómu
í fiskeldisfræði en hefð er fyrir að Fiskeldis- og
fiskalíffræðideild útskrifi nemendur sína að
sumri til.
Ellefu nemendur brautskráðust með diplómu
í viðburðastjórnun, 17 með BA-gráðu í ferða-
málafræði og einn með MA-gráðu í sömu grein.
Ingibjörg Elín Jónasdóttir hlaut viðurkenningu
fyrir heildarnámsárangur í BA-námi og Alex-
andra Eir Andrésdóttir fyrir góðan árangur í
diplómunámi.
Dagskránni lauk með því að Caeli Cavanagh,
BS í reiðmennsku og reiðkennslu, flutti ræðu
fyrir hönd nýbrautskráðra.
Að athöfn lokinni bauð skólinn til kaffi-
samsætis í umsjón Ferðaþjónustunnar á Hólum.
Nánar er greint frá athöfninni á heimasíðu
Háskólans á Hólum holar.is. /FE
23/2018 9