Feykir - 20.06.2018, Blaðsíða 8

Jón Gíslason á Stóra Búrfelli,
vinur minn og skólabróðir úr
Húnavallaskóla, skoraði á
mig að skrifa þennan pistil
og því er ég sest niður og
brýt heilann um hvað mig
langi að tjá mig um að þessu
sinni.
Kannski ég tali aðeins um
nýja hlutverkið sem ég
fékk á síðasta ári og er
eitt merkilegasta hlutverk
sem ég hef fengið. Ég
varð amma. Fallegi, brúni,
strákurinn minn sem ég sótti
fyrir 25 árum til Thailands
varð pabbi. Það var ótrúleg
tilfinning sem erfitt er að lýsa
en jafnframt léttir og sönnun
þess að lífið heldur áfram og
ég get einfaldlega slakað á
og treyst því að allt er eins
og það á að vera.
Það er ekki sjálfgefið að
eignast börn á venjulegan
máta og það fengum við
hjónin að reyna. Í mínum
huga var ættleiðing mjög
góður kostur, enda ættleidd
sjálf og vissi að ást foreldra
minna var ekki minni þó
að ég hefði ekki orðið til
fyrir þeirra tilstilli og vaxið
í maganum á mömmu. Ég
átti dásamlega foreldra og
var umvafin í æsku minni
hóp fullorðinna sem elskuðu
mig og studdu, sem er
ómetanlegt. En ég átti líka
alveg einstaka ömmu sem
kenndi mér ljóð, bænir,
þulur, ævintýri, sagði sögur,
skáldaði sögur og leikrit og
var óþrjótandi að hafa ofan
af fyrir stelpukrakkanum
sem vildi drekka í sig
fróðleik og fékk aldrei nóg.
Mikið lifandis skelfing var
hún Pálína amma mín
þolinmóð kona, þannig
amma vil ég vera. Það var
líka henni að þakka að
áhugi minn á kveðskap
og sagnagerð kviknaði og
án hennar uppeldisáhrifa
hefði ég trúlega aldrei
orðið rithöfundur. Ég hef
oft hugsað um þetta og
þakkað minni góðu ömmu í
huganum og eins og ég segi,
svona amma vil ég vera.
Amma sem elskar og hefur
jákvæð áhrif á alla þætti í lífi
barnabarnanna.
En sem sé í barnleysi okkar
hjóna tókum við þá ákvörðun
að ættleiða börn erlendis
frá og er það dýrmætasta
ákvörðun sem við höfum
tekið í okkar lífi. Þann 13.
október 1992 fæddist sonur
okkar í Thailandi og 1.
janúar 2000 fæddist dóttir
okkar í Indlandi. Þvílíkir
lukkunnar pamfílar við hjónin
erum að eiga þau.
Það er dásamlegt að vera
foreldri. Lífið öðlast allt
annan tilgang. Þú sem
einstaklingur skiptir máli. Þú
berð ábyrgð, þarft að vera til
staðar og þú ert ekki lengur
mikilvægasta manneskjan
í þínu lífi. Allt er breytt og
hjartað slær í kærleika til
barnanna þinna og bænir
þínar snúast um allt gott
þeim til handa.
Já við Ingi vorum sannarlega
ÁSKORENDAPENNINN
Birgitta Halldórsdóttir Syðri-Löngumýri í Austur-Húnavatnssýslu
Það sem ömmur gera...
UMSJÓN
Lee Ann Maginnis
heppin, en tíminn líður og
þrátt fyrir tilfinningu mína
fyrir að vera enn stelpa þá
eru börnin allt í einu orðin
fullorðin. Lífið heldur áfram
og maður óskar þess mest
að þau verði hamingjusöm
og að draumar þeirra rætist.
Svo gerðist kraftaverk, eins
og alltaf er þegar barn
fæðist, það kom barnabarn,
lítill gullfallegur strákur sem
á augabragði breytti öllu
lífinu okkar, alveg eins og
pabbi hans og frænka gerðu
þegar þau komu inn í lífið
okkar. Ég vona að ég eignist
mörg barnabörn og fái að
vera eins og amma mín,
fróð, skemmtileg og alltaf
til staðar. En ég vil líka vera
amman sem gerir allskonar
skrýtna hluti, amman sem er
á ferð og flugi og lifir lífinu.
Einmitt núna er þessi amma
að fara með dótturinni og
góðri vinkonu til London á
tónleika með Ed Sheeran á
Wembley. Mikið hlakka ég
til, þetta er alvöru ömmulíf.
Kannski sest ég líka niður og
skrifa nýja bók, hver veit …
- - - - -
Ég skora á yndislega vinkonu
mína sem líka er nýorðin
amma að vera með næsta
pistil. Það er Jóhanna
Helga Halldórsdóttir á
Brandsstöðum í Blöndudal.
Birgitta Halldórsdóttir áskorendapenni. MYND ÚR EINKASAFNI
Staðurinn ber í dag nafnið
North West Hotel & Restaurant.
Guðlaug og maður hennar
Hallgrímur Hallgrímsson
ásamt Kristni og konu hans,
Rakel Maríu Eggertsdóttur,
festu eins og áður segir kaup á
húsnæðinu árið 2014 en áður
höfðu þau annast reksturinn eitt
sumar. Þau hófust strax handa
við framkvæmdir og standsettu
hótel á efri hæðinni með níu
tveggja manna herbergjum. Að
sögn Kristins var allt viðhald
komið á tíma og strax var ráðist
í nauðsynlegar endurbætur á
eldhúsinu og síðan hefur verið
unnið að miklum endurbótum
innanhúss, s.s. við rafmagns
og vatnslagnir og margt fleira.
Núorðið eru þau farin að ráða
fólk í vinnu en fyrsta árið voru
það aðeins þau fjögur sem gerðu
allt sem gera þurfti. „Fyrstu tvö
árin voru rosalega erfið, það
var alltaf að koma eitthvað
nýtt og nýtt upp á en nú erum
við komin með hausinn upp
úr vatninu,“ segir Kristinn. Á
þessum tíma hafa áherslurnar
í veitingasölunni einnig tekið
talsverðum breytingum, frá því
að vera dæmigerð vegasjoppa
UMFJÖLLUN
Fríða Eyjólfsdóttir
Í Víðigerði við þjóðveg 1 í Víðidal hefur um langan tíma verið
rekin veitingasala. Fyrir fjórum árum festu núverandi
eigendur kaup á staðnum og síðan þá hafa umtalsverðar
breytingar orðið á staðnum. Feykir hitti mæðginin Kristin
Bjarnason og Guðlaugu Jónsdóttur að máli og fékk þau til að
segja sér frá rekstrinum og þeim framkvæmdum sem þau
hafa staðið í undanfarin ár.
Litið við hjá ferðaþjónustuaðilum
Gisting og góðar
veitingar við
þjóðveginn
með einföldum réttum til þess
að verða alvöru veitngastaður
og gististaður. „Við höfum lagt
mikinn metnað í matseðilinn
svo nú er staðurinn orðinn meira
aðlaðandi fyrir þá sem vilja
koma og setjast niður og fara út
að borða góðan mat á leiðinni
milli staða,“ segir Kristinn.
Aðspurð um vinsælustu réttina
segja þau Kristinn og Guðlaug
hamborgara og súpur alltaf
vera vinsæla rétti en einnig séu
grillaðar kótilettur mjög vinsæll
réttur.
Stefnt á frekari
endurbætur
Á hótelinu á efri hæð hússins
eru eins og áður segir níu
tveggja manna herbergi með
baðherbergi þar sem boðið er
upp á gistingu í uppbúnum
rúmum. Einnig er sameiginleg
setustofa á hæðinni og er
aðstaðan öll hin vistlegasta.
Mjög góð nýting er á gistingunni
yfir sumarmánuðina og segja
þau Guðlaug og Kristinn að
meirihluti næturgesta séu
erlendir ferðamenn. Hins vegar
sé meira um íslenska matargesti
og hafi þeim farið fjölgandi ár frá
ári. Má það væntanlega þakka
því að orðspor staðarins hefur
Veitingastaðurinn er á neðri hæð hússins sem stendur við þjóðveg 1,
hótelið á efri hæðinni.
Herbergin eru snyrtileg og öll með baðherbergi.
spurst út því litlu fjármagni
hefur verið varið í auglýsingar
þar til nú á þessu ári.
Opið er í Víðigerði frá
klukkan 10 – 22 alla daga
vikunnar en boðið er upp á
morgunverðarhlaðborð fyrir
næturgesti frá klukkan 7:30.
Lokað er yfir háveturinn en
opnunartíminn hefur verið að
lengjast ár frá ári. Þetta árið var
opnað 1. apríl og verður opið
8 24/2018