Feykir - 13.06.2018, Blaðsíða 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
23
TBL
13 júní 2018 38. árgangur
Frétta- og dægurmálablað á Norðurlandi vestra : Stofnað 1981
Smábæjaleikar
á Blönduósi
Ungir knattspyrnuiðkendur spreyta sig
Smábæjaleikar Arion banka og SAH Afurða fara
fram um helgina á Blönduósi. Smábæjarleikarnir eru
knattspyrnumót fyrir bæði stelpur og stráka, í 5., 6.,
7. og 8. flokki og er þetta í 15. sinn sem l e i k ar n i r
eru haldnir.
Búast má við fjölda manns
á svæðinu um helgina bæði
keppendum og aðstand-
endum ásamt fjölda sjálf-
boðaliða sem koma að
mótinu. Ýmislegt verður á
dagskrá en Emmsjé Gauti
kemur fram á kvöldvöku sem
fram fer á laugardagskvöldið. Hlé verður síðan gert á
leikjaplani þegar leikur Íslands – Argentínu fer fram á
laugardaginn en leikurinn verður sýndur á tveimur
breiðtjöldum í Félagsheimilinu á Blönduósi.
Í tilefni af Smábæjaleikunum verður lengri
opnunartími í sundlauginni um helgina. Opið frá kl.
8-20 bæði laugardag og sunnudag. /LAM
Vel heppnuð Prjónagleði
Blönduós
Prjónagleði var haldin á Blönduósi um helgina í
þriðja sinn. Fjölmargir gestir sóttu hátíðina heim.
Fjöldi manns sótti Prjónagleði heim, fjölbreytt
námskeið voru í boði og um 300 manns heimsóttu
markaðssvæðið sem staðsett var í Félagsheimilinu. Í
tilefni af 100 ára fullveldi Íslands var efnt til
hönnunarsamkeppni um Fullveldispeysu. Fjölmargar
peysur bárust en það var Kristjana K. Jónsdóttir sem
hlaut 1. verðlaun. Í umsögn dómnefndar kom m.a.
fram að um fallegt litasamspil væri að ræða og leikið
væri með náttúrulega gráa tóna íslensku ullarinnar.
/LAM
Ánægðir námskeiðsgestir. MYNDIR: PRJÓNAGLEÐI
Markaðsvæðið í Félagsheimilinu á Blönduósi.
1 sæti. Hönnuður:
Kristjana K. Jónsdóttir.
2. sæti. Hönnuður:
Ásta Gunna Kristjánsdóttir.
3. sæti. Hönnuður:
Svanhildur Bjarnadóttir.
Spunnið.
Kaffi í tilefni dagsins
Í tilefni dagsins bjóða nokkrir veitingastaðir upp á
þjóðhátíðarkaffi eða glæsileg kaffihlaðborð
sem Skagfirðingar og gestir geta keypt sér.
Þjóðhátíðarkaffihlaðborð á KK Restaurant frá kl. 14-17.
Þjóðhátíðarkaffi í Áskaffi, Glaumbæ frá kl. 15-17.
Þjóðhátíðarkaffi í Sólvík á Hofsósi frá kl. 15-17.
Þjóðhátíðarvöfflur á Sólgörðum í Fljótum frá kl. 12-18,
sundlaugin og leikvöllurinn opin.
Samkvæmt samþykkt um hunda- og kattahald í sveitarfélaginu
er bannað að vera með hunda og ketti á almennum útisamkomum.
Vinsamlegast virðið bannið!
Hátíðar- og skemmtidagskrá
á Sauðárkróki í tilefni
af þjóðhátíðardegi Íslands
12:00 Teymt undir börnum við Skagfirðingabúð
12:30 Andlitsmálun við Skagfirðingabúð
• Félagar úr Skátafélaginu Eilífsbúum
selja gasblöðrur.
13:40 Skrúðganga
frá Skagfirðingabúð að íþróttavelli.
14:00 Hátíðardagskrá á íþróttavellinum:
• Hátíðarræðu flytur Sigurlaug Rún Brynleifsdóttir,
kennari við Grunnskólann austan Vatna.
• Lagaflutningur – Matthildur Ingimarsdóttir syngur.
• Ingi Sigþór og Róbert Smári koma fram ásamt Fúsa Ben.
• Ingó töframaður verður með sýningu.
• Vígsla á nýja gervigrasvellinum.
Í framhaldi af hátíðardagskrá heldur gleðin áfram!
• Hvolpasveitin kíkir í heimsókn.
• Hoppukastalar.
• Leikir og þrautir.
17. júní!
Hæ hó jibbí jeij, það er kominn...
www.skagafjordur.is