Feykir - 04.07.2018, Blaðsíða 3
Húnavaka verður haldin dagana 19.-22. júlí
næstkomandi. Dagskrá Húnavöku er stútfull og ættu
allir að finna eitthvað við sitt hæfi. Dagskráin er með
svipuðu sniði og undanfarin ár, þó alltaf séu einhverjar
breytingar. Feykir heyrði í Kristínu I. Lárustdóttur sem
sér um skipulagningu hátíðarinnar.
Blönduós
Húnavaka á Blönduósi
Starfsstöð Hafrannsóknastofnunar á Hvammstanga flutti í
liðinni viku í nýtt húsnæði á þriðju hæð að Höfðabraut 6. Í húsinu
eru fyrir ýmis þjónustufyrirtæki og opinberir aðilar sem hafa
starfsemi í húsinu. Á heimasíðu stofnunarinnar segir að með
flutningnum batni aðstaða starfsfólks frá því sem áður var og
möguleikar á samstarfi og samskiptum aukist.
Hafrannsóknastofnun hefur haft aðsetur í Selasetrinu á
Hvammstanga. Þrír starfsmenn eru á starfsstöðinni á Hvammstanga
og sinna þeir selarannsóknum í samstarfi við Selasetur Íslands.
Rannsóknaaðstaða verður áfram að Strandgötu 1 þar sem Selasetrið
hefur sýningaraðstöðu. /FE
Hvammstangi
Starfsstöð Hafrannsókna-
stofnunar á Hvammstanga
flutt í nýtt húsnæði
,,Húnavakan byrjar á
fimmtudagskvöldi á BlöQuiz í
Félagsheimilinu á Blönduósi.
Fyrirtækjadagurinn slær
alltaf í gegn á föstudeginum og
mun fjöldi fyrirtækja á staðnum
taka þátt í honum. Á
föstudagskvöld verður svo
kótelettukvöld í Félagsheimilinu
á Blönduósi, en það var haldið í
fyrsta sinn í fyrra og mættu
rúmlega 200 manns til að gæða
sér á kótelettum. Eftir
kótelettukvöldið verður fjöl-
skyldudansleikur með hljóm-
sveitinni Stuðlabandinu sem
mun einnig vera með stór-
dansleik í félagsheimilinu um
kvöldið fyrir 16 ára og eldri.
Opna Gámaþjónustumótið í
golfi hefst svo kl. 9 á
laugardagsmorgun, Skotfélagið
Markviss verður með opið hús,
Blönduhlaupið verður á sínum
stað og bókamarkaður á
Héraðsbókasafninu. Skemmti-
dagskrá verður á bæjartorginu
ásamt markaðsstemningu.
Munu meðal annars BMX brós
sýna listir sínar, Lalli töframaður
skemmtir, hoppukastalar verða
fyrir börnin og hestaleigan Galsi
teymir undir hjá börnum ásamt
söngkeppni barna, Míkró-
húninum, en að vanda eru
glæsileg verðlaun í boði Símans.
Eyþór Franzson Wechner
verður með orgeltónleika í
kirkjunni þar sem hann flytur
söngleikja- og kvikmyndatónlist.
Hápunkturinn er svo kvöld-
vakan sem haldin verður í
Fagrahvammi en þar mun Lalli
töframaður skemmta, Karitas
Harpa syngur nokkur lög,
varðeldur og Sverrir Bergmann
og Halldór Fjallabróðir stýra
brekkusöng.
Á sunnudeginum verður
prjónaganga á vegum
Textílsetursins. Leikhópurinn
Lotta mætir með sýningu
sumarsins, GOSA, og verður
frítt inn fyrir alla á þá sýningu.
Sápurennibraut fyrir börn
verður í kirkjubrekkunni og
afhjúpað verður upplýsingaskilti
í kirkjugarðinum á Blönduósi
um sögu garðsins.
Minjastofa Kvennaskólans,
Vatnsdæla á refli og
Heimilisiðnaðarsafnið verða
opin alla helgina. Það ættu allir
að finna eitthvað við sitt hæfi um
helgina og hvetjum við alla til að
mæta og hafa gaman," segir
Krístin að lokum.
Allar upplýsingar og dagskrá
Húnavöku er hægt að nálgast á
facebooksíðunni Húnavaka og á
Húnahorninu
(www.huni.is) /LAM
Byggðasafn Skagfirðinga
Sigríður Sigurðardóttir lætur af
störfum sem safnstjóri
Sigríður Sigurðardóttir,
safnstjóri Byggðasafns
Skagfirðinga, lét af störfum
um mánaðamótin eftir
rúmlega 30 ára farsælt
starf hjá safninu. Í tilefni
þess lögðu sveitarstjóri og
sviðsstjóri stjórnsýslu- og
fjármálasviðs, ásamt nokkrum
öðrum starfsmönnum
sveitarfélagsins, leið sína í
Glaumbæ á föstudaginn og
færðu Sigríði blómvönd og
gjafabréf.
Konur í félaginu Pilsaþyt,
sem eru tíðir gestir í Glaumbæ,
mættu einnig á svæðið,
uppábúnar í þjóðbúninga. Frá
þessu var sagt á vef
Sveitarfélagsins Skagafjarðar þar
sem Sigríði voru þökkuð vel
unnin störf og óskað velfarnaðar
í framtíðinni.
Nýr safnstjóri hjá
Byggðasafni Skagafjarðar er
Berglind Þorsteinsdóttir. /FE
Berglind Þorsteinsdóttir og Sigríður Sigurðardóttir. MYND: SKAGAFJORDUR.IS
Skagafjörður
Háskólinn á Hólum fær
styrk úr Innviðasjóði
Nýlega birti stjórn
Innviðasjóðs lista yfir þá
aðila sem hlutu styrk frá
sjóðnum árið 2018. Einn af
styrkjum sjóðsins kemur í hlut
Háskólans á Hólum, vegna
verkefnis á vegum Fiskeldis-
og fiskalíffræðideildar. Frá
þessu er sagt á heimasíðu
skólans.
„Forsvarsmaður verkefnisins
er Camille Leblanc lektor og
helstu samstarfsmenn þeir
Stefán Óli Steingrímsson
prófessor og David Ben Haim
dósent. Sótt var um styrk til
uppbyggingar aðstöðu til
rannsókna á atferli fiska. Um
árabil hafa atferlisrannsóknir
verið einn af hornsteinum
rannsóknarstarfsemi deildar-
innar, og hafa þær rannsóknir
að mestu verið framkvæmdar
úti í náttúrunni. Styrkur þessi
gerir skólanum kleift að byggja
upp fullkoma aðstöðu til
vandaðra atferlisrannsókna, í
Verinu á Sauðárkróki," segir í
frétt á heimasíðu skólans.
Að þessu sinni hlutu 27
verkefni styrk frá sjóðnum upp
á samtals rúmar 295 milljónir
króna. Hlutur Háskólans á
Hólum hljóðaði upp á rúmar
fjórar milljónir króna.
Innviðasjóður hefur það
hlutverk að byggja upp
rannsóknainnviði á Íslandi og
er markmiðið með honum að
efla innlendar vísinda-
rannsóknir með því að skapa
nýja möguleika til rannsókna
með fjármögnun tækjabúnaðar
og aðstöðu sem ekki er
aðgengileg nú þegar, segir á
heimasíðu Rannís sem
sjóðurinn heyrir undir.
Sjóðurinn veitir styrki til kaupa
á tækjum, gagnagrunnum og
hugbúnaði og öðrum þeim
búnaði sem telst mikilvægur
fyrir framfarir í rannsóknum
og getur starfsfólk háskóla,
opinberra rannsóknastofnana
og fyrirtækja sótt um styrki úr
honum.
Nánar má lesa um
úthlutanir úr Innviðasjóði á vef
Rannís. /FE
Áfangastaðaáætlun Norðurlands
Komin á netið hjá
Markaðsstofu Norðurlands
Á vef Markaðsstofu Norður-
lands má nú finna DMP
áfangastaðaáætlun fyrir
Norðurland. Markaðsstofa
Norðurlands hefur unnið
að skýrslunni fyrir Ferðamála-
stofu Íslands sem heldur utan
um slíkar greiningar í öllum
landshlutum.
Markmið verkefnisins var að
gera stöðumat á ferðaþjónustu á
Norðurlandi, greina ástand
hennar í samhengi við innviði
og markaðssetningu og
sömuleiðis er skerpt á framtíðar-
markmiðum ferðaþjónustunnar
á Norðurlandi. Markaðsstofan
lagði áherslu á að fá stærstu
hagsmunaaðila svæðisins að
borðinu ásamt þeim sem vildu
leggja hönd á plóg varðandi
forgangsröðun verkefna. Að
lokum voru 15 verkefni valin
sem forgangsverkefni á
Norðurlandi næstu þrjú árin.
Markaðsstofan hyggst kynna
niðurstöður skýrslunnar betur,
sem og framhald verkefnisins, á
haustmánuðum. Ef einhverjir
vilja koma á framfæri
spurningum eða
athugasemdum þá er
vinsamlegast bent á að hafa
samband við verkefnastjóra
verkefnisins Björn H Reynisson,
bjorn@nordurland.is.
/LAM
26/2018 3