Feykir - 04.07.2018, Blaðsíða 9

Á Sauðárkróki rekur Baldur Sigurðsson
fyrirtæki sitt Kvíaból sem heldur utan um
rekstur útibús bílaleigunnar AVIS á staðnum.
Fyrir stuttu bætti hann við umfangið
og ákvað að bjóða upp á vegaaðstoð og
fyrirtækið Bílaþjónusta Norðurlands varð
til. Í síðustu viku fékk Baldur í hendurnar
bílaflutningakerru, sem ætti að koma í
góðar þarfir við þjónustuna og Feykir ákvað
að kanna málið örlítið.

Baldur segir að rekstur Bílaþjónustu
Norðurlands snúist um það að hjálpa þeim sem
eru hjálparþurfi á þjóðvegum landsins. „Þá er ég
ekki eingöngu að tala um bílaflutninga heldur
aðstoða ég fólk líka með alls kyns vandamál.
Reyni t.d. að gera það sem þarf áður en skipta
þarf um bíl. Ég skipti t.d. um eldsneyti á bílum ef
dælt er röngu á, redda sprungnum dekkjum,
losa bíla sem eru fastir og flyt bíla þangað sem
þurfa þykir, o.fl.“
Aðspurður um hvort eingöngu sé verið að
þjónusta bílaleigubíla segir hann ekki svo vera.
„Þetta er fyrir alla, konur og kalla. Fólk bara
hringir í mig og ég mæti á staðinn,“ segir Baldur
en síminn hjá honum er 8933315, bara svona ef
lesendur rata í ógöngur.
Þjónustan er enn að slíta barnsskónum því
Baldur fór af stað með hana þann 1. maí sl.
Hann segir þetta nuddast af stað en tekur fram
að það muni taka tíma að koma þessu áfram.
Baldur segir þessa starfsemi fína meðfram
bílaleigu AVÍS enda hugsunin sú að að hafa
með til að styðja reksturinn.
Þeir sem lenda í vandræðum á vegum úti
geta hringt í Baldur sem segir að engin mörk séu
á því hvert hann fer „Það eru engin landamæri á
Íslandi og ég fer þangað sem ég er beðinn um að
fara. En auðvitað er þetta fyrst og fremst hugsað
fyrir Norðurland og ég get vel sinnt svæðinu frá
Vopnafirði og norður á Strandir,“ segir hann að
lokum. /PF
Bílaþjónusta Norðurlands
Veitir hjálparþurfi vegaaðstoð
Baldur hefur yfir öflugum tækjum að ráða og vílar ekki fyrir sér að keyra langa vegu til að aðstoða fólk í neyð. MYNDIR: PF
Listakonan Dóra í Vatnsdalshólum
Þrjár sýningar á
þremur mánuðum
Handverks- og myndlistar-
konan Hólmfríður Dóra
Sigurðardóttir hjá Listakoti
Dóru í Vatnsdalshólum í
Vatnsdal hefur ekki setið
auðum höndum upp á
síðkastið en frá því um
miðjan apríl hefur hún átt
þátt í þremur listsýningum
ásamt því að vera með
kynningu á ráðstefnunni
HÉRNA NÚNA!
Fyrsta sýningin var einka-
sýning sem opnuð var þann
19. apríl á Ömmukaffi á
Blönduósi. Á þeirri sýningu
sýndi Dóra, eins og hún er
jafnan kölluð, olíumálverk og
stendur sú sýning enn yfir.
Dagana 27.-28. apríl tók Dóra
þátt í Lista- og menn-
ingaráðstefnunni HÉRNA
NÚNA! í gömlu kirkjunni á
Blönduósi og kynnti þar,
ásamt fleiri listamönnum, það
sem hún er að vinna að í list
sinni með skyggnilýsingum. Á
sama tíma var hún einnig
þátttakandi í sýningu í
Kvennaskólanum á Blönduósi
þar sem erlendir og íslenskir
listamenn sýndu.

Þann 21. júní sýndi hún,
ásamt öðrum listamönnum, á
Jónsmessugleði Grósku í
Garðabæ. Þetta var í tíunda
sinn sem Jónsmessugleðin var
haldin og voru þar fjölbreytt
listaverk til sýnis. Þema
sýningarinnar var LÍF Í
TUSKUNUM. „Ég tók fyrir
tískuna gegnum aldirnar og
sóunina á því sviði. Í aldanna
rás hefur tískan farið í gegnum
alls konar skeið, þróast og
umbreyst Föt hafa visst marga
lífdaga og tískan breytist
stöðugt. Einu sinni þótti gott
að eiga föt til skiptanna en í
dag þarf að vera fullur
fataskápur Nafnið á verkinu
mínu er Tískan er forgengileg.
Í tengslum við málverkið mitt
setti ég uppstillingu með. Ég
tók þátt í undirbúningnum
síðustu tvo dagana og
gjörningnum í lokaatriðinu.
Mjög skemmtilegt og gaman
að taka þátt með frábærum
listamönnum,“ sagði lista-
konan Hólmfríður Dóra í
samtali við Feyki. /FE
Dóra við opnun einkasýningarinnar á Ömmukaffi. MYNDIR ÚR EINKASAFNI
Málverk Dóru, Tískan er forgengileg, á Jónsmessusýningu Grósku. Málverkið Minning sem er á sýningunni á Ömmukaffi. Málverk Dóru, Seljalandsfoss.
26/2018 9