Feykir - 20.06.2018, Blaðsíða 3
Beint frá býli á Hofsósi
Bændamarkaðir á
laugardögum í sumar
Á laugardögum í sumar verða
haldnir bændamarkaðir í
pakkhúsinu á Hofsósi. Það
er Matís sem stendur að
verkefninu í samstarfi við
skagfirska framleiðendur
og er Rakel Halldórsdóttir,
starfsmaður Matís sem búsett
er á Hofsósi, hvatamaðurinn
að þeim.
Á bændamarkaði verður til
sölu ýmislegt góðgæti sem
framleitt er af bændum í héraði,
kjöt og fiskur, egg og hunang,
blóm og grænmeti svo eitthvað
sé nefnt. Einnig verður margs
konar handverk frá skagfirsku
(norðlensku) handverksfólki á
boðstólum.
Fyrsti bændamarkaðurinn á
Hofsósi verður haldinn laugar-
daginn 30. júní en þá helgi
verður einnig haldin bæjarhátíð
á Hofsósi - Hofsós heim.
Bændamarkaðurinn verður
opinn milli klukkan 13 og 16
alla laugardaga í sumar. /FE
Um næstu helgi fara fram
hinir árlegu Lummudagar í
Skagafirði en þeir voru fyrst
haldnir árið 2009 og er
þetta því í tíunda skiptið sem
Skagfirðingar skreyta götur
og heimreiðar með sínum
litum.
Að sögn Steinunnar Gunn-
steinsdóttur verða Lummu-
dagar með svipuðu móti og
verið hefur undanfarin ár
nema hvað skemmtiatriðin
verða önnur og má þar nefna
Björgvin Franz með barna-
skemmtun. Þá hafa aldrei
verið jafn margir markaðir
settir upp um allan fjörð og
nú.
Stórtónleikar VSOT verða
haldnir á föstudagskvöldinu í
Bifröst en þar koma fram
þekkir sem óþekkir skag-
firskir tónlistarmenn ásamt
utanhéraðsspilurum.
Landsbankamótið fer
einnig fram um helgina á
Króknum en það er
fótboltamót fyrir stelpur í 6.
flokki. Það hefur vaxið ár frá
ári og má búast við fjölda
keppenda í ár. Tilvalið að
skreppa á völlinn og sjá
ungviðið reyna sig í bolt-
anum. /PF
Lummudagar í Skagafirði
Skemmtileg helgi
framundan
Í síðustu viku fór fram vígsluathöfn í tilefni af
upphafi skyrframleiðslu í Rússlandi undir vöru-
merkinu Ísey Skyr sem er í eigu Mjólkursamsöl-
unnar. Að framleiðslunni stendur rússneska
félagið IcePro LLC sem er í meirihlutaeigu Kaup-
félags Skagfirðinga en að félaginu koma einnig
rússneskir fjárfestar, þar á meðal IceCorpo
RUS, en í gegnum það félag hefur Kaupfélag
Skagfirðinga ásamt hjónunum Sigurjóni Bjarna-
syni og Katerinu Gerisimovu rekið rússneskt
félag, IceCorpo LLC, sem hefur fengist við sölu á
íslensku lambakjöti í Rússlandi síðustu þrjú ár.
IcePro hefur samið við rússneska mjólkur-
framleiðandann, Lactika JSC, um framleiðslu og
dreifingu á skyrinu undir sérleyfissamningi við
Mjólkursamsöluna. IcePro og Lactika standa síðan
saman að markaðssetningu vörunnar. Undir-
búningur framleiðslu og dreifingar hefur staðið
undafarna mánuði og verður skyrið komið í hillur
nokkurra verslunarkeðja í Moskvu og Pétursborg
um næstu mánaðamót.
Markmið IcePro er að ná 5.000 tonna ársfram-
leiðslu fyrir Rússlandsmarkað innan þriggja ára.
Til samanburðar eru framleidd árlega um 3.000
tonn af skyri á Íslandi.
Heildarfjárfesting innlendra og erlendra
fjárfesta nemur um 500 milljónum íslenskra króna.
Katarina Geresimova, framkvæmdastjóri Ice-
Pro LLC, segir að undirbúningur verkefnisins hafi
tekið tvö ár. „Allar markaðsrannsóknir sem við
höfum gert benda til þess að skyrið eigi mjög góða
möguleika á að verða vinsæl vara í Rússlandi. Nú
þegar höfum við hlotið verðlaun í keppni
framleiðenda mjólkurvara, fyrir bragð og útlit
skyrsins.“
„Gaman er að geta þess að við sérframleiddum
skyr fyrir íslenska landsliðið í knattspyrnu og
sendum þeim 650 dósir áður en þeir komu á
hótelið. Einungis tveimur dögum síðar kom
pöntun upp á 850 dósir til viðbótar. Ég bjó á Íslandi
í 10 ár og veit hvað varan er sérstök. Umræðan í
Rússlandi snýst í vaxandi mæli um próteinríkar,
heilsusamlegar matvörur og er sá hluti markaðarins
í örum vexti. Ég er því mjög bjartsýn og hlakka til
að takast á við uppbyggingu Ísey Skyr vöru-
merkisins hér í Rússlandi,“ segir Katarina. /PF
Kaupfélag Skagfirðinga
Framleiðir Ísey Skyr í Rússlandi
24/2018 3