Feykir - 04.07.2018, Blaðsíða 4

F ÍÞRÓTTAFRÉTTIR Fleiri íþróttafréttir á Feykir.is
Strákarnir í meistaraflokki
Tindastóls héldu austur
á bóginn og spiluðu við
Fjarðabyggð á laugardaginn.

Á Facebooksíðu Tindastóls
kemur fram að leikurinn
einkenndist af mikilli baráttu á
slæmum velli. Liðunum gekk
afar illa að ná upp spili en það
voru austanmenn sem náðu að
2. deild karla : Fjarðabyggð – Tindastóll 1-0
Tap fyrir austan
skora eina mark leiksins.
Hólmar Daði fékk tvö gul spjöld
í leiknum og þar með rautt.
Tindastólsmenn léku einum
færri í um 30 mínútur en voru
síst slakari aðilinn á þeim kafla
þrátt fyrir það.
Næsti leikur Tindastóls
verður gegn Hugin og fer fram á
Sauðárkróksvelli á laugardaginn
kl. 16. /LAM
2. deild kvenna : Tindastóll - Fjarðab/Höttur/Leiknir 7-2
Markaveisla á Sauðárkróksvelli
Stelpurnar í meistaraflokki Tindastóls nældu
sér í þrjú örugg stig á laugardaginn með 7-2 sigri
á sameiginlegu liði Fjarðabyggðar, Hattar og
Leiknis. Murielle Tiernan skoraði fjögur mörk,
Krista Sól Nielsen var með tvö mörk og Vigdís
Edda Friðriksdóttir skoraði eitt mark.
Fyrsta mark heimamanna kom á þriðju
mínútu þegar Murielle Tiernan skoraði. Tíu
mínútum seinna kom svo annað mark Tindastóls
þegar Vigdís Edda kom boltanum í netið.
Fjarðab/Höttur/Leiknir skoruðu svo sitt fyrsta
mark á 21. mínútu. Stólakonur bættu svo við
þriðja markinu sínu á 25. mínútu með marki
Murielle Tiernan og stuttu síðar bætti Krista Sól
við fjórða marki heimamanna. Staðan í hálfleik
4-1.
Þegar tíu mínútur voru liðnar af seinni hálfleik
skoraði Fjarðab/Höttur/Leiknir sitt annað mark.
Murielle Tiernan bætti svo við sínu þriðja marki
á 56. mínútu og því fjórða á 62. mínútu. Síðasta
mark leiksins kom svo í uppbótartíma á 93.
mínútu með öðru marki Kristu Sólar. Markmaður
Fjarðab/Hattar/Leiknir fékk að líta sitt annað
gula spjald eftir groddalega tæklingu á Kristu Sól
eftir að hún kom boltanum í netið.
Á Facebooksíðu Tindastóls kemur fram að
sigurinn hafi ekki gengið áfallalaust fyrir sig en
tveir öflugir leikmenn Tindastóls meiddust og
verða frá í einhvern tíma. Ólína Sif Einarsdóttir
tognaði aftan á læri og Krista Sól verður frá í 1-2
vikur.
Næsti leikur stelpnanna fer fram í dag,
miðvikudag, gegn Augnabliki í Kópavogi. /LAM
Tindastólsstelpur að loknum leik, á myndina vantar Kristu Sól. MYND: ÞÓREY GUNNARSDÓTTIR
4. deild karla – D – riðill: Kormákur/Hvöt – ÍH 0-1
Tap gegn ÍH
Á laugardaginn mættust
sameiginlegt lið
Kormáks/Hvatar og ÍH á
Hvammstangavelli.

Leikurinn var nokkuð jafn á
köflum, færi heimammanna
nokkuð fleiri en þeim tókst þó
ekki að koma boltanum í netið.
ÍH skorðuðu eina mark leiksins
á 76. mínútu.
Næsti leikur Kormáks/Hvatar
fer fram á laugardaginn gegn
Geisla A á Geislavelli í Aðaldal.
/LAM
Leikmenn liðanna í upphafi leiks. MYND: LAM
U16 í knattspyrnu
Leikmaður Tindastóls valinn í
æfingahóp fyrir úrtaksæfingar hjá
U16 karla í knattspyrnu
Landsliðsþjálfararnir, Davíð Snorri Jónasson og Þorvaldur Örlygsson, hafa tilkynnt hópa
fyrir úrtaksæfingar U16 og U18, sem fara fram helgina 6. og 7. júlí. Æfingarnar fara fram á
æfingasvæði Fram í Safamýri.
Jón Gísli Eyland Gíslason, leikmaður Tindastóls, hefur verið valinn í æfingahóp fyrir úrtaksæfingar
U16. Jón Gísli, sem er fæddur árið 2002, á að baki átta landsleiki með U17 landsliðinu. Jón Gísli
lék sinn fyrsta leik með meistaraflokki Tindastóls, þá einungis fjórtán ára gamall og var þá yngsti
leikmaður í sögu Tindastóls til að leika með meistaraflokki. /LAM
Jón Gísli ásamt föður sínum. MYND: ÚR MYNDASAFNI
Orkumótið í Vestmannaeyjum
Hvatardrengir á
Orkumóti
Drengir í 6. flokki knattspyrnu-
deildar Hvatar á Blönduósi
tóku þátt í Orkumótinu sem
fram fór í Vestmannaeyjum
27. – 30. júní síðastliðinn.

Þrátt fyrir leiðinlegt veður og
mikla þoku mátti ekki sjá það á
drengjunum þegar dómarinn
mætti til leiks á laugardaginn.
Dómari leiksins var enginn
annar en Heimir Hallgrímsson,
þjálfari karlalandsliðsins í
knattspyrnu, sem var nýkominn
heim frá Rússlandi. /LAM
Hressir Hvatarstrákar með Heimi Hallgrímsyni MYND: VALA HILMARSDÓTTIR
4 26/2018